ألياف الرحم

بسم الله الرحمن الرحيم

اول شي بغيتكم اطمنوني الله يسلمكم انا من يومين اتألم وااايد علي صوب اليمين من رحمي وما كنت اقدر اتحرك حتى من كثر الالم وانا حامل والحين في الاسبوع التاسع عشر في بدايه حملي قالتلي الدكتوره ان فيه ليفه بس مش كبيره يمكن 3 سنتي بس من يومين ياني ألم فضييييع ما اقدر اتحمله ولا اقدر ارقد ولي الحين يوم سرت امس عند الدكتوره قالتلي هذا الالم من الالياف الان الياهل يضغط عليه ويتحرك عشان جي بس ماله اي خطر عليج ولا علي الياهل عطتني ابرتين مسكنات

بس انا بغيت اطمنوني اكثر هل يأثر عليه وقت الولاده بس هو علي جهت اليمين خبروني كل شي ؟؟؟

انا يا اختي كانت ييني الم شديد في الرحم جهة اليمين شراتج ولا خبرت الدكتوره والله من شدة الالم كنت ابا اصيح (هذا كان في الشهور الاولى اكثر شي وبعدها بدا يقل)وتييني الآلام خصوصا باليل وقت النوم ويوم اصحا ما اقدر اتحرك من مكاني الا بصعوبه .وربيت والحمد لله طبيعي وولدي بخير……هذا مب اول حمل لي صدقين توني عرفت انها ممكن تكون الياف …بروح بشيك على نفسي عند الدكتورة ….

روحي جيكي اختي وطمنيني انا ما قدرت اتحمل بس وايد احاتي مادري انا الحين في الخامس بدا يعورني قبل لا الان قالتلي الياهل يكون صغير وما يتحرك الحين لا يتحرك ويضغط عليه حتى راوتني ان الياهل بخير ومافيه شي وكل شي طبيعي والحمدالله بس إلي اخاف منه وقت الولاده هل بيأثر عليه ولا شو ؟؟؟

ولدي الحينه عمره 9 شهور ….والحمد لله كانت ولادته سهله بدات الآلام 10 الصبح وربيت 12 الظهر ….قسما بالله انها كانت ييني آلام فظيغه لدرجة انه كنت ما اقدر اقوم من سريري بسهوله كنت اتحرك بصعوبه ….في الاشهر الاخيره كانت تييني لكن بعد فتره وفتره ….وكنت امشي بعد الشهر السابع كل يوم ساعه او ساعه ونص وتييني الام فظيعه تحت ولكني كنت استحمل ولي يزيد همتي اذا تذكرت الولاده .انا ما احبها تطول فيني كنت ابا اولد بسهوله بلا هم الدكاتره والمستشفيات…. انا اكبر خوافه ممكن تقابلينها بحياتج ….لكني صبرت وهي فتره وبتنتهي ما دام الدكتوره خبرتج ان كل شي اوكي وطبيعي توكلي على ربج وخلي عنج التفكير مب زين لج وللبيبي …ولي يكتبه الله حياه الله……ان شاء الله اكون افدتج ولو بشي بسيط والسموحه منج

الله يسهل عليج الغاليه يارب

الله يسهل عليج ياأرب ،، آناا بعد تييني الآم غريبه هاليومين فالرحم عاليسار وصوب المعده وماتيي إلا فليل والصبح يوم انش جنها مثل تشنج والله مآاعرف اوصفها أول مره تيني ،، آناا مب حامل ،، يستوي يكون ألياف الرحم ؟؟ من يومين رحت كشفت بس ما خبرت الدكتوره عن الألم قالتلي البويضه نازله بس في وحده غيرها حجمها 20 ، بيستوي حمل بهالبويضه ؟؟

الغلا شيكي عند دكتورة ثانية عشان تطمنين اكثر …..