أفكر في الطلاق من زوجي اللي كرهني حياتي

خواتي مشكلتي سالفتها طويله عريضة وأنا حابه اختصرها لكم وأتمنى ألاقي منكم النصح والتوجيه السليم …

بسم الله الرحمن الرحيم
نبدأ…
أنا كنت مطلقة وتزوجت من ريال معرس ماخذ أجنبية عنده منها 3 عيال وفهمني انه هاجرنها ومايبغيها
ولا يسأل عنها وهو كان ريال شريب خمير راعي سفرات وبنات الهوى وكله يسير بالحرام معهاهم
وما يعجبه الا الصنف الاوروبي المهم أنا قبلت فيه بكل عيوبه قلت لنفسي كل إنسان يستحق فرصة(وهذه غلطتي الكبيرة) المهم بعد الزواج اكتشفت ان زوجي جذب غليه وانه يركض ورا حرمته الاجنبية وهي كانت ما تبغيه لانها خايفة على نفسها من الامراض طبعا انتوا فاهمين ..
مرت الايام وزوجي ماخذني من سنتين تقريبا ومن خذني عمره ما راح لعياله ولا طبق شرع الله لانه فهمني انه هاجرنها وما يبغيها بدأ زوجي يرد لسوالفه وزخيته يركس وحده تركيه وبينهم علاقة طبعا انا دخلت الحرمة هذه بيتي وواجهتها مع زوجي وقالي هذه ماضي ومن عقبها سامحته..
وعقب هذه تامشكله زادت المشاكل وكل يوم يعايرني انا ودرت عيالي علشانج أنا ما اسير عند عيالي علشانج أنت خذتيني من عيالي انا ما قدرت اتحمل الوضع سرت عند امي الله يرحمها قبل لا تتوفى وشكيت لها الحال أمي الله يرحمها جلست معاه وقالت له بنتي خليه بنفسها ماعندها عيال طلقها وسير لحرمتك وعيالك محد مانعنك عنهم ما وافق خيرته قالت له يا انك تطلق بنتي يا تطلق ام العيال طبعا هو انسان خبيث انا وحده اشتغل وكل ما احتاج فلوس عطيته كنت انا بالنسبة له الدجاجه اللي تبيض له بيض ذهب اختار انه يطلقها طبعا عقب مشاكل وضرايب بينا خذ الاجنبية المحكمه وطلقها وعقب كم شهر من طلاقها لقيت بين اوراقه ورقة تثبت استمرارية زواجه منها خذ معاه شهود زوور لمحكمة من محكمات البلاد وشهدوا انها على ذمته مع العلم انه طلقها طلاق باين بينونه كبرى وعقد الطلاق كان عندي ما كفاه كل اللي سواه فهم الاجنبية انهم راحوا المحكمة بس علشان ييبون ورقة الطلاق علشان يرضيني وفهمها انها بعدها زوجته وزادت المشاكل أكثر وبعدها طلب استئناف حكم في موضوع طلاقه لها ووكل محامي وكسب القضية وكل هذا بالحيل والمكر الله يحاسبه ..
طبعا هذا كله صار بعد وفاة الوالده الله يرحمها والاجنبية الحين ما تبغيه ولاتبغي تروح معاه المحكمة علشان يردها لانها شافت الويل منه ولانه عندها عزت نفس وهو مصر انها حرمته وبحكم المحكمة اللي عنده طبعا هو يحلل اللي يبغيه لانه ما يخاف الله ..
مرت الايام وانا حملت والله رزقني منه بولد الله يحفظه لي زوجي زادت الاعيبه وسوالفه قام يسافر وايد بالشهور ولا يسال عني وكل ما يسافر ويرجع يكون مجمع له بنات وكم مرة زخيته ويقووول آخر مرة وقام يطالع افلام خليعه عندي في البيت وانا دايما اقول له حرام الله ما بيوفقك وانت بتدخل الشياطين في بيتي وفوق كل هذا اتفقت معاه بوجود حد من اهلي انه خلاص ما بيرجع للمغازل وبعد زخيته يكلم بنات وبعد سامحته لكن خلاص تعبت من جذبه البارحة زخيت عند موبايل خاشنه والرقم اعرفه كان رقمه ايام الشرب والصياعه ولما واجهته انكر وجذبني وطردني من البيت خواتي حطوا في بالكم انه ذيل الكلب تكرمون عوي وعمره ما بيعتدل أنا مليت وكرهت حياتي لكن ارد واقول حسبي الله ونعم الوكيل زوجي انسان ضعيف ايمان تصدقون يقول حق الخدامة انا اموت في الحريم …
تعبت وما اعرف شو اسوي ؟؟؟؟

دوام وتداومين ,, يعني تقدرين تعتمدين على نفسج .. افتكي من شره قبل لا اتيبين ياهل ثاني .. و

ينقلج مرض خطير (( الله لا يقولها )) ..

و خافي على وليدج ,, اذا ما اتعقد تراه بيتعلم من تصرفات ابوه

و الله يوفقج و يريح بالج

صدق السالفة كبيره و يحتاي منج قوة قلب … أول شيء استخيري لرب العالمين … و بعدها شاوري محامي زين على كل ها السالفة !! لأن نحن ما نقدر نقول لج أمور طلاق و سوالف كبيره …

ما عليج غير بمحامي زين و المحكمة ,.,, و ربي يسهل لج أمورج كلها …

الله يعينج حبوبه

انفصلي عنه وانجي بنفسج من الأمراض ومن الهم والله يوفقج