أنا و ابره المهدئ و شوربة البروكلي

و من طلعت من البيت و انا ضايجة و اي دقة بنفجر في اي حد و فيني ويع، ريلي يباني أسوي كمن شغلة للبيت أمه بتي من السفر و لازم انرتب و نسوي و طبعا هذا مب شغلي شغل خواته ، بس الله كريم و عصبت و انا ساكته و ما ابا اقول لأميه ،،
و أميه من صوب ثاني ما ادري ليش معصبه عليه ، و نتجادل في مواضيع تافهه
طرشت مسج لأختي ، بنزل اميه بيتكم بس دخيلكم رفعوا ضغطي هيه و ريلي ، بصيح من التعب و الويع ، قالت اوكيه.

نزلتها بيت اختي ، و طلعت بركنت السيارة عند شيشة البترول و حطيت سورة البقرة و يلست أصيح ،،، تعبت خلاااااااااص نفسيا

ريحت مال عشر دقايق و روحت البيت ،،،، طول اليوم و انا عناد و مغايض ويا ريلي ، و ريلي يستانس يوم يشوفني معصبة و يضحك عليه ،،

فليل ريلي رقد الساعة 10 و انا رقدت و دايما أحط تيلفوني ع الصامت إلا هذا اليوم ، اتصلت أميه الساعة 11 و هيه تصيح ، محمد مريض حرمة أخوج و أختج ودوه المستشفى فيه حمى ((محمد ولد أخويه ، أصلا هوه مريض من الولادة عمره 6 شهور))
و قلت لها لا ما عليج حمى عاديه، تعرفين لأنه هوه مب صاحي تلقين ما عرفوا شو يسوون وياه ،، الموضوع أكبر من جي و انا ما ادري أصلا محد خبرني
و بندت عنها ، نشيت يوعانه لأني مااتعشيت اتصلت لأختي قلت لها ، اشحال محمد قالت في العناية ، خفت قالت حالته مب مستقره الله يعيينا، قلت لها اتعشيتوا ؟ قالت لا ، قلت لها بييب لكم عشا ،، المستشفى قريب من بيتنا دقايق
قالت : هاااا لا لا ، احنا طلعنا و اخوج عنده
قلت لها برايكم ،

ما رقدت عدل فليل كله كوابيس ، نشيت الساعة 4 فكرت اتصل حق اخويه بعدين قلت لا ، مساكين يمكن ردوا البيت و رقدوا ما بغثهم

اتصلت اميه الساعة 5:30 و قالت أنه اتوفى ،، أنا انهرت و سكرت عن اميه و لا اعرف شي ، وعيت ريلي بسبب صياحي ،،
و طبعا لبست عباتي و سيدة بيت اخويه ،،، مرن أيام العزى ثجال ،، كان عصفور من عصافير الجنة …………

الله يصبرهم ،، دخلت التاسع و انا اتويع اسبوع كان متعب واااايد و كل يوم اقول بربي
و مر الاسبوع الثاني ،، و 5 حريم ويايه تقريبا بيربن و فرق بينا كمن اسبوع ،،
ربت الاولى و الثانية و الثالثة و الرابعة ،،
حسيت بثجل فظيع ما اروم ارقد ، اصيح طول الوقت أقول حق ريلي ابا اربي والله تعبت ،،
كان يوم هادي نشيت الصبح الساعة 9 اتريقت و يلست اطلع التلفزيون ،،