مبروك عليكن الشهر الفضيل
ويعله ينعاد علينا وعليكم بصحه وعافيه
حبيت احط لكم تقرير عن لبنان لمدة أربع ليالي "خمس ايام"
العدد = 5 كبار
بما أني أحب التقارير اللي فيها تفصيل عن المكان والاسعار والسكن
فبيكون تقريري من هالنوعيه علشان اللي تبى تروح تستفيد…
بحط الميزاينه عقب الجدول وبعدين ببدأ بصور للمناطق اللي زرناها مع الأسعار وتقييمها خخخ
وبالنسبه للميزانيه نحن ما كنا بنسافر هالصيف ابدا فما سوينا لهالشيء احتياط
قبل السفر باسبوع قررنا
وأكدنا على السفر قبلها بثلاث ايام بس ..
توزيع الميزانية: قريت وقريت وقريت بعد ^_^
ومعظم التقارير والمواضيع احبطتني من حيث الاسعار انه لبنان غاليه على شيء مايسوووى
معقوووووووووله!!!!!!!!!!!!!!
الموهييييييم ^_^
قلنا نتوكل وبدينا التوزيع وطبعا ذا كله من تخطيطي : (
السكن في فندق البرنسيسه 4*
لمدة أربع ليالي مع الافطار=4* $440 =1760 $
خذنا النت لمدة يومين كاملين = 20 $
………………………………
المصروف اليومي للرحلات والأكل والتمشي 400$ =4*400 =1600 $
……………………………….
تأجير سيارة فان 2024 لخمسة أشخاص بدون المحروقات ^_^"البنزبن" لمدة أربع أيام
=130 *4 =520$
البنزين لمدة أربع أيام = 150$
………………………………
التوصيل لأول مره من المطار الى فندق البرنسيسه أثناء القدوم= 50$
المشتريات = 1500 $
المجموع = 5600 $ = 21212 درهم
التذاكر لخمسة أشخاص على طيران فلاي دبي=7000 درهم
المجموع الكلي في حدود = 28000 درهم
الاحتياط الكاش= 800$
رااااح في السوق الحره لدبي خخخخخخ
الاحتياط في الفيزا =15000 درهم………
الجدول السياحي المتبع في الرحله
لي عودة قريبه لتكملة التقرير
اتريووووونا : (
وصولنا الى مطار رفيق الحريري "بيروت" الساعه 9:15 مساء يوم الأحد
وطبعا قبلها داقين تيلفون للفندق نبي سياره لــ 5 أشخاص وطلع علينا بـــ 50 $
وصلنا الفندق في الليل وبصراحه طول الدرب انا زايغه من السواقه حشى تحس السياره اللي عدالك بتعدمك ومع التعود في الايام اليايه طبيت الخووووف : (
الموهيم وصلنا وعطيناهم ورقة الحجز اللي طرشوها لنا
كان حجزنا مباشرة من موقعهم وبدون ما ندفع ولا درهم مقدما
عكس موقع كنت بتعامل ويااه وسعره ارخص يمكن بـ 180 درهم عن الاجمالي
قالوا بيجمدون الحساب في الفيزا لاربع ليالي ومن هالسوالف قبل وصولنا
قلت انا مب مجربتهم مافيني اجازف ففضلت التعامل ويا الفندق مباشرة
وطبعا في هالليله ما سوينا شيء الا طلبنا عشاء من كنتاكي
ما طول علينا عشر دقايق وهووو واصل
وعقب العشاء دخلنا انا واختي الماستر روم
واختي الثانيه واخووووي الغرفة بوسريرين
والاكسترا موجود مابين الصاله والغرفتين لابوسعيد
الموهيم دخلنا نحن الاربع الغرف نرقد
بقى واحد الا وهو بوسعيد حارسنا الأمين خخخخخ "لوجود سريره بين الغرف"
وينه!
طبعا نزل مطعم أكرم اللي جدامنا
وطلب شيشه "الله يفكه من شرها يارب "
وعصير وكان حسابه 10 $ >>>>أكيد سألته خخخ والا كيف بعرف
لأنه رد الساعه 12 وشووي وانا بعدني مب راقده تعرفون يبالي وقت لين اتعود ع المكان
………
الجزء الأول
بالنسبة للفندق "البرنسيسة"
الموقع : جونيه
خوفني منها هالمنطقة كثير بسبب وجود المراقص بس طول فترة وجودنا مع حسيتبها ولا كانت قريبه من الفندق ومكان الفندق هادي الا ليلة الأحد كان مجابل الفندق مطعم أكرم والأغاني شغاله عندهم عرس
بس باجي الأيام ما سمعنا شيء
الايجابيات
نظيف وخدماتهم سريعه وممتازه والتنظيف كل يوم والتعامل راقي وعدم وجود مرقص وهــــادي بشكل عام ويصلح للعوائل
السلبيات
وجود بـــار تحت في صالة الاستقبال واظني موجود في كل فنادقهم
واللفت صغير ..والغرف صغيره نوعا ما : (
تم حجز سويت غرفتين وصاله مع سرير اضافي وبلكونه مطله على الجبل وافطار في الطابق الثامن
السيارة المرافقة لنا هناك مع السائق بيير
الاستقبال
الطابق الثامن
الفندق مفتوح مب مكيف ودزاينه حلووو
هذا رقم غرفتنا ندش باسم الله ^_^
هنيه الصاله وفيها TV وبلكونه صغيره وطاوله طعام وماكينة للكوفي وماي ونسكافيه
نسيت اصور الماستر روم على العموم الغرف مب كبيرة صغيره نوعا ما
والسويت مب وايد كبير صغير نوعا ما يعني مب شرات الشقة
بس صورت البلكونه الرئيسية اللي في الماستر روم
اطلالة البلكونه حلوه بصراحه ومريحه
وفي السويت حمامين واحد في الماستر روم والثاني في الغرفة الثانية
الحمام " أعزكم الله"
الان نبدأ بالجزء الثاني من الحلقة الأولى
قمنا على الساعه خمس تقريبا وصلينا الفير وردينا رقدنا الساعه 7 ونص تقريبا
بدأنا ناخذ دوووش وتجهزنا ونزلنا للفطور على الساعه 9 تقريبا وما كان زحمه الحمد الله وتريقنا براحتنا
كان بوفيه صغير بس يفي بالغرض
للأسف دايمـــــــا أنسى التصوير وقت الأكل يوم أخلص اتذكر اني ماصورت خخخخخ بالله عليكم من يلومني هههههههههههه
الموهيم هذا فطونا أول يوم وتكرر باجي الايام
جان اخوووي يغرد بكارثه على الصبح ويقول انه السواق اللي كان متفق وياه في الامارات
باجر تتوفر السيارة ارمادا 2024 مب اليووووووووم
أم الوضيحي:والحين يا أخي العزيز شو السواه ورد على السواق اللي قال بكرا خلاص مانباه خخخخخ <<<عفناه
بوسعيد راعي الحلول يرد علي والا اخوي الثاني ماله خص كل شي يبيه على الجاهز هههههه
:مب مشكله نشوووف الفندق اذا بيوفر لنا سياره ونتفق وياهم الموهيم بعد مرور الوقت والبحث عن السيارة البديله وصلت الساعه 12 الظهر
بصراحه تعكر مزاجي نحن لازم نظهر 10 الصبح بس قلنا نمشيها عنبوووه لازم الجدول يمشي على الدقه خخخخخخخخخ
يتبع
ومشكوره ع الصور
والصراحه استفدت من هالتقرير وعساج ع القوه 
وييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييييييييييييييييييييييينحج