آلام و حرقان أسفل الصدر منو مثلي؟

السلام عليكم و رحمة الله و بركاته..

خواتي من بداية السادس تقريبا قمت احس بآلام أسفل الصدر على طول من صوب واحد

رحت و غيرت الحمالات و ما قمت البس اللي فيه حديد .. حسيت براحه شوي .. بس مع الايام قام يزيد الويع لين ما وصلت السابع .. سويت بحث و سألت الدكتورة ,, و عرفت ان في هاي الفتره المشيمة تكبر لان الياهل يكبر و هالشي يسبب ضغط على الاعضاء الموجوده في هذي المنطقه

بس الحين احس بحرقان على الجلد في نفس المنطقه تقريبا بس بشكل أوسع .. يعني وصل البطن بعد .. مرات يزيد واااايد و اتالم صدددق بس ما يبين شي على الجلد

حد صار له هالشي؟؟؟

الغالية أنا نفسج وراجعت الدكتورة وقالت هاي غازات ولا تاكلين أكل مدهن وايد
وكتبتلي ع مرهم ice power cold gel وايد زين أحطه فوق البطن تحت الصدر ع طول وأحس بحرارة وعقب يبرد الويع
تحسين بحرقان وحرارة نفس السكاكين جي مرات صح ؟قبل كنت أحسه جهة اليمين تحت القلب ومن دخلت السابع نصه تقريباً تحول جهة اليسار .. وهذا كله من الحمل الغالية ولأنه قبل كنت ألبس ستيانات فيها حديد وما قمت ألبس ستيانات موولية لاليل ولانهار .. ما أرتاح فيها مولية من ألبس أحس الويع يزيد مرة وعقب صرت ألبس قياس أكبر عسب ما يضغط ومن تحت مافيه البلاستيك (الشريط ) ..بالليل أرطب المنطقة كامل بلوشن طبي من الصيدلية الغالية وهاليومين أحس الحمد لله خف واايد شكله بس هالشهرين السادس والسابع وعقب خلاص … الله يسهل عليج حبوبة انشالله وييسر عليج فديتج ..

اااااااااااااااب

الله يسهل عليج وعلى كل الكروشاااات يارب ^ ^

آلله يسهل عليج حبوبه ..^^..

انا اعاني من الام صوب اليسار واتوقع انه بسبب ضغط الجنين عالقفص الصدري يمكن

الله يعافيكم و يسهل عليكم ان شاء الله
و يسهل علينا كلنا ان شاء الله