`·.¸¸.·¯`··._.·بنظركم منو يستحق هالايام نسميه ريــال ؟ `·.¸¸.·¯`··._

مر مع ربيعتي

كنت اداوم وياها بمكتب جريبها ..وداومنا مختلط بمعنى اخر نحن بمكتب

فيه حريم بس الكستمر رياييل … هي متنقبه ووووزلاغ

وجوتي اسود ووالخ من الحشمه وعمرها 21 بس شكلها يبين

بالثلاثين من هالنقاب ( ياليت اللي تعرف مكان نقابهم مرتبب وايد

تراسلني ع الخاص لان صدق كارهه شكل النقاب لما البسه وفي بنات مرتبات )

المهم .. دخل عليها مره وحده كاستمر وما في شي شي يخليه

يرمسها بهالطريقه وهو كان مترردد للمكتب قالها

(( جسمج خبال وصراحه خاطري انج تاخذين رقمي وايميلي

ادري كلامي قوي بس من متى ابا اقولج اياه وساكت ))

من غير وايد كلام ماحبيت اقوله …

بذمتكم هالريال هل انه شاف عليها شي.. وربيعتي عبييها وسيعه

بس يمكن ظرب الهوا مره وشاف .

هل من حقه يرمسها بهالرمسه ؟؟

وين مقولتكم البنت الحشيمه مايتعرض لها ريال ؟!؟

وين مقولتكم الحشيمه مستحيل ريلها يمسها بكلمه

حبايبي الرياييل اللي نفسهم دنيه مابتفرق وياهم متحجبه والا متنقبه

والا كبر امه … اقسم بالله ماتفرق …

يعني بعطيكم رمسه من ريال من هلنا ( مابحدد عن الرمسه )

قال مره رحت لمكان يخلص معاملته هو وريال ثاني وشاف بنتين

نازلات من الدري كاشخات وريحه العطر وحلوات )

قال يوم يييت برقمهم ( تذكرت ان كما تدين تدان واستغفرت وظهرت )

بذمتكم هذا لو مب مرباي ومب نفسيه دنيه جان ماهمه شي

بس لانه ولد ناس وعرف مقوله ( كما تدين تداان ) وعرف ان عنده خوات

استغفر وظهر ومابقولكم مطوع عشان كلمه استغفر !!!

بس عرف ان حد بيتعرض لهله …

لاتحطون اللوم حتى على البنات الكشيخات

الريال بيلاحق اي وحده … الريال من نفسه لو مايبى وبيخاف على خواته

مابيتعرض بس لانه ماعنده اخلاق بيقط اللوم ع البنات

موقف 2

صار مع وحده من الربع -الاهل – الخ مابى احدد ناس تترصصد

هي حرمه معرسه ومعيله كمنن نفر هع ورايحه هي وربيعتها بيقظون شغله وبييون

ووحده منهم تسوق وتدور بالريموت السياره بين البركنات لان البركنات ووسسااع

وايد يى وحاام حواليهم .. قالهم تبون مساعده؟؟ سووو طاااااف

رد وحام حواليهم … حرام الياهل فطس حرررر انا بساعدكم وسووله طاااف

اخر شي يوم جربت الحرمه بتفج السياره وحصلتها وقف عند السياره وقال

الشيخه ممكن تاخذين الرقم ؟؟؟؟؟

الحرمه طفرت وردت عليه برد اقسم بالله حفظته عشان اي حد

يتعرض ارد بنفس الكلمه

قالت : تتخيل اني وحده من اهلك ؟؟؟

تدرون شو سووا؟؟؟

اقسم بالله طالع رقم السياره ورراح من الخوف

هو حسباله صدج انه من هله وكشفته

شو اللي خلاه يتعرض لهايييلا وهم متسترات ؟؟؟

تقولون الحشيمه محد يتعرض لها ؟!

