في موضوع ودي أفتحه وياكم و هو موضوع الزواج و الأسس المبنية عليه
في أولاد كثير لما يتزوجون أهاليهم يسوون لهم كل شي و الولد ما يدفع و لا فلس من جيبه مع أنه بيزاته كلها على المواتر و السفرات و الصياعة بس في النهاية هو حاط فباله أنه أهله راح يسوون له كل شي لما يعرس
بس هشي أكبر غلط يصير و ها سبب رئيسي لتدخلات الأهل في حياة الزوجة لأنهم دايمن بيفكرون و بيقولون نحن اللي دفعنا و نحن اللي سوينا و راح يتحكمون فحياة البنت و يذلونهم ذل
و الولد ما راح يحس بجيمة البنت لأن ما تعب و ما كد عسب يعرس أهله اللي سوو له كل شي
الولد السنع الرزين لازم بروحه يعتمد على نفسه حتى لو أهله كانو أغنياء المفروض من يشتغل يجمع عسب لما يتزوج يكون قد المسؤولية
وايد شباب متزوجن لكن للأسف من غير قناعة و بس عسب يرضون أهاليهم و في النهاية البنت و العيال هم اللي يدفعون الثمن
أعرف ناس وايد صارت لهم هلمواقف و تطلقن البنات و خسرو عذريتهم اللي مستحيل ترجع لهم
الزواج مب لعبة الزواج حياة مقدسة لها مبادئها و قيمها لازم الكل يكون عارف هشي
نصيحة لكم يا بنات لا تربطون مصيركم بحي الله أي واحد يتقدم لكم حتى لو كان من الأهل
و لا تاخذون واحد دياية يدام أهله و معتمد عليهم في كل شي
تزوجو ريال سنع عاقل رزين معتمد على نفسه في كل شي و شايل نفسه بنفسه و مقتنع في الزواج مليون بلمية
لا تنجرون ورا عواطفكم لأن العواطف سببت لنا مشاكل كثيرة
شباب هالزمن أغلبهم …… بس حق الترقيم و المغازل و اللعب و مب مال مسؤولية
فكروا يا بنات قبل لا تربطون مصيركم بحي الله أي واحد و لا تخلون الزواج غلطة تتعلمون منها و تدفعون ثمنها
و لو ما تصدقون كلامي سيرو المحكمة شوفو شلون نسب الطلاق مرتفعة عفانا الله و على أسباب سخيفة و السبب الرئيسي هو أنه الزواج ما كان مبني على أسس صحيحة
في النهاية ما أقول غير الله يهدي و يصلح الجميع إنشالله
وما يعتمد على أهله اعتماد كلي عشان يحس بقيمة البنيّة
مشكورة عالطرح 
مثل ماقلتي لو هو مادفع وتعب عمره عسب يجمع هالبيزات ماراح يحس بيقيمة البنية بس لو طلب مساعده بسيطة من الاهل مب مشكله! مب اعتماده الكلي عليهم!
!!!!!!!!!
يلعبون و يصيعون و حاطين فبالهم أهلهم بيسوون لهم كل شي لما بيعرسون و كل شي مال جاهز يحصلونه
حتى ما يكون زواجهم عن قناعة و البنت تتعلوز و كله مشاكل
حتى في منهم عفانا الله يستمرون في الصياعة حتى بعد الزواج