تخطى إلى المحتوى

{ أنا أسف نسيت أعلمك كيف تنساني }

أكيد انك على غفله نسيت وجبت لي سيرة!!

أو إني ما عرفت أعلمك وشلون تنساني !!

كثر ما كنت أشوف إن المفارق ضيقه ..وحيرة

كثر ما كنت أحس إنك ولهت ..وجاك ماجاني

أعرف الحب الأول ما يموت .. وما يجي غيرة

وأعرفك كل ما يطري عليك القرب ..تلقاني

أجل ما قلت لك ؟.:ساعة معك تسوالها ديره

علامك تزرع الغيبة قصيد وتحصد أحزاني

تغيب وما تبيني أطوي الدرب ومشاويره

وأنا لولاك ماكان القصيد يحرك أشجاني

إذا ماكل شاعر يكتب إلهامه وتفكيره

تعال إكتبني في دفتر حياتك ..وأعزف ألحاني

حبيبي والطعون اللي تجي من خنجرك ..خيرة

لان الجرح يأخذ هيبته من هيبة الجاني

تعبت وكل ذنب بغيبتك ماتت معاذيره

مثل ما كنت مسرف بالعطايا ..وأنت حرماني

تخيل حتى لو قلبي بديت أشعر بتقصيرة

أدور لك بداله قلب يعطي والعمر فاني

لو إنك تفهم إحساس الغلا وشلون تأثيرة

فهمت شلون ما شوفك ..وأجيب أسمك على لساني

تصدق عاد ..أنا والشوق والإحساس والغيره

جلسنا كل واحد يشكي غيابك على الثاني

أقولك شي ..وماتزعل علي..وتفضها سيره

أنا آسف..نسيت أعلمك وشلون تنساني…

والله روعه

واااااااااايد حلللللللللوه ..
تسلميــــــــــــــــن الغلا ..

خطيييره البنت
ماشالله عليج

تسلمووووووووون حبايبي ع الردود الحلوة

رووووووووووووعه

تسلميييييييييييييييييييييييييين

تسلمين الحمادية

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.