السلام عليكم
بغيت أعرف من الخبيرات ،، العسولات ،، الحلوات 
الدورة يوم تنزل 3 ايام وعقب توقف او ما ينزل إلا نقطة نقطتين
شو السبب ؟؟؟
شو الحل ؟؟
هل في مشروب معين اشربه مثل ( القرفة ) ( الأناناس ) ( الحلبـة ) عسب تنزل اكثر
هل الدم الفاسـد يتم ف الجسم اذا ما كملت 5 ايام مثل قبل ؟؟؟
كانت تيني 5 ايام و السادس خفيف و السابع اتطهـر
احين 3 ايام وخلاص
هالشي يأثــــر عقب اذا البنت عرست ف سالفة اليهال ؟؟
الموضوع وايد مضايج بي و ربيعتي تعاني مثلي :/
بعد 3 ايام توقف ،، واتم باقي الأيام مافي شي بس نقطتين يعني ما اقدر اتطهــر و اصلـي !! !!
اللي تعرف و عندها الحل تخبرني يزاكن الله خيــــــــر ^_^
لان الهرمونات ممكن تكون السبب
واذا استمرت هالحالة يمكن عقب تاثر في موضوع الحمل
مابى اخوفج بس افضل انج تفحصين عشان تطمنين
ويرتاح قلبج وربي يعافيج ان شاء الله وعسى خير
^^
المشاركة الأصلية كتبت بواسطة mayat 
اشرب قرفة و حليب من اول الدورة لين اخرها وماشي فايدة ،، بجرب الوصفة اللي قلتيها
مشكورة (:
المشاركة الأصلية كتبت بواسطة خوله.. لان الهرمونات ممكن تكون السبب
واذا استمرت هالحالة يمكن عقب تاثر في موضوع الحمل
مابى اخوفج بس افضل انج تفحصين عشان تطمنين
ويرتاح قلبج وربي يعافيج ان شاء الله وعسى خير
^^
تعقدت من الدكاترة ف هالموضوع 
دكتورة وصفتلي حبوب تنظم الدورة وعقب يتني حالة عصبية دوم اعصب و اتوتـر ويوم راجعت دكتورة ثانيـة قالت المفروض ما تاخذين هالأدويـــــــة !! !!
قلت خلني اجرب اذا شي وصفات طبيعيـة او شي معين أسويه !!
بما انج مب معرسة فجربي تشربين من بداية الدورة مرامرية مدة 15 يوم وعقبها ابدي بالبردقوش مدة 15 يوم لين موعد الدورة لي عقبها لان المرامرية والبردقوش ينظمون الهرمونات عند المراة واذا مافادت تراها ماتضر وفي ناس تشرب المرامرية يوميا تقريبا يعني مثل الشاي الاحمر وشاي حليب يعني خليها عادة عندج ^^ ما عدا الحرمة الحامل مب زينة حقها
وكثري من عصير الاناناس والمشي ايام الدورة بعد يساعد على انها تنزل وابتعدي عن المجهود الجسدي في ايام الدورة بس التزمي بالمشي العادي
تحركي ايام الدوره و المشي بعد يساعد على انها تنزل