حبيت اكتب عن هالموضوع ونتناقش فيه لانه وايد انتشر عندنا في الدوله
كل يوم نسمع ونقرا أ،انه فلان يتعاطى وانحكم عليه وفلان يروج وفلان يتااجر
ووايد بيوت تعاني من هالشي
يا الاب مدمن يا الزوج يالابن حتى البنت صارت تدمن
الدولة حطت قوانين تردعهم بس يا ترى ها يكفي
انا بكتب عن شخص انا اعرفه شخصياا
يقولي اول مره انسجن في قضية مشااجره او من هالقبيل ست شهور وهناك اتعرف ع المدمن وع المروج والتاجر يقولي بديت ادماني في السجن يدخلون حبوب مخدره وناخذها
عقب طلعت من السجن ومشيت في النفس الدرب وصرت مدمن ما في شي ما جربته ودخلت السجن بتهمة تعاطي المخدرات وانحكمت اربع سنين وطلعت من السجن ووياي قائمة ارقام
ارقام اشخاص من كالجنسيات يالي يتاجر والي مهرب والي يتعاطى وصرت اروج وابيع مخدرات
يعني صار من مدمن لتاجر
اهني يوم الدولة سجنت هالشخص كان الهدف عقابه وردعه
بس احسه اخرجت من السجن شخص صار مدمن ومن بعده صار مروج وبعده صار تاجر
نلوم منو الاسرة ولاا الشخص نفسه ولا الاحكام
حبيت اناقش هالموضوع لانه وايد ناس تعاني منها خاصة اهالي المدمنين
المشكلة صج مستفحله والعياذ بالله
بس الي نعرفه ان المؤسسات العقابية في الدوله هب مقصره
يعني فاتحه المجال للي يبا يدرس ووايد خذو الشهادة الجامعية وهم مسجونين
وتعليم وتحفيظ القرأن ماشاء الله
والمهارات اليدويه وتطلع صناعات وشغلاات حلوة منهم
وهذا كه يعتمد ع الشخص اذا الله هادنه بيفتك من ها لشي
اذا هو ما يبا يساعد عمره الله يعينه ع نفسه
والسموحه
مرة كنت فمحاضرة ,, وكلمنا المحاضر عن وحدة ريلها كان يضربها ويتعاطى ومايعطيها حقوقها ولا يصرف عليها ,, يسرق ويزني ولعياذ بالله
وهي تصرف عليه من الاهل وتتشحت له
بعدين دش الريال السجن ,, وماطلبت الطلاق وتمت صابرة ومحتسبة ,, انسجن حوالي 5 سنوات ما اذكر بالضبط الله أعلم ,, لكن طلع من السجن حافظ لكتاب الله , وكل ليلة يوم ترقد هي هو يقعد جنب الشبرية ويبكي ويبوس رجلها ! يعني الريال تغير 180 درجة سبحان الله مبدل الاحوال
والله يهدي الجميع ويعفو عنهم من هذه الآفات !