بنيي لموقف 3 صار لحد من الاهل

– واحد من الاهل نزل حرمته واخته لمحل وهو بالسياره يعني المحل

جريبه بالووووووويه .. ومرته حامل بالتاسع او الثامن .. ونقاب

واخته بنقاب ووومافيهم شي يغري ويلفت

اول ماظهرو من المحل واحد سافط سيارته وقال للحامل الرقم

للحامل تسمعون شويعني حامل ؟!؟! هي دشت السياره وخبرت

ريلها وظهر له الريال وراح للريال اللي رقم وقاله مره ثانيه حشم

الاهل متسترين وانت ماحافظت على هلك قاله الريال انا ماسويت شي

انا ارمس بالفون واملي الرقم لربيعي قاله الريال والله نحنا شباب

وفاهمين بعضنا البعض

رقم الحامل لان الشباب احين يدورون معرسات – مطلقات -حوامل

وافهم يافهيم !!!!

اهني بهالمواقف الثلاث

كلهم مب حشيمات صح ؟؟؟

نرجع واعطيكم مثال 4

موقف رقم 4

موقف صار مع ربيعتي جدام بيتهم … هي راحت تنزل الاغراظ الماما وتوها فجت الباب

السياره تبى تييب واحد طايف جدامها ويقولها :ريوس ريوس ريوس

سوووووري على هالموقف الللي مافهم هالنقطه يفهم ..

ماحشم انها بنت فريجه ؟؟

ماحشم انها بنت ؟؟؟

ماحشم الاهل ؟؟؟؟؟

هي روحها تفاجات شو هالخياس .؟؟!؟!؟!

الوحده سواء ميكاب والا جلحه الريال وراها وراها المهم يظبطها

عيل شفتو مسلسل طاش ماطاش يوم قعدو الشباب يرقمون لما شافو

عبايه سوده اخر شي ظهرت عيووووووز خخخخخ

المهم انهم شافو عبايه سوده سيده … عفاد عليها ..

وايد مواقف براسي مابى اذكرها …

بس نقطه وملخص للي فوق ….

( الريال لو محشم ويعرف ربه مب شرط مطوع ..يعرف ان وراه اهل ..

اقسم بالله العلي العظيم وهاي حلفه .. مابتهزه كشخه بنت )

بس الريال اللي يدور له سبب بيقول والله هي متكشخه !!

هي متلبسه !! مووول مايخصه

لان خذت من هالدنيا قناعه بعد ماشفت الشباب يرقمون بنات

حشيمات خذيت قاعده ..

الريال الردي بيتم طول عمره رديء الين يصطلب

لوشاف جمال العالم في بنت بيشوفها ارخص وحده بعينه

موقف رقم 5 توني تذكرته

مره وحده رحت الخياط انا ولدي يحفظه ربي … المهم انا اشوف سياره تلاحقني ياخي رايحه الخياط وراده مابتهنى بعد خخخ

المهم نزلت انا الخياط بخيط لي جلابيه وبرد بيبتي … اول مانزلت اشوف الريال واقف بسيارته جدامي وقالي

الشيخه طلبتج تكفين خذي رقمي .. يعلني فداج خخخخخخخ كل هالغزل مره وحده !!!! سويت له طاااف

ودخلت الخياط تم واقف برررررع دعيت عليه خمسين دعوه ماتهنيت بالخياط موليه ارتبكت سرت يبت ولدي من السيارته

نسيته من هذا خخخ قلت يمكن يشوف ولدي يحسسسسسس انييييييي عندي ولد وبيحشم شوي !!! تم يرمس عطيته

الاذن الصمخه ..ودخلت اخترت لي جلابيه وشوي اشوفه زلف

قلت روحه بلا رده يارب خخ .. وشوف اشوف تلفون الهندي يدق

والهندي يقولي ماما كلام هذا مافهمت له ؟؟ قلت يمكن حرمه تبى وصف الخياط والا شي

لان ماعرفت شو يقول شليت من ايده السماعه ورمست قلت الو

قال الو

قلت نعم اخوي؟؟؟

قال والله انا فلان اللي واقف برع من شوي وخاطريه الا ارمسج دخيلج .. ممكن تسجلين الرقم عندج؟؟

انا وايد اغتظت من الموقف حرق اعصابي ولدي وياي !!!! شلون يتجرا

قلت له كلمه وحده

ترى عندك خوات وكما تدين تدان ..

