أبــا برنامج سياحي حلو لعائلة في ماليزيا

هلا حبوبات ,,,

ادري دوختكم وايد كل يوم اسأل عن شي ..

بس خلاص اعتمدنا السفر هالسنه ان شااااااء الله ..

لـ ماليزيا ..

نبا من خبراتكم … شو اهم المناطق الي نزورها تصلح للعائلات ..

غير كوالمبور ولنكاوي

( قالولي لنكاوي تنفع للمعاريس اكثر وبتكون ممله للعائله صح ؟ )

ابا المدن بس .. خلاف انا بتعمق في نادي العرب المسافرون ..

علما ..

اني بسافر ويا اهلي .. يعني تقريبا بيكون القروب 7 اشخاص وطفلين ..

والمده تقريبا من 15 الى 20 يوم .. بعدنا ماقررنا

واللي قد حجزت الفنادق عبر الانترنيت تخبرني كيف كان الحجز .. تمام والا صارت خربطه ؟؟؟

انا اعرف اسيا روم بس ..

.
.

بانتظاركم ..

يبتلج هالرابط أسمه دليل ماليزيا وإنشاءالله يفيدج وعلى فكره ربيعتي حجزت عن طريقه حق السفر حق ماليزيا وتقول وايد فنان هالموقع وتعاملهم وايد أوكي ومضمون وايد هالموقع ..

https://www.daleel-malaysia.com/

بنت دار زايد وأفتخر

مشكووووره تدرين انا مسجله معهم وكتبت موضوع وضاع من زمان ههههه شكلي بكتب من يديد ..

بالتوفيج عسوولة ونتريا الاحم احم هههههه

الله ع ماليزيا وجوها الممطر ..
الصيف الماضي رحنا وسكن في فندق برينسس كوالمبور فندق راقي جدا اكثر اهل الامارات يسكون فيه وقريب من شارع العرب وبقربه ثلاث مولات قريبه جدا كنا نروح لها مشي وهناك مطاعم عربيه وخاصة مطعم الخيمه مشهور جدا مطعم عراقي ..

* زرنا مصنع الشوكولاته
* الحديقه المائيه صنواي لاجون وفيها مول كبير اتسوقنا فيه
* وزرنا مدينة جينتنج الرائعه البارده والالعاب وسط الغيوم يعني عيشي يوم في الاحلام مع الغيوم الناعمه .
* طبعا بجانب مركز التسوق العمالقه عندهم بس البضاعه مع الاسف مب اوكي بأستثناء مركز klcc كله ماركات .

السموحه ع الاطاله
ام طلال

I book directly from the hotel official website, by email and I send them the credir card details by FAX …

في ف كوالا<<< شقق فندقيه روووووووعه ونحن بنحجز فيهن ان شاء الله وبنزللكم صورهن اول ما ارد لانه بنسر على اخر 5

عندج سنوي لاقون<<< روووعه حق عائله وخصوصا اذا فيها صغار وشباب احس ربشه هههه ويكفيها يومين..

ولانكاوي ما انصحج فيه لانها هاااديه بيينج احلى بوااااااااااايد وفيها فعاليات اكثر والحدايق نفسهن في كل مكان…
وكوالا يبالكم فيها اسبوع
وجنتنج وااااااااااااااااااااااايد حلو ووناسه وتقدرون تحجزون فيها…..

بس نصيحه لاتسيرون الكاميرون هاي لاند لانه طرييقه وااااااااااايد متعب كله لفات وهناك ماشي غير مزارع الشاي والفراوله بس جوها رووووووووووعه اشوي عليه