شحــآلكم بنآت عسآكن بخيير..,
مآآدري شو صآآرلي هاليومين !!
خلآص أحس نفسيتي فالحضيييييييض وربي…,
أنآ طول عمري أي وحده تي عندي تقولي مضآآيجه أنصحهآ . .وتعودت أني مآفضفض لحد أي شي يستويلي… احيآنىآ اييني أكره النآس كلهآ ومآبا أششوف حد موليه !!! …
بس هالأيآم والله أحس تفكيري منشل نهآئيــآ..
والله مآتتخيلون حآلتي البآرحه.. حسيت الدنيآ إدور وريولي يالله يالله تششلني وسآكته طول الوقت.. كآرهة نفسي .. وابآ اصييح وبنفس الوقت أمسك نفسي… والله كل مآروح مكآن اتخيل اسوي حآدث وأموت من التعب اللي أعيشه…
والله يآبنآت أنآ اعرف ليش جي يصيرلي !! بس لين يومكم أحس بالقهررر
آنآ حآلي حآل اي بني آدم يغلط …
وقبل حيآتي كآنت اي شي .. كنت فكل شي يضربني فضول وأجربه .. وآيد اشيآء غلط كنت اسويهآآ… لأن كنت دوم اروحي… ارقد اروحي .. اقعد ساعات طويله محد يقعد ويآآي بطبيعه حآل بيتنآ كل حد لآهي ويآ عمره.. اروح المدرسه الجامعه محد قريب مني.. ومحد يسولف ويآي.. ومآعندي ربيعآآت موليه..
مب لآزم أقول شو كنت اسوي .. وبشو كنت أخرربط .. بس اللي ابا اقولكم أني نآآآآدمه ندم شدييد.. وهالندم يومياآآ لآزم أحسه.. قسم بالله خلآإآإص أحس حيآآتي استوت تآفهة .. والله أقعد ويآ النآس وأحس أني اخس وحده فيهم.. خصوصآ أني أدرس حآليآ فالجآمعه .. ومضغوطه ونفسيتي تعبآنه .. وافكآر تيبني وتوديني…
اللي كنت اخربطه مآحد يدريبه غير ربي.. والحمدالله انا الحين أقرآ قرآآن يوميآآ. واستغفر وادعي ربي يغفرلي ذنووبي …, وتبت ووعدت ربي مآعود للي كنت اسويه.. وعسى ربي يقبل توبتي..
.. حتى مرآآت يوم يستوي شي حلو .. اتم اوسوس وأحآتي انه هالشي مآيكتمل والسبب أني مآكنت أوكي قبل…, شوفوا كيف امبهدله حيآتي بايدي!!!
بنآت مآبآ شي من هالدنيآ وربيي.., أبآكم تدعولي بالتوفيق..والله يحقق اللي فبآآلي. دخييلكن يآإبنآآت .. ترآ بعدني صغييره ع هالهموم أنآ من صغري جي سبحآن الله. اروحي واوسوس بكل صغيره وكبيره ومب مرتآحه . والحين عمري 23 .. اكتب ودمعي ع خدي …
=(
السموحه منكن ..,
الله يثبتج و يغفر للمسلمين و المسلمات
عن أنس بن مالك رضي الله عنه قال: سمعت رسول الله – صلى الله عليه وسلم – يقول: قال الله تبارك وتعالى: (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة) .
تخريج الحديث
هـــذآ كلام ربـــج .. مب كلام بشـــر
شو تبيـــن زود ؟
تبتي ؟ توبتك كآن مع نيه وندم واصرآر ؟
الحمدلله ..
التآئب من الذنب كمن لا ذنب له ..
كل الي عليــج الحينه
تتقربيــن من ربج ..
بعطيج آهم شي تسوينه
ورتبيه بـ جدول لــج وغصبي روحج تسوينه كل يوم لين تتعوديـــن عليه !
أهــــــــم شي
ركعتيـــن قيآم الليل فالثلث الاخيـــر ..
وادعي فييييييييهم بالي تبينه .. ربج يسمعج .. خلي توآصلج ويآ ربج مبآشر مآعليج من البشر كلهم !
الزمي الاستغفــآر طوووووول اليوم والتسبيح والتهليل والصلاه على الرسول .. ولا حول ولا قوة الا بالله ..
شوي شوي لسآنج بيتعود وبيذكر الله بروحه ..
اذكـــآر الصبــآح والمســـآء و النوم .. خذي لج كتيب صغير من اي مكتبـــه ..
قرآءة القرآن
كل يوم اقري سورة البقرهـ .. عسى ربي يرزقج البركه فـ حيـآتج
+ اقري جزء من القرآن او قد مآتقدرين ..
تصدقي بدون لا احد يـــــــــدري .. كل يوم ع قد مآتقدرين حتى لو درهم !
صومي تطـــــــــــــــــوع ..
والزمي صلاتج بـ وقتهــآ
ومتى مآتضآيقتي قومي ع طول بدون تفكير .. توضي وصلي ركعتين والي بخاطرج قوليه لـ ربج
>> اعرفي ان هالوقت الشيطآن قآعد فوق راسج يبا يطفر بج ويبعدج عن ربج .. خلج آقــوى عنه ..
وعقب تمي استغفري او اقري قرآن ..
يختيـــه والله ثم والله ثم والله ..