قال: لا ماعندي خوات !! يوم قال جيه

دبنت التلفون بووويههه لانه هالكلمه وايد اسمعها

ليش هالبنات اللي بالدنيا كلهم ماعندهم اخوان ؟؟ خخخ

هالجواب وايد تكرر لي بكذا مكان صمت التلفون بويههه

ياناس شو حجته ؟؟؟ لاني من القمبوعات اللي تنحط بنص الراس

ولا ميكاب ولا ريحه ولا شي يجذب !!!

عطونا الخلل وين ؟؟

نيي للنقطه الثانيه

وايد قريت مواظيع بعد … عن الريال اللي يداوم في مكان مختلط … وهو الموضوع اللي قريته

يشمل النقطتين بعد اللي فوق ذكرتها وهاي ..

مب شرط الريال الللي يداوم بمكان مختلط معناته بيظيع بيفسف بيخون .. كله على حسب

الريال نفسه .. انا عندي واحد من الاهل مابذكر شو يقرب لي

يوم خطب وسالو عنه الكل جاوب بجواب وااااحد

( الريال في الدوام مايحط عينه بعين حد ولا له حس ولا خبر

ولايطالع الرايح والراد ) قصدهم انه ماله خص بالبنات حتى ( مب معناته قصدهم

ان داس وييه بالطاوله خخخ مستحيل اكيدب يشوف حد طايف وراد

علما انه مب مطوع عن تحطون ببالكم هالشي… بس الريال مصطلب

مع انه قايلي انه يشوف هالبنات المفلعات قمبوعه ووالخ يعني لو منزل

راسه بيشوف مانقول لا بس عمره عمره ماراح يكلم وحده

ولو عطاها رقم والا انه اثر على حياته لانه عنده قناعه

رايح يداوم ويرد ويصطلفون البنات قوم القبموعه والسكيني !!!!

5 سنين من دوامه مااثر على نفسه ولا كلمهم ولا حتى نزل مستواه لهم

والحمدلله هو واهله وايد وايد متفاهمين ممن هالنقطه ولو عنده رمسه

يرمس بها اهله ..تقولون الظحكات والميكاب ووالعطر هي اللي تخلي

الريال يميل لو انه مطوع.. ليش هالريال ما مال ؟؟؟ ولا انه اتعرض على

وحده منهم اوو سوالهم سالفه

لانه يعرف ( لو تجرا عليى وحده منهم لو هي السبب حد بيجرا على اهله )

حطوها قاعده

ماشاء الله تبارك الله على اخواني مامدحهم بس جيه لان كلهم نفس الرمسه

عمرهم ماغازلو ولا فكرو ببنت .. ولا شي لانه يعرفون عندهم خوات

بروحهم يقولون والا هم ماعندهم احساس ومشاعر ؟؟؟ ومايميلون

لللاغراءات بس هم عارفين ان عندهم خوات …

بس مب كل واحد اسمه ريال يظهر ريال ^_^

كلمه ريال كبيره ويستحقها من يخاف على اهله … ومايتعرض لحد

والا ماشاء الله كل الرياييل نسميهم ريايييل بس الاكثريه مايستحقوها

بس هذا اللي عندي والسموحه لو خذت اقتباس

ابى اراء وانا مستعده اتنازل عن رايي اذا شفت شي يقنعني

^^

يوم ان ريلج ماعرف قدرج .. ولا حسب حساب اهله

لاتعقين اللوم على الموظفات والبنات الكشخه وحتى على الحشيم ^_^

لانه الغلط منه … بغض النظر عن الطرف الثاني

لان الطرف الثاني تدخل فيه الحشيم اللي المفروظ محد يرقمها

بس ما سلمت منهم^^

والسموحه على هالهذره كلها

غيظ من فيض