والله من الطفش والزهقه وأنا أتصفح في المنتديات لقيت هذا الموضوع وعجبني وفقعني ضحك من مواقف البنات ……….
وأتمنى كل بنت تكتب لنا أول هوشه هاوشها فيها زوجها من بعدج الزواج خخخخخخخخخخخخخخخ ..
وأنا راح أبتدي ..
أول مره هاوشني زوجي الحبيب ثالث يوم من زواجنا .. خخخخخخخخ يوم سفرنا إلى شهر العسل … أنا بطبعي حساسه جدا جدا جدا على أقل كلمه لو مزح دموعي تسبقني
على قولة زوجي عني بزر .. نرجع لقصتنا .. قبل روحتنا للمطار لبست البدله والعبايه و الجزمه الكعب ومتكشخه تعرفون عروس واحنا طالعين من الشقه رايحين للمطار أطيح ذيك الطيحه لأن رجولي تتعوج من الجزمه الكعب مو متعوده على الكعب خخخخخخخ وقام زوجي المحترم يضحك علي حتى اني شفت كل أسنانه وأزعل وأصيح وقام يراضيني وركبنا السياره متوجهين إلى المطار وخطرت على بالي فكره جهنميه وقلت لزوجي عطشانه ووقف عند بقاله بالطريق وشرالي مويه وهو جاي بيركب السياره قفلت كل حبات السياره وبما أن المفتاح داخل السياره جلس يطق علي يقول فتحي وأنا أقوله لا وهو يحاول وأنا لا والرجال داخلين وطالعين من البقاله وهم يشوفونا خخخخخخخخخخخخ ووقف يترجاني لما طاح اللي براسي بعد مرور 10 دقائق فتحت الحبات وجاني هواش معتبر من زوجي قال بتفوتنا الطياره يالخبله خخخخخخخخخخخ واخذيها صياح خخخخخخخخ .. بس لاتواخذوني تزوجت وأنا صغيره وأنا توي ناجحه من ثاني ثانوي خخخخخخخخخ ..
والمواقف كثيره بس يالله نتفاعل ونروح عن نفسنا وكل وحده تكتب أول هوشه وزفه لها من زوجها المحترم ..
و اخت ثانية تروي موقفها..
انا اول تهزيه كانت اول اسبوع وتونا وصلنا دبي ورحنا للفندق المهم وجايه اسوى فيها ست بيت وجالسه الم ملابسه وسالته وهو نايم عن شرابه مارد وارجع اساله صاح فيني قال خليييييييه ماطلبتك تغسلينه انقهرت وجلست ابكي عند التلفزيون بس بالاخير راضاني <<< حرمت اسوى ست بيت وهو نايم
والثالثة.. اذكر اول ايام زواجنا رحنا الملاهي ودخلني بيت الرعب
واانا اكره الاشياء اللي اتخوفني وخاصه بيت الرعب مال امه داعي
نفسي افهم وش المتعه في الخوف
المهم وكنت توني البس عباية الراس وقفازات ماني متعوده عليهم
وتعالي كعب ورجولي تزحلق من الشراب قلت لكم ماني متعوده
دخلنا المكان وكان ظلااااام مره وفيه سلم لازم انزل منه وهو يقول لي انزلي وانا اقول ما اشوف يقول حطي رجلك هنا انا اقول وين احطه ما اشوف
اخر قلت بحطه واللي بيصير يصير
المهم اني طحت وسحبته معي وطيحته وضرب راسه في الجدار وعصب بس ما صارخ علي وكملت اللعبه وانا بين مصارخ وصياح وخوف
ولما خلصنا جلست ابكي وهو معصب من الضربه الين يومه يقول ضربه خلنتني ادوخ
المهم رجعنا البيت وما كملنا تمشيتنا واول ما جخلت غرفتي جلست اضحك وهو يقول ليه تضحكين الحين
والاهم من هذا اني لما طلعت من المكان لقيت عقال معلقه في يدي كيف جات ما ادري
والله ذكرتوني بايام حلوه
والاخت الرابعة تقول..
موقف آخر حصل لي ولكن هذا أثناء سفرنا لشهر العسل … أنا سافرت شهر العسل لماليزيا وماليزيا فيها حديقه اسمها حديقة القرود وأنا علطول الكاميرا بيدي وأصور تشك وتشك وزوجي يقولي أزعجتينا خلاص كأنك مامره سافرتي مديت بوزي ولا كأني أسمع وماشيه في التصوير واحنا نتمشى في وسط الحديقه شفت مجموعه كبيره من القرود ووقفت أنا الحلوه وتشك وتشك وفجأه جميع القرود يلحقوني أنا وزوجي واخذيها ركض كل واحد في جهه خخخخخخخخ وزوجي المصون جزمته واسعه عليه ففصخها وكملها ركض وللأسف أول مره مايلبس شراب خخخخخخ يعني ركض الأخ حافي القدمين وأنا أركض تخبيت وراء رجال مع وزجته من أهل ماليزيا وخوفوا القرود وتفرقوا .. وزوجي مازال يركض حافي وفي الأخير استوعب ان مافي قرود يلحقونه وفي أجانب صوروه بهذا الشكل المخزي خخخخخخخ وانه محط أنظار الجميع وجاني تهزيء محترم وحلف اني ماأصور بالكاميرا مره ثانيه وأنا دموعي أربع أربع
اخواتي هذا الموضوع منقوووووول من منتدى اخر. اشكر صاحبة الموضوع حبيت انقلة لكم بس للفرفشة و تعيدون الذكريات و تشاركونا الضحك و الفرفشة والله لايجيب المشاكل بينكم و بين ازواجكم وربي يسعدكم
يلة حبيباتي ننتظر مشاركاتكم
حبيت آخر قصة
وهو مآ يحب حرمته ترمس ريآآلأ غريب مهماآ يكووووووووووون
فحصلت احلا هزبه
ولين الحين محرومه من اتصآلاتي للبقآلات و المحلآت
بس لازم بداية الزواج تضارب في الاراء يؤدي الى هزاب محترم هههههه