أحلى تيراااميسو من مطبخ مياري وبس .

بسم الله نبدا بالمقادير
مقادير الكريمة الخاصة بالتيرااميسو
=6 حبات جبن كيري أو علبة صغيره جبنة فيلادلفيا المهم جبن كريمي
=علبتين من القشطة
=شوية فانيليا
=ظرفين من الدريم ويب
=ثلاث ملاعق من الحليب المركز المحلى
[IMG][/IMG]

وهذا البسكوت اللي يستعمل لهذا النوع بالذات وما يصير نستبدله بنوع ثاني ((ليدي فينقر)) أو اصابع الست وانا تعجبني هذي الماركة الايطاليه جربت وايد انواع بس هذي أحسنها بالنسبة لي
[IMG][/IMG]

نبدا بخفق مكونات الكريما كلها بالمضرب السلك الكهربائي حتى تصير مثل الأيسكريم
[IMG][/IMG]

نجهز صحن فيه ماي دافي وشوية نسكافه وشوية سكر ونخلطهم حتى يذوب الكافيه ونبدا نحط فيهم البسكوت بس هني تحملوا لا تغمسونها وتخلونه يشرب النسكافيه لا مجرد مسحه بس مسحه خفيفه من الصوبين وعقب تصفونه في الصينية بهذي الطريقة
[IMG][/IMG]

ونحط عقب نصف كمية الكريما ونرجع ونحط طبقة من البسكوت المغموس بالكافيه
[IMG][/IMG]

والطبقة الأخيره تكون الكريما وانا أحبها تكون طبقتين بس وكل واحد وذوقه وزينتها ببودرة الكاكاو وبعد لو كان متوفر لوح شوكولا تبرشونه فوق كزينة يكون وايد حلو
[IMG][/IMG]

وتدخلونها الثلاجه ويفضل طول الليل بس اذا كنتي مستعيله عليها يكفي تخلينها على الأقل 4 ساعات في الثلاجه ..وهذا شكلها النهائي
[IMG][/IMG]

وهذي القطعه حق أول حلوة ترد على موضوعي
[IMG][/IMG]

على فكرة الكيكه وايد وايد لذيذه وخفيفه وكلهم تحروني يايبتنها من برع أو اني مسوتنها بالفرن مع ان شغلها ما خذ مني عشر دقايق وعقب خليتها في الثلاجه وهذي هي السالفه كلها واي سؤال انا حاضرة

يشرفي اكون اول وحده ترد
مشكوره الغاليه ابدعتي

يزاج الله خير!

رااااااااااااائع

ياااسلام والله

رووووعه

وانا احب استخدم هالبسكوووت ..دوم اسوي فيه شغلات ويتحرونه كيكه بالفرن

وان شاءالله بجرب هالطريقه اللذيذه..تقديمج يشهي ^_$

يسلمو حبيبت قلبي

تسلمييييييييييييين اختي عالوصفة الحلووووة

شكله جناااااااااااااااان بصراحة تسلم ايدج… ان شاء الله بحاول اطبقه……..