أدري هالقسم للأمهات …(ادعوالي بالزوج الصالح و الذرية الصالحة ان شاءالله) بس أنا ربيت اختي الصغيرة من كانت رضيعة لين الحين ..الله يحفظها ان شاءالله و يخليها لنا ياااااااارب هي الحين 6 سنوات بس كاسرة خااااطري والله .. لانه ما عندها حد في عمرها تلعب معاه .. معظم الوقت ملانه ..مع انها عندها العاب وايد بس ما تعلب بهم ..تحس انها وحيدة..حتى بنت الجيران ما تزورنا وايد وتلعب معاها ..أذكر لما كنت بعمرها كانت اختي تلعب معاي و كثير قرايب لنا بعمري فما احس بالوحدة بس هي غير..وحيدة ولا عندها حد … غير جذي ما تاكل ..ما اتطيعنا وبالغصب وزور و حيلة بتاكل ..بس لما تاكل مع مجموعة اطفال تتشجع وايد و تاكل ..ما ادري شو اسوي …
أو نوادي فيها اشتراكات سنوية مثلا نهاية كل أسبوع.. إذا أنتوا في دبي دخليها نادي المبدع الصغير تابع لمركز الأسرة السعيدة.. إذا حابه رقمهم راسليني على الخاص..
و شركيها يوميا ساعة في أي مركز لتحفيظ القرآن و الله بيباركلها في حياتها و ما بتحس بالملل صدقيني..
و الله يحفظها لكم يارب..
في سنها لازم تقعد مهاكم عالسفرة وتأكل
أما عن الوحدة سوي مثل ما قالت الاخت أم خالد
ما عندج حد من قرايبكم يكونون في نفس سنها ,,
يحليلها والله .. او مثل ما قالت تشركينها في النادي ..
ما شاء الله
ربنا يخليكم لبعض ويحفظكم يارب ولا يفرق بينكم أبدا ..
أفكار أم خالد حلوة جدا ومفيدة …
المشاركة الأصلية كتبت بواسطة أم خالد 75 
أو نوادي فيها اشتراكات سنوية مثلا نهاية كل أسبوع.. إذا أنتوا في دبي دخليها نادي المبدع الصغير تابع لمركز الأسرة السعيدة.. إذا حابه رقمهم راسليني على الخاص..
و شركيها يوميا ساعة في أي مركز لتحفيظ القرآن و الله بيباركلها في حياتها و ما بتحس بالملل صدقيني..
و الله يحفظها لكم يارب..
شوفي أختي أختك شهيتها بتتقفل طبيعي لأنها بتشعر بالملل … وطبعا غصبها على الأكل لن يأتي بنتيجة …
اللي ممكن تعملوه إنكم تتعرفوا على أسر البنات زميلاتها في المدرسة أو على البنات نفسهم وتنتقوا لها عدد منهن يكون مستواهم الإجتماعي والأخلاقي يتناسب مع مستواكم …
وتبدأوا تعملوا حفلة لأختك بأي مناسبة .. حفظت كم سورة قرآن .. أو تفوقت في الدراسة ودرجاتها كانت مرتفعة في الإختبار .. أو مثلا … طولت سم ههههه
يعني تعمدوا احداث مناسبة واعزموا البنات وتعرفوا عليهم واعملوا لهم فقرات حلوة علشان ينبسطوا … وستكون هذه هي البداية بعدها ممكن تعزموا بنت منهم تقضي يوم مع أختك أو تتصلوا بأهل ثانية وتخبروهم أن أختكم تبي تزور بنتهم وتروحي معاها أو حتى أمك وتتعرفوا على الأسرة وأختك تقضي يوم مع زميلتها وتلعب وتنبسط وهكذا ………….
الغاليه ليش ما تشركينها …. شي هي تستفيد منه وتتعرف على اصدقاء وتكون في بنات . الله يخليها لكم ان شالله بس تبين نصيحتي لا تخلونها ….. وموفقة