،، فروووووت سلط من يدين رعوووشة ،،

مرحبااااااااااااااا
كيفكم صبايا + أمهااات الصبايا
طبعا ماشي حرمة ماتعرف تسوي فروووت سلط وكلن له طريقته وأنا اليوم بحطلكم طريقتي اللي كل من ذاقها تخبل عليها ((وايد مصدقة عمري))
المهييييم نبدا فالمقادير
طبعا لازم وأهم شخص واحد يسويها والفواكة تكون عنب صغير الحجم ومب جديم يعني مب الهندي يطلع من كرتون خايس ههههههههههه أنا آخذ الفواكه من أبيلا أو سبنس أو كارفور بس أبيلا فواكهم رووووعة
قلنا عنب ورمان أحمر تحصلينه مفتت وزاهب حق العيازات مثلي وشرواي ههههه وأناناس مقطع صغير ومشمش يكون مب لين وايد وفراولة صغيرة تقطعينها شرايح رفيعة وتفاحة وحدة لاتكثرين مب زين يسوي غازات ولو حبيتي منجا بس لاتكثرين يعني لازم فواكة حلوة وطازة ومب خربانة لأنه لو حبة شوي خربانة تخرب الطعم هي ديه الخلاصة هههههههه ذليتكم
تقطعين كل الفواكة وتحطين عليها شوية زعفرات مب وايد تستوي عقب شرات الفيمتو وشوية لوز مقشر وشوية قطرات من ماي الورد كما هو موضح فالصورة

عقب تصبين عليها عصير منجا فرش مال العين هذا أحلى عصير للفواكه وحد يحب البرتقال لفرش يعني تسوينه فلبيت بس عقب بخركم ليش ما حطيت برتقال

هنيه كيف تصبين العصير يمقن حد يعرف يصب ويمقن محد يعرف قلت أعلم اللي مايعرف

وهاي صورتها عقب ما خليت الفواكة تتضارب ويا بعضها

قربوا كل وحدة فيكم تغرف منها صحتييين وعافية فديتكم

ألحين بخبركم لييييييييش ماحطيت عصير برتقال لأنه العصير يكون توه فرش ولازم تاكلينها فنفس اليوم لكن المنجا الللي يكون فدبة وفرش عادي أتم يومين ما يتغير طعمها وصلت المعلووومة

تامرووون شي بسير أغرف حق بنات اليومياات ههههههه
السموحة إذا شي أخطاء مطبعية

رعشــ هدب ــة …~
شكلها يشههههههههههههي ماشاء الله ..على ايدج بديت احب الفروت سلد ..~
تسلم ايدج حبيبتي ولا تحرمينا من يديدج ^_^

الله ..<<تخبلت ههه
شكلهـآ تجنن
امم
نحن نسويهـآ عـآديهـ
يعني بدوون الزعفرـآن و اللوز
لكـن بجربهـآ ..
وتسلمين رعووشهـ
وهالله الله مآ اوصيج فـي بنـآت اليوميـآت ههه
اكليهن ههه
و حطـي حق جرووحهـ حليلهـآ بترد من الدوـآم عيـزـآنهـ><خخخ
عشت الدووور انـآ هه

ما شا الله تبارك الرحمن

فديييت هالايادي اللي سوتها
مبين لذييييييذه والالوان رووعه تفتح النفس
يعطيج الف عافيه يالغلا
بسير باكل هناك خخخخخ

تسلمين ع الفروت الغالية
وابدعتي

تسلم الايادي

تسلموووووون على المرور الطيب
كتكوتا حبيبتي
لاتوصين غرفتلهم كلهم بس الدبة جروحة ما سدها هههه
أنا كنت قبل نفس الشي بس أقط الفواكه وحط من ها ومن ها وخلاص لكن من عرفت هالطريقة أدمناها بصراحة تعطي طعم حلو بالزعفران وماي الورد بس لاتكثرين منه أهمممممممم حاجة وهاي طريقة من عشر سنين ولله الحمد
فراولتنا الحلوة
بدونج سلطتنا مب شي هههههه
أهم شي لاتحطون موز أو برتقال أو كيوي يخليها مهروسة
فقط عنب تفاح حبة فقط مشمش كمثرة فراولة فديتها هههههه منجا مب مستوية وايد وبيطلع الطعم خباااال