((المال والبنون زينة الحياة الدنيا
..&.. أدعيــــــــــــة للحـــــــــــــامل ..&..
"ربِّ هَبْ لِي مِن لَّدُنْكَ وَلِيًّا، يَرِثُنِي وَيَرِثُ من دعوة الإسلام، واجعله رَبِّ رَضِيًّا".
– "اللهم ارزقني صبيًّا حَنَانًا مِّن لَّدُنّك وَزَكَاةً، وَاجعله ربِّ تَقيًّا، وَبَرًّا بِوَالِدَيْهِ، وَلا تجعله جَبَّارًا عَصِيًّا، واجعله اللهم يأخُذ الْكِتَابَ بِقُوَّةٍ، وَآته اللهم الحكْم صَبِيًّا".
– "ربِّ َهَب لَي غُلامًا زَكِيًّا، واجعله اللهم مُبَارَكًا أَيْنَ ما كان، وأعِنه على الصلاة وَالزَّكَاةِ مَا دام حَيًّا، وَبَرًّا بِوَالِدَيه وَلا تَجْعَلْه جَبَّارًا شَقِيًّا".
– "اللهم اكتب له طولَ العمر، وحُسنَ العمل، وسعة الرزق، وسعادة الدارين".
– "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة".
– "اللهم إني أستودعك جنيني الذي في رحمي، أنت الذي لا تضيع ودائعك يا الله".
– "اللهم احفظ جنيني واحْمِه، وامسكه أن يسقط، وأتم حمله على خير".
– "اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خير".
– "اللهم صوِّره في أحسن صورة ونجِّه من كل تشويه ومرض".
– "اللهم يسِّر حملَه وولادتَه ورضاعتَه وتربيتَه، واجعله مطيعًا لربه، بارًّا بوالديه، متعاونًا مع إخوته، نافعًا لأمته، زخراً للإسلام والمسلمين".
– "ربنا هبْ لنا من أزواجنا وذرياتنا قرة أعين واجعلنا للمتقين إمامًا".
مبروك لكل حامل وربي يتممه الكن على خير
..& .. قــــــــــــائمــــــــــــــــــة المشتــــــــــــــــــــريـــــــــــــــــات..&. .
هذا الجـــــدول يبين الاسابيع و متــــــى تدخلين الشهـــــــــر المقبل في الحمـــــــــل
حـــوامل الشهـــر (( 4 ))
حـــوامل الشهـــر (( 5 ))
حـــوامل الشهـــر (( 6 ))
اللي حابه اتضيف جنس البيبي اتبلغني..
الازرق ولد والوردي بنت
خريجات التجمع:
1) معذبه 2/2 الله يحفظ لها ثاني
الله يتمم لنا على خير ويسهل علينا
مبروووك التجمع اليديد
اشوف مقابلات وبلاكبيرييات من وراي
عاد انا كرهي هالفون شكلكم بتخلونيي اقول لريلي اباه><
كفايه الايفون
وشحالكم بعد فيني رجاااااد
خلي اول رد حقي ليييش سبقتيني :@
المشاركة الأصلية كتبت بواسطة ريماني العين 
..
1- أأمن طريقة لقص اظافر البيبي متى ؟ وهو راقد ؟ اخااف يفز ويتحرك ولا سمح الله اعوره ( ريلي مهددني .. متعقد من وهو صغير واذا استوى شي للبيبي يا ويلي )
اامن طريقة انج يوم ترضعين البيبي تقبضين صبعه والجلد الي ورا الضف تشدينه على ورا عشان يبرز الضفر عدل وتقصينه بالمقص الصغير مال الاطفال
بس عيايزنا يقولن الضفر يوم يروح المقص ايتم بسرعه يطول
لا تقصين ضفوره اول 3 اسابيع لانه يلدة يكون وايد طري ولبسية قفازات عشان ما يشمخ عمرة
2- كيف وضعية رااس البيبي وقت رقااد فليل ؟ احط تحته مخده اللي فيها فراغ عشان يثبت رااسه واميل رااسه على ينب عشان ما يرجع لا سمح الله وهو راقد .. والا عادي بدون مخده بس اميل راسه؟
نسوي له طواقي
بالشيلة الصلا ة تسويها دوارية وحفرة في النص حق راسة عشان يعتدل لان راسة في الفترة الاولى يكون لين وبسرعه يتشكل يعني لو كان يرقد على طرف بيكون راسة ياي على طرف
بس اذا كان يزوع وايد يفضل نج تخلين راسة على ينب
3- وقت السبوووح .. كيف اغسل راااسه بصاابون واتجنب انه الماااي ايي على ويهه ؟؟ اخاف لا سمح الله يدخل الماي في ثمه او خشمه .. ؟؟
اول شي تغسلين جسمة تحطينه على الاسفنجة اول اي شي وترفعينه وتكون ايدج تحت رقبته وراسة وضهره
يعني تفتحين ايدج كاملة وتغسلين جسمة وبعدين تجلبينه وتحطين على صدرة وتقبضين ايدة بدور لج صورة كيف وتغسلين راسة وجسمة من ورا وتصبين عليه شوي ماي عشان ينضف من الصابون
يوم بتاخذين حوض للبيبي خذي طشة ماي تحطينها عدالج يكون فيها ماي نضيف غير الي في الحوض لان هذاك بيكون فيه مي وصابون وخلي الفودة على جتفج عشان من تطلعينه من الحوض سيدة تدفينه
وحمام العافية ياربي .gif "12 (73)")
4- اذا بنحلق رااسه .. متى ؟ وبعد شو هيه أأمن طريقة واستخدام اي موس؟
من السنه يكون اليوم السابع واذا ما قدرتي في السابع تخلينه في الاربع طعش ومضاعفاته
بس السنه يكون السابع
واامن طريقة للمبتداين شفرات الحلاقة اول شي اتيبين شفرات يديدة
تقبضين الياهل وتقمطينه وترضعينه وتحطين عدال طاسه فيه ماي وصابون مال اطفال وتخلينه على ينب يعني تيلسين وترضعينه وتبدين في القسم الي على طرف
وتحطين على راسة ماي وصابون وتبدين بسم الله وتحلقين مع اتجاه الشعر وكل شوي تنضفين الموس من الشعر وخلي احتياط عدالج كذا موس عشان ان بغيتي تبدلين وعقب ما تخلصين هالينب رضعيه من الصدر الثاني ونفس الطريقة وبعدين صدري له يعني ايدج على صدرة وويه مجابل الارض واذا كان يصيح حطي له مصاصه وكملي بعدين بعد ما تخلصين من حلاقته سبحية ويمعي الشعر كل لان من السنه تطلعين زكاه مقدار وزنه ذهب يعني تودينه عند راعي الذهب وهيه يشوف وزنه
يعني خلي الشعر لين تردين البلاد وودية عند اي محل ذهب
ونعيما ان شاء الله .gif "12 (43)")
اذا تذكرت شي عقب بقوولكم وشكرااا مقدمااا خخخخخ
عفوا واي سوال انا حاضرة
حشرة مع النااس عييد