السلااام عليكم ورحمه الله و بركاته
اشكر كل من تفاعل وياي في مواضيعي السابقه ،،، وكل بنت كانت كلمتها بلسم ع قلبي
الله يسلمكم
من بعد آخر موقف حاولت اتغير يابنات عسب يحس بس بيني وبينكم ماقدرت وايد احس بضعف فظيع لاني كنت احبه مووووت،،
و شرات ماقلتلكم ماعندي اب ولا اخوان هالشي اللي احس خلاني اتعلق فيه هالكثر…
كلمتي عمي بعد هاك اليوم راح كلم ريلي وعطاه محاظره واللي بينكم بينتهي لو تميت علي هالحال … بعدين ريلي حلف انه مايسوي شي و انه ٢٤ ساعه يشتغل و انه وانه المهم!
رد كلمني ريلي عادي وانا ظاغطه ع عمري احاول اطنشه انسي اللي سواه بس المشكله بعده ٢٤ ساعه احسه وراه شي
المهم ! شفت لسته تلفونه من البرنامج اتخيلوا شفت رقم يديد انضاف دقيت للرقم سمعت صوت بنت بندت
تميت ٤ ايام افكر افكر شسوي اتصلت للبنيه قلتلها شحالج وجي عادي تمت تسولف عقب قلتلها تعرفين فلان قالت هيه قلتلها من متي قالتلي من ٤ ايام تقريبا انتي منو ؟؟ قلتلها انا حرمته .. جان تسكت … قلتلها مب يايه اتهاوش ولا اصارخ انتي مالج ذنب… بس خبريني شو يقولج… تمت تقول انه يدقلها ويقولها ليش ماتتصلين وتسولفين معاي… وقالتلي طرشت صورتها له كانت صريحه لابعد الحدود … و قالت بس لعلمج صراحه عندي وايد ف هو اصلا مارد عليه الا لو فضيت!! وقالتلي انه قال يبغي يشوفها وجي وهو يعرف انها مطلقه!!!
قالتلي تبيني في اي شي اساعدج بساعدج …. قلبتها ف مخي… قلتله قوليله يحجز فندق يوم الخميس انج بتيين بوظبي وتبغين تستانسين… قالتله وجي … والله يابنات لو تشوفون رده فعله قالها اول شي بنحط اغراضنا ف الفندق وعقب بركبج سكوتر وبحوطج وبوديج كل مكان عقب بنسير الفندق نريح وعقب ردي دبي … انا وقتها كنت احترررق لانها تطرشلي المحادثات كلها … ويقولها انتي عايبتني وباجر بتشوفين كيف … والمره اليايه هاتي ربيعتج وياج عندي ربيعي بعد…
وانا اوردي يومين ماكلمته ….
فنشيت يوم الخميس تلبست وكشخت عدل عدل يعني ماتوقع عمره شافني وانا حاطه جي روج احمر وميكب جي حلو ومغيره ستايلي…
كلمتها قالتلي انها طلعت من دبي … طبعا انا شليت معايه اختي وبنت خالي…
وخلته يوصل قبلها الفندق ويدش الحجره وعطاها رقم الحجره …
شفناها قبل تحت وسولفنا معاها وارتحت لها اكثر حسيت انها صادقه وهي اكبر عني ب ٥ سنوات عمرها …
يدق لها حشرها وانا قلبي يحترررررررق،،،
عقب سرنا كلنا فوق هي دشت قبلنا ويلست ٥ دقايق طرشتلها سوي نفسج بتروحين الحمام وخلي الباب مفتوح شوي…
عقب انا دشيت قلتله واااااو سبرايز وانا مبتسمه…. ماقدر اوصف لكم ابدا ابدا ابدا ابدا شكله انقلب ويهه مليون وترليون درجه..
والبنيه سوت روحها خايفه وتمت تمثل انتي منو ؟؟ قلتله ليش ماقالج انه مالج ! و هو خلاص تخبل …
جان تقول بنت خالي ها خرفنتييه.. عصبببب … وقف جي حسيته مب عارف شو يسوي
عقب قال حق بنت خالي واختي اطلعوا برع وانتي تمي والبنيه تتم اونه
قرب مني زخ ايدي قلتله لو سمحت انته نجس لاتمسك ايدي لاتمسكها…
قلتله انا اعرف حتي لو موترك يتحرك لين وين
هو مب عارف كيف انا قدرت ادش الحجره؟! منصدم
لاني ع اساس ماعرف البنيه ولا شي
ولا متفقين
بعدين البنيه سوت نفسها بتصيح وقالت له ماتستحي وطلعت وطلعنا كلنا وراها وهو يسحبني سحبت ايدي بقوه.. وبنت خالي طاحت فيه انته والله ماتستحي… هالعشم فيك ….. هأي سوالفك … وهو صارخ عليها عقب ف الممر سحبتها قلتلها خلاص وقف ع الباب نفس المينون،،،
نزلنا ماتصل ولا طرش الا عقب ٥ ساعات يطرش مسجات بس عقب شو!! طبعا ما له ويه حتي يقول كلمه
والبنيه قالتلي دق عليها مره وحده بس وعقب خلاص
عقب ما شوه كل شي حلو بيننا … عقب ما شفت بعييني الوصاخه …
انا سويت هذا كله عسب خلاص قلبي يقتنع ،،،، انا تعبت انا احاول اغيره ارده نفس قبل انا بعدني بنت صغيره والحمدلله ماشي ناقصني عسب ابتلي في واحد شراته بس قلبي كان متعلق والحمدلله قلبي شاااااف بعينه حقيقته شكله من يومه يخون
وبس 
حبوبة الخيانة داء ومرض لعين أصعب من مرض السرطان وبقولها لك صريحة ما في حرمة بالعالم تغير رجل بدون ما يكون هو مقرر التغير
ويكون أولا وأخير يريد التغير مخافة من الله وعقابة ويريد توبة نصوحة بس يتغير علشان زوجة او مخافة من الناس اقولك تكون توبة مؤقتة عند
اول أغراء يقع لأن النفس مهلكة للعباد فالماذا نستعيذ بالدعاء ( اللهم أعوذ بك من نفسي وهواها )
حبيبتي ربي يحبك صح المسئلة موا سهلة عليك لكن أفضل 100 مرة من زوجة وبيت وعيال مع زوج خائن
بعدك بأول حياتك وكل مشكلة وصدمة تكون بلأول كبيرة وتصغر من الأيام والعوض من رب العالمين الذي يطبب الجراح ويشفي النفس ويفرح القلب
أستعين بالله وجعلي تجربتك قوة وليس ضعف ونظري للأمام بكل تفائل وربي معك وقلوبنا لن تنساكي بالدعاء
بصراحه اختي ابارك لج لانج افتكيتي منه
قبل لا يطيح الفاس بالراس
والله يسعدج مع اللي يستاهلج يا رب
هذا دام عقب كل شي سويتيه بعده على سوالفه
فعادي عقب ماتتزوجون يتم مثل ماهو
اللهم أني ستودعم قلب زوجي وعينه ولسانه وجميع حواسه
واحس شخصيتج قويه والشي اللي كان مضعف شخصيتج شوي هو حبج لهالشخص
بس الخيانه اللي جدام عينج خلت شخصيتج ترجع قويه
وزين سويتي انج تركتيه وعسى الله يرزقج باللي أحسن منه
وعساه يتندم عاللي سواه فيج