~. أنا حالـــــي مثل ميــت و حــــــــيّ .~ربيعتي تبى مساعدتكم يامعرسااااااات

أنا عمري 21 سنه من عايله محافظة ومحترمة ولهاا صيتهاا بين النااس ومعروفه ،، كملت الثانويه وعقبها يلست في البيت وماكملت دراستي ،،، بقيت تقريبا في البيت سنتين وعقبها يا نصيبي
اللي هو ريلي ( صار الموضوع يوم ان اخته ييت بيتناا وطلبت ايدي من الوالده وقالت انها شافتني في عرس اختيه الكبيره وقالت شوفو ابو البنت وراي البنت وردولنا
خبر المهم امايه طرشت لابويه خبر على ان بنتك فلانه خطبوها وشوف انت وسأل عن الريال ينفع ولا لأ ،،،، المهم عقبهاا امايه سويت اتصالاتها وسألت عن الريال وقالوو عن ريال زين ما ينعااب
( الناس ما يعرفون الا الظاهر ما يدرون باللي في القلب ،،، المهم رد اويه خبر لنا ان الولد زين وانا كنت اعرف ابووه وهو ريال حشيم ماعليه كلام ،،،،،،،،، والوالده ما قصرت دقت لأخت الريال وقالت له موافقين وابووها يبى الملجه في المحكمة صارت الملجه في هاليوم اللي هو يوم الثلاثاء
شافني ،،، يوم الخميس بعده بيومين سوينا حفلة الملجة في البيت ( خفيفة ) ما بغيت وايد ناس ،، المهم صارت الحفله ويا وقت المعرس يدخل ،،، دخلو المعرس اثنين من خواني ويلسنا لبسني الطقم والدبله ويلسنا
فضت الغرفة وبقينا رووحنا ( امييييييييه يخووف ) ( قلبي يدق بالقوه ) ( اول مرة اكون فيها ويا ريال بروحي ) المهم سألني سؤال : شو يعني الزواج بالنسبة لج ؟ سكتت فترة عقب قلت مسؤولية
وبعدها يلسنا نتعشى والساعة 2 الا ربع ظهر من عندي ،،،، ( فترة الملجة ليوم الدخله كانت تقريبا شهر وشوي بس ،،،، كان وياي وايد اوكي طيب ، حنون ، اسلوبه حلو
صارحني انه يعرف وحده من بنات الشيوخ ويدرب خيل وياها ،، قلت له هذي هوايتك وانا بشجعك عليها لانها حلوة استانس من ردي ( ما دريت اللي ما خفي اعظم ) المهم صار تاريخ العرس وكنت حلوة لاني كنت فيها
غير ومحلوة ( خقاقة ) خخخخخخ ،،،،،، المهم الاسبوع الأول ما سافرت بقيت في الامارات وكنت كل يومين في امارة سرت ( الفجيرة ، دبي ….. الخ ) المهم وستانست عقبها سافرت ماليزيا شهر العسل وكان وايد حلو ماخذه راحتي وما كان مقيدني بشي
بقيت هناك 13 يوم ورديت ،،،، كنا مثل ما يقولون سمن ع العسل ولا ما ادري شو خخخخ ،،،، سكنت ويا اهله وكان طول الوقت يسير من الساعة 5 الفير الين الساعة 12 ونص الظهر الاصطبلات ،، في خاطري قلت انا وعدته اكون
وياه فسكتت ،، بعدها ايي يتغدى ويتم في البيت وقت الظهر والساعة 4 ونص العصر يلبس لبس الخيل ويظهر وما يرد الا الساعة 1 او 12 ما بظلمه ،،، وكانت فترة سميتها فترة اعنادي ( كنت وايد اعانده )
ليش أعانده ؟؟ البنت اللي كلمني عنها يوم الملجة وقال انه بينهم شغل ،، أنا اشوفه مش شغل ،،، تخيلو 24 ساعة تتصل ولو ما رد عليها تحرق التلفون وهو روحه بلسانه اعترف لي تحرق تلفوني حتى لو كانت
تبي تقولي نكته ( طبعا هالاعتراف عقب فتره من الزواج بشهرين ولا ثلاث ) سكت عنه قلت يمكن شغل تعدى حدوده يمكن هالكلام مش لازم اقوله بس لاني تعبت ابي حل ( تخيلوا ان في مره كنا ويا بعض
على السرير يعني افهموها ياناس .. بهالوقت الواحد يغلق تلفونه والله عيب تلفونه صاح وكانت هي خلاني ع السرير ورد عليها وصار هالشي مرتين ) قلت له اخر مرة وان انعادت ما بكمل وياك ،،،، لمده تقريبا 6 شهور من بدايه زواجي كنت كل شي اسويه مثل ما انا
ابى وكان كل يوم يحط علي ويصارخ علي لأتفه الأسباب ومن هالاسباب ( كان في مرثون بيصير في دبي وانا طبعا ما اعرف شي عن هالاشياء قالي نحن بنسير ويا هالشيخة بسيارتهم ، أنا شو قلت لا ؟ عصب علي وحرج
