أخوي يبغي يتزوج الثانية ؟؟؟ألحقوا علي

خواتي ،،،
اخو ربيعتي في عمر 24 سنة متزوج من سنتين وعنده طفل وحرمته حامل ألحينة ،، مقرر وألف سيف انه يتزوج ،، واتعرف على وحدة وهي مطلقة وتكبر منه بسنتين وعندها طفلة ،،، والمرأة موافقة !!!
توجد فروقات أخرى غير العمر والسن مثل الحالة الاجتماعية
المشكلة يقول على حد قوله انه زوجته مش مهتمه فيه من كل النواحي ! اذا كلمها بالزين ما فاد واذا كلمها بالشين مافد ،،، تعتدل يومين وترجع حليمه لعادتها القديمة ،،،
والرجل بيتزوج بدون علم أبوه وأهله،، ويقول : انه حرمته موافقة على الزواج !!!!!!!!!

بشو ممكن ننصح هذا الرجل ؟

الله يعينكم

أنا برأيي أنه الريال مايطاع برع إلا إذا نقصه شي وفهالحالة الله يسر ليه بس أنا أقول يعطي حرمته فرصة يمكن تتعدل

حبيبتي حاولي تخبرينه ان اذا خذ حرمه ثانيه لازم يفتح بيت ثاني
ومصاريف مالها اول ولاتالي وحاولي تخبرينه انه اذا عرس وحده ثانيه عياله بيضيعون
وانتوا بدوركم لازم تنصحون حرمته وتشوفون شوالمشكله بالضبط
اذا فعلا الكلام صحيح الريال من حقه يعرس والشرع حلل 4

شوفي دامه ردجل صعب انه وواحد يردعه بس الحين

نتجه صوب مرته تحاول تخليه يعدل عن قراره عن طريق سحر المراه لزوجها

بطرق شرعيه مو سحر شعوذه

من دلع لبس وووووووووووطبعا لازم الزوجه تعرف اشلون تجنن زوجها وترجعه لها

الله يوفقها

الله المعين

عيوني الريال مايطالع برا بيته الا اذا حس بالنقص والاهمال في البيت

كلمي زوجته وحاولي تعرفين السبب اذا كان السبب في الشكل خليها اتعدل وتلبس له

واذا كان السبب في المعامله ويبا احد يدلعه ويقوله كلام حلو خبريها تغير طبعها وتحاول تكسب زوجها

واذا كان السبب في المعاشره الزوجيه يعني مب مرتاح.. فيه طرق وايد تقدر اتسويها علشان تريح زوجها في النوم

مب كل واحد عرس مرة ثانية معناته ان حرمته الأولى فيها عيب
ولا كل واحد مب ماخذ غير وحدة معناته أنه مرتاح وياها
الريال يوم يبا يعرس بيتعلث بأي شي
هو أحين يبا يداوي المشكلة ببلوى!!