اتمنى كل وحده تحدر الموضوعتكون بخير وعافيه يارب
https://forum.uaewomen.net/showthread…=570283&page=4
ها موضوعي انا والغربه 1
وايد بنات تجاوبوا وياي الحمدالله وحسيت فعلا ان لي ناس وخوات
تعرفون بسم الله ماشاء الله وحده من الخوات في موضوعي الاول قالت لي راح تعتمدين على نفسج وراح تتغير شخصيتج
وهذا الي قاعد يصير وانا وايد مستانسة عمري 18بس حاسة اني صايرة 30 سنه <<حلفي خخخ
اناااا كنت في البلاد ماروم اسير مكان من دون الوالده ماعرف اختار ملابس لعمري استحي اسال الي في المحل عن مقاس اباه لازم امي تساله كنت وايد انطوائية كنت اكره نفسي اقول ليش مب جريئة انا
مب شرط اسب واجرح عشان اكون جريئة بس عالاقل اقدر اعتمد على نفسي !!
الحين صار لي 3 شهور بعيده عن هلي وانااا مستغربه من نفسي وفرحانه
الحياة غيــــــــــــــــــــر الناس غيــــــــــــــــر كل شي غيــــــــــــــــر
واناااا راح اصير غيــــــــــر
طبعا امي مب وياي ولاحد وياي تعرفت على بنات عربيات وخليجيات بس طبعا مش كل مرة اقولها فلانه بغيتج تطلبين لي ولا تعالي وياي!!
تغيرت : صرت احسن عن قبل اسير اغسل ملابسي بروحي نتشارك انا وزميلتي بالسكن التنظيف والطبخ البنت تحبني وهذا من فضل الله شافتني اقرا قران مرة قالت لي تعرفين اني من ثمان سنوات ماقريت قران !!
عقب اتفقنا كل يوم نقرا صفحتين عساس نحمي اعمارنااا ونرضي ربنا عشان يرضا علينا
الحمدالله استقريت ومن اكلم هلي ماقمت انا الاولية الي كل ماكلم امي اصيح حتى هي ملاحظة علي
تغير كلامي تغير تنظيمي تغير
الحمدالله الحمدالله
عندي مشاكل صغيرة صح بس اتعداهاااا
1-يعني مثلا الوقت : كلاساتي مب ورا بعض يعني بين كلاس وكلاس جم من ساعه اروح السكن وارد بس قررت اني بسير المكتبة وبستغل الوقت
2- النشاطات الرياضية : عندنا بالجامعه مركز رياضي كامل ((مختلط)) بس فيه اوقات للنساء((السباحه)) وايد يسالوني ليش مانشوفج بالمسبح ابرر لهم واقولهم مشغوله هالشي مب مضايجني
لاني امارس الرض والمشي والعاب ثانية مب شرط السباحه .
3- الاختلاط: ماعندي مشكله احيانا الاستاذ يطلب منا نشتغل قروب بنات ويا اولاد وهالشي مب مضايجني لان الاكثرية محترمين وما نتكلم الا بالدراسه
بس يوم اسير المطعم احيانا اكل بروحي بس الاغلبية اكون ويا شلة بنات
يوم اكون بروحي احياناا اشوف زميلي بالصف يي يكلمني واناا هالشي الي صدق متعبني ماقدر اقول لاتيلس بس اكون سطحية لابعد الحدود.
وامور بسيطه بس احاول اتغلب عليهاااا
بس فرحانه ان ربي يسهل علي امور كثيرة يابنات الحمدالله
يعني احيانااا احس ان في وراي شخص يتبعني ويقولي مثلا سيري البيت ومن اوصل البيت القى رساله عند الباب ان الاجتماع او الكلاس الي بالليل التغى
هذي الفضفضة الي بخاطري وكتبتهااا
واشتقت للبلاد وااااااااااااايد
بنات ادعولي امتحانات الفاينل بعد شهر واتمنى افرح هلي بالنتايج المرضية
وماراح انسى ابشركم باذن الله
وصلى اللهم وبارك على سيدنا محمد وعلى اله وصحبه اجمعين
على فكرة وايد اانب يوم يعرفون اني من الامارات يستانسون ويتكلمون اكثر شي عن دبي
وفرحانين وويمدحون اهلنااااااااااااااااااااااااااا
احبكم بالله
استمري ع هالشي .. ورفعي راااس اهلج
شي طبيعي بتتغيرييين لان البيئه الي حوليييج تجبرج ع هالشي
تمسكي بدينج ولا تفرطين فيه
وقلبي ويااااج
والله يوفقج وترجعين بالسلامه
بالتوفييق حبووبه
وماشاء الله عليييييج
ان شاء الله ترفعيين راس هلج يارب
واي شي تبيين نحن حااظرين
تحملي ع عمرج عزييزتي
تقبلي وودي
شدي حيلج وربي يسهل عليج دراستج
وأي شي تبينه نحن حاضرين ^_^
ان شاء الله تبشرينا بالنتايج الحلوة ^_^