سنين مرت.. من عمري.. كنت طالبة.. مجتهدة.. أنيقه.. أفكر في شكلي مثل ماتفكر كل بنت.. تخرجت من الكلية.. واشوف البنات يهتمن في اشكالهن.. لبسهن.. أظافرهن.. (حواجبهن) !! كل وحده حافه حواجبها… شو يعني انا بسوي تنظيف بعد.. مب حرام.. بس تنظيف! ….gif "12 (54)")
مرت السنين كنت اسمع انه حف الحواجب حرام..والنامصة ملعونه.. بس مادري شو بلايه.. مب قادره امنع نفسي.. .. سمعت ان التشقير حلال… شقرتهن… وودرت الحف… كمن شهر مرن… سمعت ان قص شعر الحواجب حلال .. قلت ماشي حل الا ترتيب الحواجب بالحلاقة… كل ما ارجع من الصالون.. الوالده تتطالعني بعين.. يابنتي انا ماقول لج لاتدقين حياتج! شكلج قبل وايد احلى! النامصه ملعونه! وانا ضميري يأنبني بس مب عارفه شو اسوي… دوم افكر في هالموضوع.. واقول بيي يوم وبمنع نفسي غصبن عني. واللي بيستوي يستوي.. مرت السنين وانا على هالحاله.. وتأنيب الضمير ملازمني...gif "12 (71)")
يانا موسم الحج.. والحمدلله حجيت.. وعقدت النية اني خلاص مابدق حواجبي مهما كان.. ولا بسمع كلام حد.. شكلج تغير..حواجبج مادري شوو بلاهن.. هالناس مابينفعوني لا في قبري ولا جدام ربي يوم الحساب.. ابا رحمة الله.. يوم لا ينفع مال ولا بنون.. لا أم بتحن علينا.. ولا اب حنون بيدافع عنا.. ولا اخت بتوقف ويانا.. كل حد بيكون وحيد جدام ربه.. .gif "13 (1)")
لأني احبكم في الله..ولأني أدري ان وايد من البنات يبن يفتكن من حف الحواجب، كتبت لكم قصتي.. اقولكم الموضوع وايد سهل.. بس اعقدوا النيه وتوكلوا على الله.. شكلي الحين وايد احلى.. أكثر طفولي.. واللي يشوفني يتحراني بعدني أدرس في المدرسه.. ههههه 
الله يثبتني ويثبت التايبات… واتمنى من كل وحده مرت بنفس اللي مريت به ، تشاركنا تجربتها.. عشان تشجع غيرها…
سامحوني على الإطالة…. والحمدلله حمدا كثيرا طيبا مباركا فيه..
وربي يهدي الجميع ياااااااااااااااااااارب
انا مرة وحدة حفيت ومن غقبة خلاص بس اشقر والحمدالله
واهم شي نفكر في اخرتنا
ودايما حطوا بالكم اذا بتسوين شي تاكدي ان ربي يشوفج وبتتحاسبين علي لا تقولين بس هالمرة
والله يابنات ما في احلي ان يكون الواحد مومن من كل قلبة
ادعوالي اني اضعف علشان اقدر احج
وعسي ربي يجمعنا بجنة الخلد
ما شاء الله عليج..
وان شاء الله اي تايبة بسبة هالموضوع ف ميزانج…
وأنا اقولكم الموضوع سهل… يعتمد على اول مرة تمنعين عمرج فيها وعقب خلاص بتواصلين..