مرحبا خواتي
كل وحده تخبرني كم يوم خذت في العمرة
شو خطوات العمرة
شو خذيتي من ملابس حق العمرة
لاني انا اول مرة اروح العمرة هل في كتب اقراها قبل اروح فيها مثلا ادعيه او خطوات العمرة
أسأل الله أن يتقبل منك
بالنسبه للملابس مااعرف عنكم بس لاتخافي فيه عند كل ميقات محلات لبيع ملابس الاحرام
وجميع مايتعلق بالحج والعمره
بالنسبه للخطوات
إذا مو متوفر عندك كتيب
أنا راح أشرحها لك على مذهب أهل السنه والجماعه وذلك إمابرساله خاصه أوهنا حتى تعم الفائده لجميع الاخوات
أديني وقت
بارك الله وفيك
وتقبل منك
ونفعك وأخلص نيتك’’’
شلي معاج سبحه
معقمات مثل ديتوول
دخلى على قوقل واكتبي خطوات العمره بالتفصيل راح يعطيج الخطوات وبعد مصووره اذا ماعرفتي خبريني بساعدج
عبايتج لاتكون وااايد طووويله تسحب لانها بتعبج فالطواااف والسعي خليها مناااسبه مب تسحب وااايد ولاهي قصيرره
وادعي لي بالخيير
كل وحده تخبرني كم يوم خذت في العمرة؟
3 أيام من غير يوم الذهاب ويوم العودة
شو خطوات العمرة ؟
أول شي النية وبعدين تحريم ويكون بالتغسل وفي الاحرام يمنع التطيب اما عن خطوات العمره اكتبي في قوقل (خطوات العمره ) بيظهر لج كل شي بالتفصيل وخطوات العمره سهله تبدأ بالطواف سبعة أِشواط إبتداءا من الحجر الاسود وبعدين شرب ماء زمز وبعدين السعي أبتداءأَ بالصفا وبعدين المروه وهذي تعتبر سعية وحده وهكذا لين تكملين 7 أشواط
شو خذيتي من ملابس حق العمرة
شوفي حبيبتي الملابس تعتمد على عدد الايام اللي بتقضينها في العمره انصحج بعباه مسكره وساده واسعه وعدد العبي يعتمد على كم يوم بتقضينها هناك وخذي معاج نعال مسطح اريح لج في المشي
هل في كتب اقراها قبل اروح فيها مثلا ادعيه او خطوات العمرة
ما في مانع انج تقرين وتاخذين فكره عن العمره وخطواتها وعادي تاخذين معاج كتيبات أدعيه اتيج صغيره هالكتيبات ولونها أخضر ومذكور فيها الادعيه اللي تنقال في العمره .
أختي أتمنى أكون أفدتج وعمره مقبوله انشالله ولا تنسين تدعيلي
إليك وللجميع هذا الرابط
طريقه للعمره بالخطوات المفصله وقد روجعت من قبل شيخنا الفاضل الجبرين
نفع الله بها
https://https://forums.graaam.com/237790.html
شلي معاج معقم وملابس خفيفه وإذا كنتي بتروحين اسبوع كثري من الملابس ..
https://www.nor1way.com/vb/showthread.php?t=630
عمره مقبوله …. تروحين وتردين بالسلامة
الله يحفظكم
كل وحده تخبرني كم يوم خذت في العمرة
انا ولله الحمد كم مرة سويت عمرة واقضي بين 4 الى 5 ايام .. والعمرة مالها ايام محدده ان شاء الله يوم واحد تخلصي العمرة وترجعين …
شو خطوات العمرة
صفة العمرة
https://www.islam-qa.com/ar/ref/31819/ط§ظ„ط¹ظ…ط±ط©
شو خذيتي من ملابس حق العمرة
ملابسك العادية بس للاحرام انا احب اخذ كل شي جديد من والى مثل جلابية خفيفة وعباية مسكرة وشيلة سادة وجوارب قطن افضل من الشفاف الاسود لان نايلون وينقطع ..
خذي ملابس على قد الايام الي بتجلسين فيها .. ولا تنسين المقص وقصي الشعر في الفندق ..
والسجادة وكلينكس ميني ..
ولاتنسين اتصومين ولو يوم في الحرم لذة مابعدها متعة والله يتقبل منك …
لاني انا اول مرة اروح العمرة هل في كتب اقراها قبل اروح فيها مثلا ادعيه او خطوات العمرة
عليج بكتاب الله اولا واخيرا .. وادعي بمافتح الله عليك لان مافي دعاء مخصص للطواف او السعي
الا ماثبت…
واوصيك باخذ كتيب اوراد أهل السنة والجماعة … خفيف وجامع للأدعية
واليك بعض الروابط اقرئيها في منافع باذن الله
مواضع وصيغ الدعاء في العمرة
https://www.islam-qa.com/ar/ref/34744/ط§ظ„ط¹ظ…ط±ط©
كيف تقصر المرأة من شعرها في الحج والعمرة ؟
https://www.islam-qa.com/ar/ref/110804/ط§ظ„ط¹ظ…ط±ط©
ونسأل الله ان يتقبل منا ومنك صالح الاعمال