أنا أطلقت زوجي باع عشرة السنين في غمضة عين وبكل بساطه طرشلي مسج قال فيها ( اعتبري نفسج من اليوم طالق )
اتصلت فيه أتأكد منه شو هالمسج أكدلي السالفه
سألته ليش قال ماشي بس نحن مب متفاهمين مع إني قايمه بواجباته وأتعدل وألبس له وبنتي دومها مرتبه وبيتي من أنظف البيوت وقالي إنه البيت من نصيبي وبنتي بعد الطلاق وإنه بيدفع النفقه ويباه طلاق ودي بدون مشاكل وقال إنه متزوج من 4 شهور وزوجته حامل وقال وقال وقال هه
والمصيبه إنه قبل الطلاق كان حاجز لي في فندق وخلينا البنت عند أمي ويلسنا فالفندق ليلتين تخيلن بس
ليش مادام إنه مبيت نية الطلاق سوا هالحركه
أحس إني وصخه مثل قطعة كلينكس فرها بعد ماخلص حايته منها
حسبي الله ونعم الوكيل فيه وأشوف فيه يوم الله يمهل ولا يهمل عساه لا ربح ولا توفق في دنياه
الله يمهل ولا يهمل
اللي ما يباااج ما تبينه .. طرشيله مســــــج ..
قوليله: أتريـــــــــــا الطلاق بفااارق الصبر ..
أنا ما أستااهلك ..اللي يبيعني أبيعه .. الله يعوضني بالاحسن منك ..
أذبحيييييييييييه من القهــــــــــــــــــــر .. صدق حركه سخيفه وما تستاهلين
يااااا غناااااااااااااااااااااااااااااااااااااااااااااااا اااااااتي 
صدق سخيف ومايستاهل عشرة العمر.. لكن هذا نصيبج ياقلبي والله يعوضج باللي احسن عنه وينسيج هالريل الي برايي مافي اتفه منه ونااااااااكر عشرة وجميل..
الله كريــــــــــــم….
انزين مافكر في مشاعرج وفي البنت ولا ماخبرج بزواجه صدق انسان من غيررررررررررر ضمير
الله يعوضج بالاحسن منه امين يارب ويصبرج
لاتفكري فيها ولاتخلي قلبج النظيف يفكر فيه لانه ماحاول يفكر فيج
اختي نصيحه ولاتهمليها اقري سورة يس بنيه ربي يحسن وضعج ويسهل امورج