اونه انتي ما تفهمين أنا سيارتي ما تدخل هالمكان يبالها نيسان ولا كروزر ،، قلت له انزين ليش تعصب فهمني لاني ما اعرف ،،،، قالي أنا اللي اقوله سويه وبس ،، كيف أسويه قلبي ما يطاوعني اكون ويا ريلي
في مكان فيه بنت غيري ،،، يوم اني عاندت وقلت له ما بسير قالي اصلا وجودج مثل عدمج لا تسيرين ،،، عقب ياني فليل قالي حبيبتي اباج تكوني وياي قلت له اوكي حبيبي ان شاء الله ) سرت
وياه وقلبي يعورني كيف بتحمل ،،،، تمينا هناك يومين تقريبا وهو يسولف وياها ويكلمها ويضحك وياها وأنا ساكته عسب ما اسوي مشاكل وما اضايق به ، ابتسم وقلبي يحترق عسب ما اضايق به ،،،،،
ستة شهور وانا اعاند وما كان يعيبني اللي هو يبيه ،،،، وبعدها يلست مع نفسي قلت يا بنت الناس انتي بعدج ما كملتي سنه وجي حالتج كله فيها هواش ونجره وقلت خلاص بسوي كل اللي هو يبيه وسويت كل شي هو يبيه
تدرون وين خذاني ؟؟؟؟؟ خذاني على ان ربيعه سوري ما ادري لبناني عازمنه في فندق ع العشى وكان هالمكان له طابع سوري يعني مثل مرقص ( فيه بنت ترقص ومفصخة وواحد سوي يغني وهي ترقص ) لو كان يغار علي
ما خلاني لحظة في هالمكان وطول الوقت كنت اقوله بليزز يا غناتي خلنا نظهر هالمكان مش مكاني ،، لو حد من هلي شافني ،، لو ولو ولووووو ،،، هو يقولي انتي وياي ،،،، تخيلو اللي شافوني وياه شو بيقولون عني ( اكيد وحده من هالوصخات اللي يرقد
وياهن ) المهم انا طوول الوقت هذا ما كنت غير ادعي ربي يظهرني من هالمكان مر الوقت وانا اقول يالله نسير بس خلاص لمتى نبقى وهو يقول تريي شوي ،، سكتت و قلبي من داخل يقطعني في حياتي ما توقعت اني احطي ريولي هالمكان
وتميت جي تقريبا ليم ما كملت السنه من زواجي وهو يهيني ويصارخ عي ( كان يقولي انتي اهلج ما عرفو يربونج ، ان ما عرفو يربونج أنا بربيج ،،،،،، انت حمارة وغبيه وما تعرفين الأصول ،،،، سكتت وما تكلمت ،،، لين ما تعبت ونفسيتي بدت تتعب قررت اخلي واحد
من أخواني شاهد ويكون عنده خليفة عن اللي انا فيه وخبرت اخوي ( اتصلت فيه قلت له اباك في موضوع قال نص ساعة وانا عندج ،، ما كملت النص ساعة وهو عند الباب ،،،، ركبت وياه طبعا بعد ما اتصلت بريلي وقلت له اني بظهر ويا اخوي لانه مار صوبي ويا
خواتي يتمشون عسب ما يحس بشيء ،،، ركبت وياه وما خليت شي ما قلته له ( أنا في اشياء ما قلتها عسب ما اطول عليكم وتملون) المهم كانت ردة فعله قويه وايد وعصب وايد ليش سكتي هالفترة في شي أنا كنت اسويه بس بليززز افهموني ليش كنت اسويه
( كنت لو انه زعلني او انا زعلته انا اسير اراضيه لانه ما بيي يراضيني وانا مالي بد من ريلي ) اللي صار اني دلعته اكثر من اللزوم بس انا لين الحين اقول لو اني ما دلعت ريلي ادلع منو ؟؟ يت فترة قالي فيها انا شو اللي خلان اوافق عليج ،، شو اللي خلاني اخذج
انا ابتليت فيج ،،، كرهتيني حياتي ما اني ما سويت شي ( اللي سويته اللي انا متربيه عليه ) ما ارضى بالاشياء اللي هو يسويها ، تدرون انه عادي يسير شقق ربعه ويكون فيها بنات ،، يسير حفلات فيها خلط بنات وشباب ،، ويقنعني انه في حياته قبل الزواج ما انه يسير
هالاماكن بس ما يسوي شي بس يكون يالس صدقته لانه ريلي ،،، تدرون ان هالبنت اللي قلت لكم عنها بنت الشيوخ تعرف عنه أشياء أنا ما اعرفها ،،، يتني فتره حلمت فيها ( اني ارقد ع السرير ويا واحد بس ما اشوف ويهه ) قلت له هالحلم وما عبرني ،، عقبها
صار اني كلمت هاي بنت الشيوخ وقالتي بطريقة ما اذكرها انتي ما تدرين انه ريلج يعرف يفسر الأحلام تخيلو أنا حرمته وما ادري ؟ قلت لها والله ما دريت ،،،، رحت قلت له انت ليش ما فسرت حلمي يوم قلت لك اني حلمت بالشي الفلاني قالي غطي ويهج وارقدي
