أباكم ضروري ردوا عليه الحين مافي وقت

مرحبا خواتي انا حامل في الشهر الثاني ومن البارحه لين الحين تنزل عليه الدوره ووايد هلكت من ظهري وبطني يعوروني عقب ساعه بسير الوصل بتأكد إذا عقيت والا لا لأني حاسه اني عقيت الحين السؤال اذا رحت الوصل وقالولي عقيت وطلبوا مني اسوي تنظيف اسوي والا لا؟ واذا ما سويت عادي ؟ واللي سووا تنظيف يعوروالا عادي؟ بصراحه خايفه وايد وما أبا ينوموني عسب ولدي الصغير ما يهون عليه اخليه فأفكر اني مااسوي تنظيف شو رايكم شو أسوي ردوا عليه بسرعه

بسم الله عليج إن شاء الله ماتشوفين شر ليش مارحتي من امبارحه للطواري
الله يثبت حملج يارب قادر على كل شي طمنينا عليج لما تردين

الله يقومج بالسلامه
وطمنينا يالغاليه
بالنسبة للتنظيف .. اذا طلبوا منهج انه يسولج فلا ترفضين لانه مب من صالحج .. تنظيف الرحم

بالنسبة اذا يعور ولا لأ
فما عندي فكره .. بس اعتقد لأ .. لانى ما قط سمعت حد قال انه يسبب ألم والله اعلم

الله يقومج بالسلامه ….

تقومين بالسلامه ان شالله

وان كنتي عقيتي ربي يعوض عليج خير باذن الله

الله يثبت لج حملج وان شاء الله ما عليج شر

الله يخفف عنج يا رب ويعوض عليج اذا صار شي لا سمح الله

بالنسبه للتنظيف الافضل انج تسوين عشان ما يتم اي وسخ فالرحم

ولأن اي شي يتم فالرحم يسبب التهابات و يأخر الحمل بشكل كبير

وانا اعرف ناس سووا تنظيف والحمدالله انها غير مؤلم ولا تحسين بشي

وانتي توكلي على الله وان شاء الله كله خير وكله لصالحج بأذن الله

اهم شي لا تخوفين نفسج

بسم الله عليج الغالية والله يقومج بالسلامة يارب … اما بالنسبة لعملية التنظيف إنتي ما تحسين فيها لأنج بتكونين تحت البنج الكامل …وأنا مسويه هاالعملية لأن الياهل بسم الله عليج مات في بطني وحاولت أمي وياي بالأدوية الشعبية بس ماشي فايدة ….. وعجبه حملت ويبت ولد مثل القمر ربي يحفظه

سويها وتوكلي على الله وماعليج شر ..