أنا والقمر

يمرالليل وأنا صابر٠٠
قلت: عل وعسى يحن ويرجع٠٠
أناجي القمر وأقول: كيف ع البعد قادر٠٠
قال: خلك على خلك صبور إن طالت الأيام مرده بيرجع لك٠٠
قلت: مقدر أخبي شوقي ولهفتي٠٠
قال: حبك له بعلمك تتنظر ييته لوحتى بعد سنين٠٠
قلت: تظن إنه مشتاق لي؟٠٠
قال: ليش مو إنته حبيبه٠٠؟!
قلت: حبيبه بس ودي أعرف بشو يفكر ٠٠
قال: اسمع قلبك وش يقول لك٠٠
قلت: ما أدري علامه كل ما سألته سكت ويفكر٠٠
قال: قله حبيبك كيف ع البعد يصبر ٠٠
قلت: ما أدري٠٠
قال: وإنته كيف متصبر؟٠٠
قلت: مهما طالت غيباته تبقى صورته بين جفوني وقلبي يم قلبه٠٠
قال: الحين اسأل قلبك كيف ع البعد يصبر٠٠
قلت: دام قلبي يم قلبه ع البعد يصبر لوطال الدهر٠٠
قال: وبتقى إنت بداية حياته ونهايتها٠٠
قلت: تدري إنك ألهمتني الصبر٠٠
قال: أنا قمره بليل كل عاشق ولهان يرتجي عودة حبيبه٠٠