إن الله مع الصابرين

الحمدلله بنات انا سويت فحص حمل وما شاءالله طلعت حامل
عقبال كل محرومه يارب..,,
انا ما كنت اريد اسوي فحص..
بس ريلي يلس يحن عليه..,,
كان عندي فحص حمل اللي ب 4 دراهم اللي يبيعونه في الجمعيه
كنت ما خذتنه بس جذه هههههه
المهم ريلي قال حرام روحي سوي فحص روحي روحي
وانا مب طايعه
اخر شي اقتنعت وقلت له انا ادري ان بيظهر خط واحد بس عشانك بروح اسوي
شليت التحليل
ورحت الله يعزكم الحمام
سويت التحليل
وظهر خط واحد خخخخخ
قلت بخاطري مليت من هالخط..,
وانا شالتنه ابا اعقه في الزباله
اشوف خط ثاني بس خفيف <<يلست اقول بخاطري شكلي اتوهم..,,
جان افتح باب الحمام واروح لريلي اقوله شوف الاختبار فيه خط خفيف صح ولا انا اتوهم؟؟
قالي هيه والله شكله خط خفيف.. قلت له شو يعني >>قالي مادري بس انتي تحملي من عمرج..,,
المهم ثاني يوم رحنا العياده وبشروني اني حاااااااااااااااااااامل
والحمدلله ياااارب
الله يرزق كل محروووومه يارب<<من خاطري ادعي هالدعاء لاني احس بالمعاناه والاحراج من الرمسه اللي تسمعونها..,,
يارب انك تثبت لي حملي وتحفظ لي جنيني من كل شر <<<آآمين يارب…,,
بس بقول شي
انا توكلت على الله ويلست ادعي في صلاتي
وما كنت افكر في الحمل في هالشهر..,,
بس سبحان الله
الله يعطي الانسان ع قد نيته ..,,
والسموحه منكن ادري اني طولت عليكن ..,,

ألف ألف مبروووووووووووووووووك والله يثبت حملج يا رب ويفرحكم ويسعدكم ان شاء الله ..مثلي حملت بعد انتظار تسع شهور من الزواج ..ان الله مع الصابرين ..

الله يبارك فيج حبيبتي ^^

ألف ميروك يا الغالية الله يتمملج على خير و الله يرزق كل محرومة يا رب

مبرووووك والله فرحت لج اختي
عسى الله يثبت لج هالحمل ويسهل عليج ويرزقج الذرية اللي تتمنينها
عقبال خواتنا

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان
ويالله ترزق كل محرومهـ عاجل غير آجل يارب العالمين..

ألف ميروك يا الغالية الله يتمملج على خير و الله يرزق كل محرومة يا رب