أكزيما الأطفال

السلام عليكم ورحمة الله وبركاته
بغيت مساعدتكم بنتي عندها أكزيما ومب عارفه شو اسوي وياها خدودها وايد حمر وفيها حبوب صغار وقالي الدكتور عادي بتخوز عقب ما تكمل سنه

صح كلامه بس انصحج بمرهم ايلي كوم ممتاااااااااز للاكزيما

مرحبا بنت زايد
انا بنتي كان عندها اكزيما
وما نفع ويها اي شيء
لحد ما
غيرت صابون الاستحمام
الى النوع الطبي متوازن الحموضه وخففت السبوح يعني مافيه داعي تتسبح اذا ما طلعت من البيت

بتروح بعد ما تكبر
انا ولدي كمل سنة و بعده ويه فيه حبوب مره تروح و مره ترجع
ما خليت مستشفى ولا عيادة ولا صيدلية ولا مطوع ما رحتله
ولا راحت عنه بس الحمدلله حالته خفت وايد بعد ما جربت الفازلين
جربيه ما بتخسرين شي بدل ما تصرفين فلوسج على العيادات الخاصة
و السموحة

ابصراحه ولد اخوي كانت عنده و راح عيادة كلداري فدبي و سوو له كوي و من بعدها خاز عنه

انصحج بالبحر لانه وااايد ينفع هالسوالف

انا عيالي الاثنين عندهم اكزيما ولاتتهاونين بهالشي اول مايتحسسون لازم تودينهم العياده او الطوارى الدكتور سليمان بتوام فنان عيالي يتعالجون عندهم يقول في واحد توفى علينا بسبب الحساسيه تعرفين ان هالحبوب الي تشوفينها بويهه تنتفخ داخل حلجهم وتمنع التنفس عيالي جيه يستوي لهم واذا فتحوا حلجهم لسانهم كله حبوب

ضرووري:سوي لهم فحص دم وعرفي من شو يتحسسون ومنعيه عنهم وخذي لهم دواء+مرهم اذا تحسسوا بالغلط عطيهم بسرررررعه الدواء ودهني بالمرهم

أنا ولدي عمره 8 سنين ويلين اليوم من دكتور للثاني ما شي فايدة
وعندي بعد بو سنه جسمه كله محمر ومحبب
شكلي بسير كلداري
يارب تشفي عيالنا وعيال المسلمين