أأأأأأأه يـــا عمتـــي واللــــه حــــررررام عليج >>>>> الله يسامحج

اسمحولي ادخل بالموضوع على طوووول ,, بموت من الضيقه والقهر ,, ماعرف عمتي وبناتها ليش

يكرهوني ,, ويودورون الزله عليه ويخربون بيني وبن ريلي ,, وريلي دوم يصدقهم وواقف معاهم ,,,

ليش يا ربي يكرهوني ,, لا اني احتك معاهم وايد ولا اني اقعد معاهم وااااااااااايد احاول اني ابعد عنهم

بس علشان مايغثوني بنغزاتهم ,, عمتي كانت مسافره واليوم ردت من ردت وهيه من اتشووفني ويهها

يتغير حتى سلام حسيتها من ورا خاطرهااا ,, طول اليوم ما كلمتي ومن شوي بس يت اتقولي انتي

ليش جي ناس ييبولج شي ردي عطيهم ,, فجيت حلجي شوو اتقول,, ربيعتها يوم ربيت يابت لبنتي حلق

من ذهب ,, ويوم عرست يابتلي ثلاجه لغرفتي ,, عقب شوو قالت لعمتي اونه عرس ولدي ابي اثلاجه

مثل ماخذت لولدج ,, والحين اتقول لعمتي وين الحلق انا يبت لكم وانتو مايبتوو شي ,, قفطت شووو

هااا هل في ناس جي ,, ولا عمتي اتقولي اونه خذي من مصروفج روحي خذيلها شي عيب ومادري

شوو اسميني قفطت جدام عيالها ,, قلت ان شااء الله ,, بس الحقيقه انه انا ماستلم مصروفي يالله ريلي

من عيد لعيد يعطيني مو بخل منه بس ضروفه الماديه صعبه وهالشيه اهله مايعروفون وانا مابينت لحد

بهالشي ,, لدرجه انه نص ذهبي بعته على شانه واهله عبالهم اني اخش البيزات ولا اصرفه على

عمري وبس ,, ولا القهر اخته شووو اتقولي اونه اخوي من خذاج ماقام يصرف بالبيت قتلها ليكون انا

يودته ها اخوج روحي قوليله لا تيلسين اتلوميني انا ,, يا ربي ليش الناس جي ,, مايخافون ربهم بس

يظلمووون ناسين انه لهم رب كبير ومايرضى بالظلم ,, والله اني اكتب ودمعتي بعيني من القهر ,, لاقدر

اشتكي لاهلي ولا اقدر اخبر ريلي ,, حتى الاكل بهالبيت بالحسره يشترون شي كل حد يخشه بغرفته من

خضراا و حليب وجبن وروب ,, انا شفت بخل بحياتي بس مثل بخل بيت اهل ريلي ماشفت ,, لدرجه اني

مااكل شي من البيت اخااف لا خلص اييون يحاسبوني عليه ,, ادري بتقولي كلي ولا عليج منهم بس

خواتي من تصبحون على نغزات الين ما تنامون شوو بتكون عيشتكم ؟؟