السلام عليكم …
الصراحة انا حبيت اقولكم عن موقف صارلي واعتبره عبرة او دليل على ان المزح مب كله واحد احيانا المزح وايد يظر.
مرة كنا بالسكول وكان وراي بنت اونها تبا تسوي فيني مقلب او تمزح معاي بس ياريتها ما سوته الله يسامحها, كان الكرسي وراي وانا كنت ابا اقعد ولاني متأكدة انه الكرسي وراي كنت ابا اقعد بقوة يعني اطيح عالكرسي لاني كنت تعبانة واول ما حنيت ظهري ابا ايلس جان البنية تسحب الكرسي من وراي و آآآآآآآآآآه…… كل ما اتذكر الموقف دمي يفور واطيح ذيج الطيحة وحسيت انه جسمي كله انشد مرة وحده تميت حوالي5 دقايق عالأرض ماعرفت شسوي اصيح ولا اظحك ولا اقوم ولا اصارخ والمشكلة انه البنت السخيفة قامت تظحك علي ولا ساعدتني وما قدرت اقوم من مكاني بسهولة حسيت اني خلاص رحت فخبر كان و بنات الكلاس تمن يظحكن علي لين ما حسو اني ما امزح علبالهم اني ادلع . تميت سااااكتة ما قلت للبنية شي تميت اطالعها بعيوني لا قالت آسفة ولا شي تمت تقول اونها تمزح والبنات التمو حولي وبيقوموني والله العظيم اني بعد هالطيحة كل ما كنت اقعد كنت اشوف الوان العذاب من ظهري ورحت المستشفى وعطوني علاج والحمد لله بعدها بفترة طوييييييييلة تعالجت يعني الصراحة حركة سخيفة وخطيرة وما منها داعي.
مع تحياتي :- مس فيمتو
الصراحة انا حبيت اقولكم عن موقف صارلي واعتبره عبرة او دليل على ان المزح مب كله واحد احيانا المزح وايد يظر.
مرة كنا بالسكول وكان وراي بنت اونها تبا تسوي فيني مقلب او تمزح معاي بس ياريتها ما سوته الله يسامحها, كان الكرسي وراي وانا كنت ابا اقعد ولاني متأكدة انه الكرسي وراي كنت ابا اقعد بقوة يعني اطيح عالكرسي لاني كنت تعبانة واول ما حنيت ظهري ابا ايلس جان البنية تسحب الكرسي من وراي و آآآآآآآآآآه…… كل ما اتذكر الموقف دمي يفور واطيح ذيج الطيحة وحسيت انه جسمي كله انشد مرة وحده تميت حوالي5 دقايق عالأرض ماعرفت شسوي اصيح ولا اظحك ولا اقوم ولا اصارخ والمشكلة انه البنت السخيفة قامت تظحك علي ولا ساعدتني وما قدرت اقوم من مكاني بسهولة حسيت اني خلاص رحت فخبر كان و بنات الكلاس تمن يظحكن علي لين ما حسو اني ما امزح علبالهم اني ادلع . تميت سااااكتة ما قلت للبنية شي تميت اطالعها بعيوني لا قالت آسفة ولا شي تمت تقول اونها تمزح والبنات التمو حولي وبيقوموني والله العظيم اني بعد هالطيحة كل ما كنت اقعد كنت اشوف الوان العذاب من ظهري ورحت المستشفى وعطوني علاج والحمد لله بعدها بفترة طوييييييييلة تعالجت يعني الصراحة حركة سخيفة وخطيرة وما منها داعي.
مع تحياتي :- مس فيمتو
؟؟؟؟؟؟؟؟؟؟؟ وينكن؟؟
الحمدلله ع سلامتج
في ناس تظن المزح بهالطريقة المضرة
الله يهديها
شكرا ع الرد اختي الغالية
مزح من مزح يفرق و الله يهديها
و القسم اظن انه مش مكان لهالموضوع 
الله يسامحها مب لهدرجة مزح خطير الحمدلله على السلامه ذكرتيني يوم ظرب راسي في طفاية الحريق فالمدرسة طبعا محد مزح وياي بس تمن يتظاحكن عليه بدل لا يساعدني ههههه المهم سلامتج ربي يعافيج من هالطيحه يارب ما تأثر عليج بالمستقبل عليج بالدعاء اكثري من الدعاء انها ما تأثر عليج وربي يوفقج
حسبنا الله عليها… بصراحة الدعابة من هالنوع دمها ثقيل وتكشفلك عن الطبيعة اللئيمة لهاذي النوعية من الناس…
والأسخف انها ما كلفتش نفسها حتى الإعتذار…
يا ستي.. سلامتك الف سلامة والله يكفيك شر اللئيمات…