خواتي أنا في نهاية الشهر الثامن وحبيت اسأل عن تجربتكن في الحمل والولادة وأغراض البيبي ..
وهو عن ترتيب شنطة المستشفى شو الأغراض اللي أحطها لي وللبيبي ..
أبا أرتب اللحين قبل ما أدش التاسع …
بليييييييييييييييييييييز اتريا ردكن؟؟
خذيت أغراض بسيطه لاني ما احب اخذ البيت كله معاي
أولا:
شنطه الام:
3 جلابيات فضفاضه ومناسبه للرضاعه
حمالات صدر مريحه
اندروير من مذركير (استخدام مره وحده) الكيسه فيها 5 حبات
أغراض الحمام (شامبو – صابون – معجون – فرشاه اسنان -…..الخ) شوفي شو تحتاجي منها
فوط صحيه من مذركير
نعال مريحه
شيله وعباه احتياط
فوطه للاستحمام وروب
جلوس وكريم مرطب وكحل وعطر خفيف (لانه شكلي يصير دماااااااااااااااار )خخخخخخخخخخ
ملاحظه (جهزت شنطه ثانيه احتياط فيها ملابس لي وللبيبي) هذي خليتها فالبيت وخبرت خواتي قلت لهم اذا نقصني شيء ييبوها
شنطه البيبي:
3 افارول
3 ملابس داخليه
فوطه لاستحمام
اغراض الاستحمام (شامبو- صابون …..الخ)
2كاب
2قفازات
شال صوف
بامبرز
وايبس
قطن
هذي الاشياء اللي تذكرتها وطبعا كنت مجهزه الاغراض اللي احتاجها بعد الولاده بس خليتها فالبيت لاني ماكنت اعرف متى بولد بس خبرت خواتي بكل شيء
لاني تميت فالمستشفى 6 ايام قبل الولاده وبعدين 4 ايام بعد الولاده لاني ولدت عمليه
نصيحه لاتشيلين البيت كله المستشفى هههههههههههههه
لانه وقت الطلع من المستشفى مابتعرفي كيف توديهن البيت بتحتاجي شااااااااااااااااااحنه خخخخخخخخخخخخخ
وعلى فكره حتى الهدايا ما اخليها عشان ما تنترس الغرفه اللي يزورني من خواتي او خواني اخليه ياخذهم البيت بس
اخلي الحلويات والفواكه للضيافه
ادري سويت لج محاضره ههههههههههههههههههه
الله يسرلج وتقومي بالسلامه
لاتنسي ادعيه الولاده تراها تغير نفسيتج وتهدي بالج وقراءت سوره مريم
ولاتنسي التمر
استفدناجهزت شنطة البيبي .. حطيتله 2 افارول و4 سبوح ماعرف شو يسمونه (كنادير خفاف بييض مع قماطهن)
عند العوضي والسوق القديم أريح للياهل .. و6 ملابس داخليه .. وكاب 1 .. وشنطة صغيرونه فيها الصابون…الخ
بتحصلينه عند محل الأطفال بيبي شوب .. ومناديل التنظيف .. و3 قماطات (ناعمه2 وواحد صوف ) ..
لهايه أحتياط ومرضعه ..
أما حقي للحين ماجهزت غير الأندروير (هافات لأستعمال مره) وستيانات للرضاعه 3 ..
وطبعا بحط لي 4 بيجايم مع شيلهن وعباه وشيله أحتياط وفوطه وشامبو…الخ.. وشنطة مكياج صغيره
فيها كريم أساس وبلشر وكحل وقلوس وبس عشان يعطي التعب وطبعا بحط لي طوق الراس العريض القطنيات
أحلى لا أنزل قصه ولا شي .. وشوز للحمام.. وطبعا لما اروح بيت أهلي ..
بيجايم وجلابيات خفيفه وراهيه عشان الناس مع شيلهن وشوز للبيت واكسسواراتي زيادة ملابس للبيبي
من غير ادواته مثل شنطة المشط والمقياس الحراره والخ .. ومسك من عند عبدالصمد .. وسريره المتنقل
ولحافه وااااااااايد ههههههه أحس اغراض البيبي وايد إذا البجر….
أوبس لي انا طبعا كريمات شد الجسم والبطن ومشد وشسوار وغيره ..