سبق وطرحت موضوع عن السوفليه وشرحت بشكل مفصل عن الطريقه يمكن البعض استصعبها لانها تحتاج دقه أكثر في خلط البياض تحت ظروف خاصه
لهالشي حبيت انزل لكم طريقه اسهل واسهل بمليون مره من الاولى مع ان الاولى احسها سهله
انزين
ابغي اعطيكم معلومه
درجة الليونه تكون ع حسب المزاج يعني انتي لو تبين داخل السوفليه وايد لين لا تطبخينها وايد انا عني ماخذت اكثرمن ربع ساعه او اقل خليت القشره تستوي ومن داخل كان سائل وحلاتها تتاكل حااره طبعا
صدق شي خياااااال وتنقذج والله يوم حد ييج البيت فجأه او كنتي مستعيله لانها ماتاخذ وقت يدوب ربع ساعه تجهزيها وربع ساعه تطبخيها يعني حتى لو عندج ضيوف ترومين تطلعين شوي تجهزيها وتردين حقهم
ندخل بالمهم 
المواد مثل ماهي ظاهره بالصوره
اول شي نحتاج قوالب فخاريه وممكن قوالب قصدير بس انا استخدمت البايركس لان ماعندي قوالب
تدهنيها بالزبده وتدخليها الفريزر
المقادير
كيس كيك بالشوكولاته السودا
شوكولاته اللي استخدمتها 150 غ مانصحكم تستخدمون المره خلوها النص حلوة مثل هاي او الهيرتشيز
ربع اصبع زبده او 50 غ
كوب كريمة خفق
3 بيضات كبيره ( انا هني ستخدمت 4 لانه صغير )
كل المقادير تكون بدرجه حرارة الغرفه يعني طلعوها قبل نص ساعه الى ساعه
اول شي نذوب الشوكولاته مع الزبده
وبعدين نخفق الكريمه مع البيض ونضيف كيس الخليط ونحركه شوي بالاسباتيولا ونضيف عليه الشوكولاته ونخفقه
نصبه بالقوالب
نكون مشغلين الفرن من قبل
وندخله
وهاي النتيجه
المذاق ,,,,,,,,,,,,,,,,,,,,,,,,, خيااااااااااال طالعوا بس كيف سايحه والقشره هشششششه يمي يمي انا ماتحملت هجمت عليها وهي حاااره
عاد مابوصف لكم المذاق عسبت تجربونها
بنات والله انصصصصصصصصصصصحكم تجربونها ترا في اشياء طبخات نستصعبها وهي جدا جدا سهله
وانا أحب انزل لكم وصفات جديده غير عن اللي بالمنتدى عسبت تجربون وتشجعون
وادعولي بدعوه طيبه منكم ولي حابه تستفسر عن اي شي حاضره
اختكم ام مايد
بس بغيت اسال سؤال عن كيس كيك الشوكلاته؟؟؟
هو كيس كيك مش مطبوخ؟؟
او انه نفتت كيك جاهز
وعادي نستخدم اي كيس كيك؟؟
ومشكووورة اختي وتسلم ايدج..
باذن الله بطبقه اول ماقدر وبحطلج صورة التطبيق
تسلم ايدج حبيبتي على هالسوفليه الغاوي ^_^
لذيذ
تسلمين والله