خواتي من عندها وصفات سندويشات خفيفة وصحية للصبح
لأن زوجي تعودت ياخذ الصبح أي شي من الثلاجة ويسخنه بالميكرويف وياكل على السريع
لكن كذه ملل كل يووم خبز وجبن او خبز وعسل
مين عندها وصفات تبدعنا فيها 
ومش وصفات بس .. كمان نوع الخبز أو التوست !
انتظر الرد منكم يا سيدات 
عندي مجرد وصفات بسيطة
نجيب التوست الأسمر مع الفول السوداني الجاهز + عسل طبيعي
وممكن نجهز طبخه لزيزة فيها مشروم وبصل ونحشيها بخبز ..
جبن ونعناع ويمكن معه زيتون اسود
..
..
..
ايش بعد 
عندج ساندويش الهوت دوق مع سلايسات الشدر
او توست البيتزا عباره عن شريحة توست مدهونة كتشاب وعليها شرايح فلفل وزيتون وطماطم ورشة جبن موتزاريلا او اي نوع جبن وتتحمر بالفرن من فوق او بالمايكرويف لين يسيح الجبن وتسكريها بشريحة تسوست ثانية
امممم بعد عندج ساندويتش الخبز الاسمر تحشيها تركي او مرتاديلا مع شوية خس وخيار وطماطم وشريحة جبنة وتسخنيها بقلايه بدون زيت او بسخانة الساندويتش
بعد تقدرين تسوين سلطة تونه مع خبز البرجر او الصامولي
وعندج عجة بيض بالخضار تحشيها في اي نوع خبز
او توست بالبيض والحليب يعني كوب حليب تكسرين فيه بيضة ورشة ملح وفلفل اسود وتغمسين التوست فيه وتقلينه بزبده ويتاكل مع الجبن او اللبنة
عندج ساندويش لبنة بالزعتر عباره عن توشت ممسوح بلبنة وينرش بزعتر
او تسوين سلطة فواكه كتغير
وهاللي اتذكره سويته هالاسبوع حق ريلي خخخخ مايحضرني شي غيره عسى تستفيدين
المشاركة الأصلية كتبت بواسطة الجنة أريدها 
عندي مجرد وصفات بسيطة
نجيب التوست الأسمر مع الفول السوداني الجاهز + عسل طبيعي
وممكن نجهز طبخه لزيزة فيها مشروم وبصل ونحشيها بخبز ..
جبن ونعناع ويمكن معه زيتون اسود
..
..
..
ايش بعد
البصل الصبح تبين الريال يسير الدوام مسطول هههههههه .. عندج معجنات خفيفه تسوينها من الليل وتحطينها بالفرن الصبح والانترنت مايقصر طبعااا وذاوت بصل !
او كريب بالنوتيلا وزبدة الفول السوداني حلو ومعاه عصير فريش
و ياغورت مع سلطة فواكه و فطاير الباف المحشية بالتفاح والقرفة حلوة
سندوتش تونة مع معجون الفلفل الاحمر او خس وطماطم و زيتون
سندوتش سلموني مدخن و جبنة ايدام وطماطم
على حسب ذوق زوجك ^_^ وربي يحفظكم لبعض
انا بعد بحاجه لأفكار لانيه أسوي سندويجات وأبا أغير
1 سندويشات الفول ،،
يبيعون في الجمعيات اللي بالخلطة اللبنانية تكون لذيذة اذا ،، حمسيتي شويه بصل مع طماط وكزبره ونعناع وخلاف تحطين الفول مع ذره ملح وتحطينه في الصمون الميني او الخبز الميني ،، عشان ما يتشبع منه ويكون في تنويع
2 جبنه فلاديفيا لايت بالزيتون الأسود
هال جبنه ما تتخيلين طعمها لذيييييذه مع الزيتون
وممكن
فلاديفيا مع طماط وخس وممكن تحطين خيار ،،
3 ساندويش المرتديلا، لذيذٌ جداً
المقادير
خس أمريكي
شرائح عرضية,
مرتديلا، او تركي
بصل شرائح
خبز، صمون طويل عريض
– إفتحي الخبز من المنتصف بشكلٍ طولي ،، حطي اي نوع مع الاجبان السائلة يفضل قليله الدسم
– رتبي شرائح الخس، المرتديلا (ضعي في كل ساندويشة 4 شرائح)، البصل، البندورة فوق بعضهم البعض ،،