إلى خبيرات السفر ماهي المحلات اللي تشترون منها هدايا السفر في لندن والمانيا وفرنسا

سلامن عليكم

مرحبا خواتيه

الصيف قرب و السفر حل طاريه

مالي غير الله ثم خواتيه خبيرات المنتدى السفيرات

بغيت انشدكن عن المحلات اللي تنشرى منها هدايا السفر

في كل من

لندن

المانيا

فرنسا

طبعا الهدايا للحرمات و الصغارية

عليج السلام فديتج عني انا فديتج اتشرا في لندن من شبربوش اشيا حلوه ورخيصه وفي المانيا من مارين بلاتز يسون سيل وتحصلين اشيا حلوه وفي فرنسا من غاليري لافايت وشي عندهم سوق بعد رخيص نسيت اسمه كله مغاربه فيه

عني انا

في المانيا مدينة (( ميونخ )) <<< في شارع المارين بلانتز بتلقين محلات وااايد رخيصه والله في الصيف يسوون تنزيلات انتي امشي محل محل وشوفي اللي يعيبج انا اعرف محل في بدايه شارع المارين يبيع اكسسوارات وشغابات ورخيص واشياء حلوووه للهدايا بعد ,, وخاصه محل (( الكوف هوف ))

شوفي الغاليه كل العرب يسيرون ها المحل لانه فيه كل شي (( اي شي في خاطرج بتلقينه فيه )) حتا في الطايق الارضي فيه عطوره بس موجوده في ها المحل وروووعه وخاصه للهدايا اسعاره وايد معقوله انصحج فيه ,, مكانه في بداية شارع المارين عند النافوره ,,

في لندن <<< اتشرا من (( الهارودز ))

في فرنسا <<< غالري لافييت طبعا خليجية وها الصور من تقريري

وهاي القبه من فوق خليجية

وها شكل المركز من داخل كل طايق له اغراضه يعني الطابق الارضي للمكياج والعطور والطابف الاخير لاغراض المطبخ وفي طابق لملابس الاطفال وفي طابق لملابس النساء وفي طابق لملابس الرجال خليجية