عندي لكم طريقة بانكيك وايد سهلة ومضبوووووطة .. جربوها وادعولي 
المقادير:
ثلاثة أرباع الكوب حليب
ملعقتين طعام خل أبيض
كوب واحد طحين أبيض
ملعقة شاي بيكنج باودر
ملعقة شاي بيكنج صودا
نص ملعقة شاي ملح
ملعقتين طعام سكر (أنا أحط وحدة بس ما أحبه يكون وايد حلو)
بيضة واحدة
((هالكمية تسوي تقريباً 6 حبات بانكيك متوسطة .. لو تحبين كمية أكبر ضاعفي الكمية))
الطريقة:
في البداية أخلطي الخل مع الحليب وخليهم 5 دقايق (هذا الشي يحول الحليب لحامضي .. وممكن بدل الحليب والخل تستخدمين ثلاثة أرباع الكوب لبن)
اخلطي كل المكونات الجافة مع بعض (الطحين والبيكنج باودر والبيكنج صودا والملح والسكر)
اخفقي البيضة مع الحليب (أو اللبن) باستخدام خفاقة السلك اليدوية أو ممكن تستخدمين الكهربائية
ضيفي المكونات الجافة واخفقي عدل
اتركي الخليط يتخمر على الأقل نصف ساعة
ملاحظة: أنا أسوي الخليط في جيك (الصورة الأولى) لأنه أسهل في صب الخليط في المقلاة
سخني المقلاة وضيفيلها شويييييية زيت عشان ما يلزق البانكيك
صبي جزء من الخليط في المقلاة
لما تبدأ تطلع فقاعات على سطح البانكيك اقلبيه على الوجه الثاني واتركيه حوالي دقيقة ونصف لين يستوي
وبس!
طبعاً يقدم مع العسل، الجبن، المربى، النوتيلا، الmaple syrup واللي تحبونه ..
وهني وعافية مقدماً للي بتجربه …
روووعة
