طبعا كلكم بتقولوون منو هاااي و ايديده فالمنتدى و مسويه حق عمرها سالفة *لوول*
بس الله يسلمكم السالفة و ما فيها اني انا من زماااااان فالمنتدى بس اقرأ عن بعد
وبحكم اني انسانه انطوائية نوعاً ما و ما عندي صديقات ولا خوات قراب
يوم فكرت في اني اتغلب ع مشكلتي .. قلت ما في غير خواتي في المنتدى يكونون وياي
خلووني ابدأ السالفة :
سالفتي اني تقريبا سنة 2024 كان وزني 74 و طولي 164 يعني كنت مليانة
بس كان جسمي حلو و كنت القى ثياب و كل شي يناسبني و اقدر اكشخ و اسوي الي في خاطري
لين ما بدى فيني مرض الله يعافيكم ، و عطوني كورتيزووون !!!!!!
طبعا الكورتيزون الله لا يبليكم ولا يبلي اي حد من المسلمين له مضاعفات جانبية هائلة
انا خذيته فترة سنة و تركته .. بس خلال هالسنة وزني زاد اكثر من 25 كيلو !
و اهملت نفسي بعدها و ما أصريت ان انزل وزني .. و طبعا اهمال ورا اهمال ووصل وزني 107 !!!!!!
يوم شفت هالوزن انصدمت .. بس بس بعد طنشت *فشله*
المهـــــــــــــــــــــم … قبل اسبوعين طحت مريضة " حمى و زجام و بلاعيم "
يوم سرت المستشفى لقيت وزني استوى 104 .. * جاااان انطررر من الونااااسة*
وعقبها بكم يوم وزنت في البيت جان اشوووووفه 100.7 * جااااان ضروسي تطيح برع حلجي ههه *
وقلت يااااج الفررررج يااااااج !!! وبسننااااا من الاهماااااال
طبعا اكبر عامل مساعد ومشجع اني ما اشتهي الاكل نهااااائيا من بعد الحمى !!!
و الاحلى اني شاركت في المنتدى و معزمة أوصل لهدفي !
انا ما بتقيد برجييم معين ، ولا برياضة معينة … !
بشووف الي اشووفه صح مب غلط وبسوويه ، وبحاول اصور كل شي و احطه ^_^
وشووو بعد .. يعني ابااااكم تكونوووون ويااااي واكوووون انااا ويااااااكم
* ادري رمست وايد * بس بس انتووو خووواتي و محد بيشجعني غيركم !
دعووواتكم .. والي بتبدا ويااااي حياهااا الله
* احبكن في الله *
اختكن " قلبي طفل بريء"
انا وياااااااااااااااااااااااااااااج @_________@
واهم شي ماتسوين فوكس ع نفسج .. خليج عادي
كلي متى ماحبيتي .. بس اهم شي بمقدار مايشبعج
مب تاكليييين لدرجة توصلين التخمه
وع فكرة الغاااازيات وااااااايد تمتن .. انا حاليا ماكل شي بس كله بيبسي شوفي وزني دومه يزيد
ويطلع كرششه اكره شي .. بحااااااااول اخلييييييييه قد ماقدر وابعد عن الشوكليت
وان بعد عضوة يديدة لوووولز
وبعد شاركت ويا الخوات فموضوع رجيم قروب ال رشاقة وان شا الله نضعف بصحة
واحسن رجيم هو رجيم التخفيف و كلي اللي تبين بس قللي و سوي رياضة يعني اهم
شي تستانسين فحياتج و ماتفكرين بالاكل و الرجيم لان عن تجربه الفتره اللي اسوي فيها رجيم اكتئب
وما استانس فالعزايم وما احاتي غير الاكل لكن مع التخفيف اكون مرتاحة و اكل اللي اباه مع تخفيف بدون ندم
و اصلا تحسين عمرج خفيفة و ان شا الله انا من اليوم بتابعج و بهزبج بعد و بنكون ربع ادري وايد رمست فاسمحيلي
ويلا يا حلوة نتريا يومياتج