ياالغاليات أنا متزوجة وعندي ولد وبنت بس غير مهتمه بنفسي أبداً يعني بلبسي بمكياجي أبداً أحب المكياج وأطلع على آخر الموضة بس ماألبس ولاأكشخ مول وإذا طلعت نادر ماأحط مكياج وإللي يشوفني يتحراني مريضة من كثر ماهامله نفسي بس مرات قليلة أحط مكياج يوم أظهر وياريلي تدرون شو هي مشكلتي … مشكلتي إني وايد هاملة نفسي وألاحق ريلي إهتمامي كله في ريلي وبس يعني إذا طلع أحاتي وين ساير وتفكيري كله وياه الليل والنهار وهذا الشئ معذبني ومعذبنه بس شئ تعودت عليه سنين ماأقدر في لحظة أتغير وللعلم أنا أداوم بس ماألبس ولاأكشخ وإللي يشوفني يعطيني عمر أكبر من عمري بوايد بعكس ريلي وايد يهتم بنفسة ويكشخ ويشتري لعمره ساعات ماركات وكل شئ إلا أنا إهتمامي بس فيه وين راح وين يا ومنو كلم ومنو إتصل فيه وشو يسوي الحين وليش ماإتصلي وليش ماطرش لي مسج يعني أشياء تافهة بس مب قادرة أتخلص منها طبع وهذا طبعي أبغي أهتم بنفسي شو أسوي علموني إنصحوني يمكن تاخذون فيني الأجر صدقوني أنا مب ماأعرف ألبس أو أكشخ بس سالفة هيازة يعني إذا بطلع بس وياه عندي ربيعات بس كل وحدة متزوجة ومشغولة وياعيالها وبيتها وكل خوفي أطلع وأنشغل عن ريلي وإذا طلعت راح تلقوني أفكر فيه شو يسوي يعني ماأستمتع بطلعتي أحس إني تافهة وماعندي شئ غيره صدقوني مليت كل حياتي هو وبس سامحوني بس شئ كان في خاطري ومضايقني حبيت أفضفض لكم وإللي عندها إنتقاد لي حياها الله يمكن أستفيد منها وجزاكم الله كل الخير
انتي شرات عمتيه ..
والله هامله عمرهــآآ واااااااايد بدرجه فظيعه ..
همها بس بيتا وعيالها وريلهـآآ
بس الكشخه وهالنيو لووك حق ريلهــآآ ماتسوي هالامور …
ونادرا بس فالاعراس . وانا دوم انصحهـآآ << على فكره انا ملقوفه هب معرسه ~
وهي عمرهـآ 33 بس انصحهـآآ والله ~
فديتج الغاليه .. اكشخي .. وتعدلي حق ريلج بس .. خليه يستانس .. والله بعدين لاسمح الله بيمل وبيدور وحده غيرج
وعذره انج ماتتكشخين الريايييل
مثل هالمثــل دقني وبنقع << خخ يعني يتريووني الزله على الحرمه على شان يخونون اووو ياخذون الثانيه والثالثه و و إلخ ~
الغاآآليه ريلج يوم يسير الدوام وصدقيني نصيحه منيه لج سيري الصالون رتبي شعرج قصيه او عدلي فيه شي اصبغي شعرج .. واتحني واكشخي فميك ابج .. ولبسج . وصدقيييني بيستانس ..حرام نحرم الريايييل دام ها ريلج وحلالج ..
هب زين يطالع برع . وحرمته عنده !
صدقيني انا ماخرعج بس الريال بيمل .. وبيروح يدور عشي هوو فاقدنه ..
والله يوفقج يارب ..
ولاتزعلين بس والله اني ابا الخير لج
طبقي الي قلته لج وبتدعيلي 
والله يحفظج
صدقيني السالفة بالتعود..
يعني مثلا اليوم حدري قسم البشرة وخذيلج مااسك جربيه ودلعي نفسج بس نص ساعة حااولي تشغلين فيها بنفسج وانسي كل شي..
لمدة يومين ولا 3 وعقب غيري للجسم بعد ظهريلج جم شغله وجربيها وداااايماااا قولي لا حلوو غيرني هالشي شكلي تحسن بتم اجرب هالشي وعقب ابدي زيدي الفترة من النص ساعة لين ساعة وساعتين..
انتي بهالطريقة زااد جمالج ونفسيتج تحسنت اكثر وريلج بينجذب لج اكثر..
وعندج شي ثاااني اعياااااااااالج اشغلي نفسج فيهم العبي ويااهم دلعيهم بحدوود ايلسي وسولفي ويااهم وعدليهم وكشخيهم هم بيستانسون وانتي بتستانسين اكثر..
واكيد كل هالأشياء ماتخليج تهملين ريلج واايد ولا تلصقين فيه وااايد..
داااااااايمااااااا لاتفكرين بالطريقة فكري بالنتيجة قولي بسوي جي عسب يستوي جي وابدي سوي على طووول لاتأجلين ابد
هالأشياء بتحسن نفسيتج وبتحبب ريلج واعيالج فيج ومابيتمنون يخوزون عنج ثوااني
وبالتوفيج ^^
انا قريت موضوعج وصراحة حابة اساعدج لان موضوعج بعد نفس موضوع خالتي ف بوظبي تشتغل وعندها مشالله عيال يتنا ف رمضان الكويت وكانت توها مربية يعني بعدها ف الاربعين وكانت حدها هااااملة عمرها
طبعا هني تدخلت انا لاني حييل معاها مع اني بعدني مب متزوجة الا اني ع كلام يدوتي مستوية عيييوز كل شي اعرف
المهم انا هني رمستها وقتلها اقولج انتي ليش ماتهتمين بعمرج شوفي ويهج كيف صاير مثل الكركم وذبلانة
قالت صراحة البيت والعيل وريلي والدوام وماعرف شو ومن هالكلام انا قتلها ترا ان ضاع عن الريال ولا ضاعت صحتج ترا ما بينفعج شي عقب
اتريتها تكمل ع الاقل شهر من النفاس عقب خليتها شوي تطلع من البيت واشتغلت وخليتها مشروعي الخاص
يعني اخذت لها موعد ف صالون جاك ديسانج موعد حق عناية بالبشرة وبلشوا معاها شغل وعناية واضشترينا كريمات وسوالف من عندهم واخذت لها موعد ف صالون عشان تقص شعرها وصبغ وحمام مغربي
وسرنا السوق اشترت لها جم بدلة وقمصان نوم ومكياج وعطورات وسوالف يعني كأني يالسة اجهز عرووس
من اول ويديد يعني سوينا شغلات وايدة ويوم سافرت ماشالله عليها
اتصلت علي عقب جم يوم وقالت لي ان ريلها لاحظ الفرق
الغالية ان بغيتي اي شي او تبين تستفسرين عن اي شي راسليني ع الخاص
من تنظيف بشرة و قص وصبغ الشعر و بديكير و غيره و غيره
ويكون كل شي بمواعيده عشان ما تأجلين ..
الله يوفقج ويسخر لج زوجج