خواتي بنتي عمرها شهرر اليوم طلعنا من الاربعين..
والمصيبه حليبي خف واااااايد لدرجه انه صار لين وذبلااان مافيه حليب ابد..!!
قبل تبارك الرحمن احس انه مليان ومنتفخ اما الحين لاا..
مب عارفه شو اسوي كيف ازيده بنتي ماتشبع ماينزل لها غير قطرااات..!!
ماودي ارضع صناعي ساعدوني فيدوني الله يعافيكم..
وهل الشفط له علاقه بتخفيف الحليب لاني ادرس واحيانا انجبر اشفط اكثر من ثلاث مرات باليوم اخزن للببيبي حليب..
ساعدوني بليز
أكيد أختي الشفط يقلل الحليب .. أنا سألت استشارية رضاعة وقالت اذا شفطتي خلي البيبي يرضع عسب صدرج يرد يدر حليب
أختي عليج بالحلبه اشربي كثر ماتقدرين .. وأنا ﻷني ما أحبها أشرب لبن بالحلبه خليه عندج فالثﻻجه وكل ماحسيتي تبين تشربين شي شربيه زين عسب يدر الحليب … والسوائل بعد كثري منها وكلي أكل صحي سلطات وتغذي عدل ﻷنه جسمج فقد فالوﻻده وﻻزم تعوضين وآخر شي بعد بيفيد بنتج
وعسى ربي يقدرج … كله بأجره ان شاء الله
وربي يخلي لج بنتج ويوفقج في دراستج حبوبه 
وبالتوفيق ان شاء الله
واساسا لو ماتبين حليبج يجف لازم تتمين تشفطين عشان هرمون الرضاعة يشتغل ويعطي اشارة للمخ انه يدر اكثر بسبب الطلب عليه وكل ما انشفط حليب اكثر سواءا عن طريق الياهل او الشفاطة زادت كمية الحليب
لا تخافين لو الياهل ينام كفاية ويوصخ حفاظته فهذا يدل انه يتغذى عدل وراقبي وزنه
ترى في البداية كنت مثلج وايد محتارة ومو محصلة حد يفيدني
ويوم قريت ان الياهل لو يوصخ حفاظته اكثر من مرة يعني يتغذى يالس وفي العيادة يوم يشوفون وزنه كان يزيد ف تطمنت وعقب فترة الحليب يزيد طبيعي
عليكي بالحلبه مع الحليب مغلي ++++والحلاوة الطحينيه ملعقه يوميا روعه وان شاء الله يرجع يدر الحليب
واذا تبين تزيدينه اكلي بقدونس مع لبن او في السلطه.. الرهش ولبن حلبة و ووحده خبرتني عن الكاكاو بس يختلف من وحده للثانية فانا ما اثر فيني البقدوس تاثيره سريع سبحان الله
حتى عمر شهرين واربع شهور .. اقصد المراحل اللي يزيد فيها احتياجها للحليب .. كنت احس ان ما يكفيها بس كنت بعد احاول وما ياست .. رضعيها زياده وان شاءالله بيرد حليبج مثل قبل .. اصبري اسبوع وشوفي