السلام عليكم ورحمته الله وبركاته
بغيت اعرف كيف اقدر اسوي الباكج حق ماليزيا ابا اعرف الاماكن اللي اقدر احجز فيها في الامارات
؟؟؟
ومشكورين
اي شركة سياحية تقدر تسوي لج بكج..بس انتي لازم يكون عندج خلفية بالاماكن الحلوة
وكم ليلة تحبي تقعدي فيها …وتعتمد على مدة سفركم…
هل هي رحلة عائلية والا شهر عسل…
يعني عندج لنكاوي..بننيغ..صن وي لاقون..كوالا
والله ييسر لج كل خير
وكم ليلة تحبي تقعدي فيها …وتعتمد على مدة سفركم…
هل هي رحلة عائلية والا شهر عسل…
يعني عندج لنكاوي..بننيغ..صن وي لاقون..كوالا
والله ييسر لج كل خير
لاحظت من توقيعج ان عرسج قريب
اتوقع حق شهر العسل حلو تزورين الجزر
موووووفقه
انا وريلي حجزنا بعض الفنادق بروحنا من النت وبعضها راسلنا شركة واهي حجزتلنا يعني نحن عطيناهم الفنادق الي نبيها وهم حجزوا لنا
كنا نبي فندق والشركة يمكن مالقت حجز عندهم فروحنا دشينا النت ولقينا حجز وحجزنا طبعا غير فرق السعر بين النت والشركة لكن واحد من الفنادق لما رحنا هناك ماعجبني ومارضيت اقعد فيه خفت من الضفدع الي لقيته بالغرفة وغيرنا بفندق ثاني احلى بوايد بس اغلى وطبعا مارضوا يردون لنا فلوس حجز الايام الباقية لان دافعين بالفيزا من البلاد لكن قلنا راحتنا اهم حتى لو بتخترب الميزانية، اما جدول الرحلة فانا سويته والحمد لله استانسنا … اهم شي تقرين وايد عن الاماكن الي بتروحيلها خصوصا اذا كانت اول مرة تروحيلها
واكثر مكانين استانسنا فيهم الكاميرون ايلاند ولنكاوي