انج لو بتطبقين هالجدول مع اخلاص النيه لـ وجه الله .. والثقه التــآآآآآآآآآآمه فيه
بتشوووفين خيــــــــــــر .. آول شي بتحسينه الرآحه النفسيــــــــــــــــــــــــــــهـ ..
طبعــآ ماننسى الدعـــآء طول الوقت ادعي لـ عمرج .. =)
فديتج كلنا نغلط .. وحآسه فيج .. كنت شرآتج طــآيشه ايام الدرآسه
بس الحمدلله ربج هــدآني ولحقت ع روحي = )
والحمدلله مآشيه ع الجدول الي عطيته لج .. صآبره واحتسب الاجر ..
وانتظر الفـــرج
وافضل العبــآدآت انتظــــــــــــــــــــــآر الفــرج
عسى ربي اييسر عليج امورج كلهــآ .. ويرزقج من حيث لا تحتسبين ..
ويستــر عليج دنيـــآ وآخــــــــــــرهـ .. =)
فديتج مآفي أحلــــى من القرب من الله .. جربي ومآبتندميـــن .. يمكن تتعبين اول كم يوم ( من الشيطآن السوسه )
عقب مآبترتآحين الا لو سويتي الجدول كل يوم .. = )
عســآآآآآآآآج تبشريني قـــريب يآرب = )
السلام عليكم ورحمة الله وبركاته
شوفي يالغلا حاولي تشغلين وقتج ولاتيلسين روحج حتى ماتفكرين في اشياء تملي وقتج ولو هي حرام
لانه في هالوقت ابليس يوسوس لج انه هاشي هو اللي بيضيع هالوقت والفراغ لو شي محرم وشي يضرج
حاولي في وقت فراغج تتسلين بشي انتي تحبينه مثل التصميم او طبخ او خياطه او تصميم رسم فساتين او عبي
لو انج هب محتارفه بس حاولي ع الاقل تشغلين وقتج
ولو تحبين هاشي حاولي لو تصممين شي خاص فيج
يعني تحاولين تبعدين نفسج عن الحرام اللي يغضب ربج
صلاتج لاتفرطين فيها ابدا لانه الصلاه تنهي عن الفحشاء والمنكر حاولي في وقت فراغج تقرين قرآن حاولي تقرين وتتثقفين في الدين والفقه الاسلامي وربي يثبتج ولايزلج عن التوبه النصوحه
وعَنْ أبي هُرَيْرَةَ رَضِيَ اللَّهُ عَنْهُ قال، قال رَسُول اللَّهِ صَلَّى اللَّهُ عَلَيْهِ وَسَلَّم:
( من تاب قبل أن تطلع الشمس مِنْ مغربها تاب اللَّه عليه)رَوَاهُ مُسْلِمٌ.
وقال النبي صَلَّى اللَّهُ عَلَيْهِ وَسَلَّم : (إن اللَّه عَزَّ وَجَلَّ يقبل توبة العبد ما لم يغرغر )
رَوَاهُ الْتِّرْمِذِيُّ وقال حديث حسن.
والله عز و جل يقول في محكم كتابه الكريم"و من لم يتب فأولئك هم الظالمون" … و قال النبي صلى الله عليه و سلم "لو لم تذنبوا لذهب الله بكم و جاء بقوم يذنبون فيستغفرون فيغفر لهم" …
مناجاة مذنب لربه
يا ربي إن عظمت ذنوبي كثرة *** فلقد علمت بان عفوك اعظم
إن كان لا يرجوك إلا محسن *** فبمن يلوذ و يستجير المجرم
ربي دعوتك ما أمرت تضرعا *** فإذا رددت يدي فمن لا يرحم
حسرة مذنب
دمعة تائب من قلب انفطر
تعشق السحر
يا ترى ربي غفر
دمعة من القلب تسري
و على الخدين تجري
لتعلن فك اسري
دمعة تائب من خطاياه
معترف بما جناه
معتذر إلى مولاه
لا اله إلا الله
قرب المحب و أدناه
و بلغه مناه
من طلبه أعطاه
و من لاذ بشيماه حماه
ندم على التفريط في جنب الله
القلب محترق و الدمع مستبق *** و الكرب مجتمع و الصبر مفترق
كيف القرار على من لا قرار له *** مما جناه الهوى و الشوق و القلق
يا رب إن كان شيء فيه لي فرج *** فامنن علي ما دام بي رمق
الرجاء في التوبة
فامنن علي بتوبة أحيى بها *** اني بما اجتر مت يدايا مروع
و التوبة لا تكون من الذنوب العظيمة كالكبائر فقط (الشرك / الزنا / شرب الخمر/ …) بل تكون من الصغائر(ترك بعض السنن / ترك إماطة الأذى عن الطريق / … ).
شروط التوبة
الإقلاع عن الذنب.
الندم على ما حصل من العصيان.
العزم على عدم العودة إلى الذنب.
"يا مقلب القلوب و الأبصار ثبت قلوبنا على دينك" ااااااااامييييييييين
اللهم ياربي يارحمن ياودوود ياذا العرش المجيد ياغفار للذنوب اغفر لنا يارب
واقبل توبتنا ولاتفضحنا واسترنا وارحمنا برحمتك يارحيم
ربي يحفظج الغلااا
والله يوفقج