أغراضي المجربة من لوكستيان تعالوا استفيدوا

هذا شاور أويل .. بريحت اللوز .. استخدمه نفس الشاور جل .. رهييييييييييييييييييييب وااايد ينعم الجسم !! بس ماحبيت ريحت اللوز عندهم شاور اويل بريحت العنب شكلي بجرب الثاني وبشوف !! الحجم الصغير اللي في الصوره تقريبا ب 30 وشي .. تقيييمي للمنتج : 5/5

هذي صابونه بريحت الافندر حجم صغير ب 20 درهم .. بس وايد اطول وياج وماتذوب بسرعه .. استخدمت نفس النوع اللي ريحته ليمون رووعه .. ريحته فرررش .. وغير جيه حسيته مايجفف بشرتي مثل باقي الصوابين .. الحينه وقت شتا وحبيت اجرب الافندر ^_^ .. بس انصحكم بصوابينهم رووووعه … استخدمت من عندهم صابونه بريحت الورد .. وصابونه بريحت اللوز حتى شكلها كان جنه حبة لوز صغيره ههههه .. وتقيمي لصوابينهم : 5/5

وهذا كريم الريول .. يرطب الريول وحلووو .. بس ماحسيت بأي تمييز ؟! عادي وفي احسن عنه وأرخص .. سعر الحجم الكبير اللي في الصوره تقريبا 120 .. تقييمي للمنتج : 3.5 / 5

و

وهذا ماسك الزيتون للشعر .. هووو واااااااايد اوووووكييييييييييه بس بالنسبه لسعره احس مايستاهل سعره تقريبا 150 اظني .. ينعم الشعر ويخليه يلمع .. واذا سشورت شعري احس شعري يطلع جنه شعر فلبينيات سااااااااااايح ع الاخر .. بس لو خلص مابرد اشتريه غااالي !! في منتجات ارخص وتعطي نفس النتيجه .. تقيمي لهالمنتج : 4 / 5

وجربت من عندهم بعد الشامبو والكونديشنر رووووووووووعه .. كنت صابغه شعري وقتها ولووونه مابهت بسرعه بالعكس كان فيه رونق .. وعلى كثر ماسشورته ماحسيت انه شعري اتقصف .. واااااايد حلوه شامبوهاتهم .. بس الريحه افف ماعيبتني !!! انا جربت نفس الشامبو اللي حاطين صورته فوق في اول الموضوع وهو مخصوص للشعر الجاف .. تقييمي للشامبو والكوندشنر : 5/5 ..