شحالكم خواتي
الله يسلمكم انا من ربيت احين من 16 يوم والحمد لله قعدت بيت هلي اسبوعين عقب ريلي قال نرجع بيتنا ورجعنا الحمد لله من 4 ايام بس والله والله من رجعت صابني اكتئاب فظيع لدرجة قمت اضرب بنتي البكر عمرها سنه وشهرين اضربها احطي حرتي كلها فيها ماعرف ليش والله والله احس لو اي حد رمسني بنفجر بويهه لدرجة ريلي حليله يرمسني وانا مالي خلقه اصرخ عليه وحالتي لله احس بس ابغي ابجي من اسبح عيالي ادخل اسبح واهدها بصياح فالحمام ماعرف ليش وتييني حاله اكره ريلي
مع انه الاكتئاب ماياني في بنتي الاولى بس هالمرة والله من روحت من بيت هلي احسني ضايجه ومكتئبة
للعلم انا وريلي بيت بروحنا بعيد عن اهلي وهل ريلي شوي بعيد عني
يعني 24 ساعه انا وريلي مجابلين بعض وبناتي الثنتين
منو منكم مرت بهالتجربة شو سوت والله اني ضايجه اكتب لكم احين وانا متنازعه ويا ريلي وابغي اضاربه ع اتفه الاسباب مع انه مسكين يسكت عني مايرد علي بس يروح عند عياله يلاعبهم
وانا طول ال4 ايام ضايقة وحالتي لله
شو اسوي فيدوني جزيتم خيرااااااا
الله لايبلي مسلم باكتئاب الولادة يارب 
و حاولي تعدين هالمرحله
وحطي في بالج أنه ريلج بيطفر من هالمعامله أتجنبي الأشياء الله تنرفزج
الله يهون عليج اختي ..
اشتري ملابس مريحه والوانها زاهيه تعطري اشوي من العطورات الباردة عسب اتهديج
سوي بدكير ومنكير
المهم غيري اللوك مالج وريحت البيت ولا تنسين كل يوم اتسبحي عب ريحه الحليب اللي بالصدر يخوز عنج
وفكري الف مرة قبل ما تهزبين بنتج لا تكرهينها بالنونو
واستغفري كل ما اتعصبين
كنت كله اصيح ونفسي منسدة عن الاكل واتييلي افكار غريبة واحس عمري بردانة وارتجف اهئ اهئ اهئ
بس حطي فبالج اختي انه هالشي طبيعي يصير عند البعض بسبب الهرموناااات … وكلها كم اسبوع وبيختفي
والله يعينج انشالله
بس عليج بسوره البقره
