ولدي كمل 3 شهور من يومين والحين داخل في الرابع طبعا من يبته وانا ارضعه طبيعي حتى ماي ماعطيه -بس عمتي تعطيه من وراي- المهم هو فديته ماله وقت معين رضع عمزاجه ساعات حتى ما يكمل 5 دقايق ومايرقد فليل تقريبا كل ساعه ونص لازم ينش يشربله قطرتين ويرقد والحين انا مضطره اخليه عند امي لمدت 4 شهور واريد اعطيه حليب صناعي جربت له اكثر من نوع ومارضى يتقبل غير سيميلاك يمكن لانه فيه حلاوة اكثر عن البقيه بس المشكله رضعاته مش منتظمه يعني ما يرضى يكمل المرضعه وينش عقب يبا حليب وانا اتهايز اسويله غيرها واعطيه من صدري … حبيت أسأل كيف ممكن انظم له رضعاته على العلبه مكتوب انه لازم يرضع 180 مل خمس مرات في اليوم وهو بالغصب يشرب 120 وبعد ما يخلصها ولو خلصها لازم يرجع بعدها وبعد شفت بعض الأمهات يحطن بسكويت في اخر رضعه عسب الياهل يرقد بليل .. شو نوع البسكويت الي اقدر احطه لودي
أرضعي طفلك متى شاء هو والكمية التي يتطلبها جسمه هو
اما عن ترتيب الرضعات فهو امر حضاري غير مجدي مع الكثير من الاطفال
حتى ان منظمة الصحة العالمية قد اثبتت ان الرضاعة تكون متى طلبها الطفل وللفترة التي يتقبها ليشبع ويستريح
اما عن نوع البسكويت فهو متوفر في قسم احتياجات الرضيع وحليب الرضع مثل فيرليز وغيره
اتمنى ان يحمي الله طفلك ويقر عينك به
شوفي…بدت الفلسفه عطيه ماي عشان مايحول بسم الله عليه
وبالنسبه لترتيب الرضعات انا كنت في البدايه اعطيه كل ساعتين وبعدين كبر
ماشاء الله عليه صارعمره سته شهور وتغير مايبا كل ساعتين وكميه قليله
صرت اعطيه كل ما ايوع ما اعتمدت ع الساعه وعطيته بسكويت ميلوبا في رضعت الليل
واحيانا في النهار بس بطنه امزر غااااااازات ماناسبه فديته فودرته .. اختي تمدح بفارليز
وانا ان شاء الله بجربه ..
وربي يحفظ عيالنا من كل شر ياربي…
مشكوره الغاليه عالرد
أم أحلى حمودي
انا بديت اعطيه ماي التمر بس بغيت أسألج بالنسبه للحيب كيف اعرف اذا ناسب ولدي ولا
لاني لاحظت انه يصيح وايد هالايام
الغازات والحساسيه والامساك …. دليل انه ماناسبه الحليب