لا تفكرين بهالحلم قلت اوكي وكان تفسير الحلم بالاساس انه قاعد يخوني ،،،، وقلت له بس فلانه تقول انك تعرف تفسر الأحلام ليش ما قلت لي ؟ ما عبرني ،،،، سكتت ،،،، يوم أني خبرت اخوي هو حرج علي وصارخ وقال نحن ما ننفع لبعض لازم ننفصل ،، قلت له انت تدري شو تقول ؟ قالي هذا افضل حل
تخيلو وهو دايم جي يصارخ علي ويهزبني ويسمعني كلام يعور القلب وبعد ما يرد من برى يحظني ويبوسني ويدلعني ،،، أنا في خاطري اقول هب جنه هذا من شوي معصب علي ؟ شو غيره ؟ تبون الصدق ساعات احس انه مريض وعنده انفصام في الشخصيه
اللي صاير الحين انه يقولي اني انا صاحبه كل المشاكل وكل البلاوي اللي نحن فيها ،، وانا اعترفت له قلت له اوكي انا سويت اخطاء واعترف ،، بس انت بعد سويت ولا ؟؟؟ قالي منو قال ؟ انتي صاحبة الاخطاء كلها ولو أنا غلطت منج انتي ؟؟ ( يا ربي انا شو مسويه ) ما ادري
تخيلو في اليوم اللي كلمت فيه اخوي عن الموضوع ، أنا قلت لكم استأذنت قبل لا اظهر من البيت صح ؟؟؟ تدرون شو قالي ؟؟ ( أنا شو ضمني انج ركبتي ويا اخوج ) قلت له وانا منصدمه دق له وسأله ؟ رد كان احقر من الرد الاولي ( اكيد بيستر عليج وبيقول انج
كنتي وياه ) ( ياربي شو هالكلام .. شو هالأسلوب ؟؟ ليش هالشك كله ) أنا سألته سؤال ؟ قلت له انت قولي شو الأخطاء اللي انا سويته هب راضي يقولي كل يقولي انا ما اتكلم بهاي الأشياء .. انزين يا ولد الحلال أنا ابا اعرف هو لا أنا ما بقول شي ما تكلم بهاي الأشياء
قلت له عيل شو سويت من أغلاط أنا قالي شيئين وهالشيئين اللي ميودهن علي بس ما عنده اي دليل مجرد شكوك وبس ( مرة اول ما تزوجت قبل ما انزل من السيارة ياني مسج من رقم غريب وكان مسج حب وغرام وبعدها بعد من نفس الرقم مسج مكتوب فيه
( مشغوله ؟؟؟ ) قالي منو هذا قلت ما ادري الرقم هب مخزن عندي وما اعرف اتصل شوف منو ؟ ظهر ريال وقاله منو بغيت يوم انك دقيت قاله مغلط وبس ,,,,,,,, الثانيه عندي ربيعتي أنا مخزنه اسمها في مبايلي طبيعي لانها ربيعتي متعرفه عليها في الكليه وعندها
عيال وكل ماتتصل انا اكون معصبه واصارخ عليها …وياني مسج منها مكتوب فيه ( ليش تصارخين عليه ، أنا شو سويت لج الله يسامحج ) أنا ما مسحت المسج لانه عادي ما فيه اي شي ،،، ريلي هالفترة كان يفتش الفون مالي وشاف المسج ،،، شو سوى ؟؟؟؟؟؟؟؟ اتصل بربيعه وقاله اتصل عالرقم هذا شوف لي واحد ولا وحده
اتصل الريال ورد عليه واحد ( يا ناس طبيعي كان وقت الظهر والناس ع الغدى والبنت معرسه واكيد ريلهاا اللي رد لانها شافت رقم غريب صح ولا ؟ ) قلت له دق عالرقم من تلفوني شوف منو ؟ دق ومحد رد ولثاني مره دق وهالمره انغلق تلفونهاا ) أنا شو ذنبي
ولو كنت صدق ارمس هالشخص وكان واحد ( الشخص هذا كيف بيعرف اني انا اللي داقه ولا ريلي ) فكرو وياي لان ريلي يالس يهين كرامتي وشرفي وانا ساكته ،،،،،،، وكل ما عصب علي ذكرني بهالشيئين وانه لو ريال ثاني جان ما بيسكت ( انزين ليش يسكت )
جان خبر هلي وأنا ادري وضامنه عمريه اني ما سويت شي غلط ،،،،،، الحين الموضوع انه ريلي هب راضي يعترف انه هو مسوي أخطاء وانه غلطان ،،، وقالي يبي ينفصل ،،، وانا ما ودي الموضوع يوصل للطلاق بس هو انسان وربي انه ما يحس ولا يهتم ( تخيلو أنا اللي اقوله
سير تحلق … تدرون شو يرد علي ؟؟؟ يقولي ما احب اتعدل اخاف البنات يغازلوني … في ريال يقوول لحرمته هالرمسه بذمتكم وهو تسكت ؟؟ ،،،،،،، أشياء وايد واايد ووايد ما تخلص بهاي السنه بس

———————————————