أهل الزوج

السلام عليكم و رحمة الله و بركاته

خواتي مشكلتي "بنتي "
أنا ساكنة مع أهل ريلي و الصبح بنتي تكون فالبيت مع عمتي و عمي ، يوم ارد من الدوام أكون مشتاقتلها مووت و اشلها و نسير الملحق
لكن المشكلة هم يبون بنتي تكون عندهم 24 ساعة العصر و الفليل ، رمست ريلي أكثر من مرة يقولي ما عليه بنتهم يشتاقولها أقوله زين أنا امها
أنا من الصبح أودرها ..
و المشكلة الثانية ما يبوني اسير بيت أهلي فالويكند لان خواته يتيمعون يوم اليمعه !!
و اهلي ما لهم حق يشوفون بنتهم !!

بصراحة قلت حق عمتي أنا طول الاسبوع فالبيت يقدرون عماتها يخطفون و يشفونها بس الويكند انا لازم اروح بيت اهلي لان انا في امارة و اهلي فامارة ثانية
فأيام الاسبوع وااايد صعب اني اروح ..

ساعدوني عطوني حل !! و الله كل يوم اصيح لاني ما اشوف بنتي وااايد

والله انا اشوف من حقج تككون بنتج معج بعد ماتردين من الدوام..
صحيح هم يحبونها وشكلهم متعلقين فيها ويزاهم الله خير على اهتمامهم فيها..
بس بعد لازم يكون في وقت لج..البنت محتاجة حنان امها اللي تنحرم منه ففترة دوامج..
كلمي ريلج وفهميه..
لازم يكون في تواصل بينج وبين بنتج ..هذي طفله ومحتاجة لامها معها عشان تنبني شخصيتها..
او خذي اجازة لفترة ..وقعدي معاها بالبيت ..

لا ادخلي ريلج بالموضوع يعني انتي زوجته واهم اهله اكيد ما يقدر يزعل اهله ولا يقدر يزعلج
تفاهمي مع عمتج وعمج بالكلام الطيب يعني فهميهم قولي لهم تراني حسبت بنتكم ومثل ما انتوا تحبون عيالكم انا بعد احب بنتي وسوي اتفاق معاهم مثلا بخليها عندكم الفترة الصباحية ولما ارد بتكون عندي
اما على زيارة اهلج ترى الاجازة يومين يوم مع اهل ريلج ويوم عند اهلج وجي بتنحل المسئلة المهم اتفقي انتي والشواب والله يصلح الحال

الموضوع جدا سهل يتجمعون خواته السبت لانهم قربيبن منكم واهلج اليمعه وبنتج عادي خليها تروح للمغرب وشليها عاد مره وحده لانهم شياب وحرام يتسلون مع بنتج واحليلهم

حبيبتي شليها عقب ماتردين وريحو وع المغرب وديها لين العشا بس تمي وياها عشان تحس انج وياها ،،،

الله يحفظها

وبخصوص موضوع الزيارات انا من اماره وهلي من اماره ثانيه وماروح كل أسبوع كل اسبوعين يومين وارد،،، فنظمي أسبوع وياهم واسبوع ويا هلج

انتي لج حق في بنتج
واهلج لهم حق علية تزوريهم ويشوفون بنتج

الله ييسر لج امورج ويسخر لج ريلج واهله