أخيرا بفضل الله حصلت الليسن انا فتحت ها لموضوع عشان أفيد غيري و اعلم غيري من أخطائي في موضوع الليسن خذوني حبه حبه وافهموني
انا فتحت الملف في العين بما أني من سكان العين في سنه 2024 وقتها كنت حامل وصراحه بصعوبة لين اقتنعت ريلي في موضوع السواقة طبعا لولا الحياه ما فكرت أسوق ، المهم فتحت الملف و ماسويت شئ قلت إن شاء الله شاء الله عقب ما إربي ببدا المشوار ، ربيت بالسلامة وبسبب ظروف مرض البيبي اضطريت بعد ااخر الموضوع ، سنه 2024 بديت أفضى وأخذت للموضوع بجديه رحت خذت دروس النظري و امتحنت ونجحت الحمد الله
يينا ع التدريب و بديت أدور ع مدربه تدربني و اسمحولي هنئ اذكر أسامي المدربات اللي تعاملت معاهن لسبب واحد ماريد حد يغلط غلطتي ويضيع وقته و فلوسه ع الفاضي
اول مدربه كانت سهيله ( ام ايمن ) حرمه سوريه كبيره شوي زوجها و ولدها بعد مدربين و أخوها مدرب ، أبد ما استفدت منها الله يسامحها طبعا انا من غبائي وقله خبرتي كنت أخذ عندها ساعه تدريب وادفع لها 200 درهم وهو أصلا الساعه ب 100 درهم انا جهل مني كنت ادبل لها السعر وهي الحبيبه ماتكلمت. استغلت هبلي وكانت تأخذ الفلوس حسيت أنها تماطل وتعطيني الأشياء المهمة في السواقة و وايد تسووولف ما توقف وتحش وتسب البنات اللي تدربهن قام راسي يصدع منها و خلاص قطعتها خصوصا يوم عرفت أنها نصبت عليه
اقترحت عليه ربيعتي أتدرب عند مدرب ريال قالت احسن و افهم و دربني ماهر ( ابو صلاح) من مدرسه الكمال سوري متين شوي تدريبه زين بس عصبي وايد وبنفس الوقت يستغلج يخلص مشاويره ع حسابج مثلا هو قاعد يدربج وبنفس الوقت يمر السوق يشتري غرض أو يمر محل صرافه يحول فلوس أو يمر يأخذ ولده من المدرسة و يسولف وايد و يضيع لج وقتج مادري كيف ماشي إحساس ولا ضمير يخليج غصب تاخذين ساعات مكثفة عنده ع أساس تدفعين أكثر ، وكل مره اركب عندها يقعد يشتكي من حالته المادية بعدين يقولج عطني فلوس مقدم للتدريب و ع هالموال مانخلص الزبده نجحت في باركن و ريوس ، اول تراي شارع رسبت
عقبها اضطريت أسافر لظروف أجبرتني انقطعت عن التدريب 6 شهور و رجعت عقبها تدربت عند وحده سوريه اسمها ( لينا) اول ما بديت أسوق قالت من دربج!!! قلت لها سهيله و أخوها ماهر قالت هاذيل نصابين حسبي الله عليهم قالت لي مسكتج للسكان غلط و طول ماهي تدربني تمدح نفسها و تسب باقي المدربات وتدريبها مش ذاك الزود يعني ما تركز لج ع قوانين المرور و وااايد تخاف ع سياراتها بشكل فضيع كل شوي تقولج شوي شوي تخافج تسرعين المهم أني ما حبيت تدريبها أبدا
بدلتها و تدربت عند وحده أردنية اسمها ( ام مالك) تجبرج تاخذين عندها ساعتين تدريبها ماحبيته لانها دربتني ع أشياء غلط ع قوانين تغيرت حضرتها ماشيه ع قوانين قبل 10 سنين ورا ، ماحبيت أطول معاها رحت سويت تراي ورسبت
ياني إحباط من المدربات آخر شئ تدربت عند وحده باكستانية كلمه رائعه قليله بحقها ملخصه بشكل منضبطه ع الوقت محترمة تحترمج و تعلمج بضمير و من خاطرها وما تبا تسولف معاج عشان ما يضيع الوقت بلاش فرق بينها وبين الزلمات ( السوريات اللي دربوني) وكذا مره زادتني بالوقت بدون ما تأخذ مني فلوس زايده ، المدرب اللي اسمه ماهر صارلي موقف معاه مره كنت بأخذ عنده الصبح تدريب في الليل مرضت بنتي اضطريت اتصل فيه واعتذر عن الحضور تخيلو انه دفعني فلوس لأني ما ييت !! مع أني اعتذرت قبل بيوم
المهم المدربه الباكستانية اذا اعتذرت عن الحضور تعذرني تقدر أني ام وعندي مسؤوليات وأبدا مش ماديه ولا تمدح نفسها اهم شئ أنها تعلمني بضمير وتصلح لي أخطائي في السواقة بدون ما تتضايق
المدربه ام مالك ماكانت تحب أني اسألها عن أي شئ بعكس الباكستانية تقولي اسأليني لأني أخذ فلوس وادربج وسويت التراي و نجت بفضل الله و تدريبها اسمها مقبوله و أختها زاهدا
السموحه طولت عليكن بس حبيت افيدكن نصيحه لا تتدربون عند عربيات ماديات بشكل فضيع تعليمهم من ورا خاطرهن اهم شئ الفلوس عندهن وشايفين المواطنات بنك متحرك والله يوفق الجميع
في ناس ما عندهم ضمـــير
بس الحمدلله دام خدتي الليسن وخبرتينا عن تجربتك ومشكوووره ع التنبيهه
.gif "13 (56)")
عقبالي يااااااااااااااااااارب
ياريت رقمها عالخاص
في ناس ما عندهم ضمـــير
بس الحمدلله دام خدتي الليسن وخبرتينا عن تجربتك يزاج الله خيرررر ،ومشكوووره ع التنبيهه