بغيت اتخبركن منوو راحت الهند … و وين تنصحوني اروح
يعني الفنادق و تكون ٥ نجوم .. و احلى المناطق الترفيهية و الطبيعية..
انا وايد محتااره بس دخلت الهند ف خاطري و ابا احجز بسرعاا لان ماشي وقت و رمضان قرب … الرحلة بتكون ١٥ يوم … كل ٥ ايام ف منطقه
و السمووحه
تسيرين من مطار دبي لين بنجلور وعندج 3 خيارات : طيران الامارات . الطيران الهندي – طيران كنج فيشر ..
تسكنين في فنادق 5 نجوم وفيه منهم وايد : الأوبروي واحد منهم ومميز
الأماكن الترفيهية :
حديقة وندر لا
حديقة دريم لاند
لمبيني قاردن وفيها تركبين البوت وبروحج تسوقين
التسوق : كومرشل ستريت
قارودا مول
سفينة مول : فيه أجمل
بنجلور سنترال
منتري مول
ذا فورم
أويسس مول
الأماكن الطبيعية :
حديقة سفاري وحديقة الحيوانات
حديقة لال باق
ناندي هيلز
وبعدين تطلعين من بنجلور عبر حجز سيارة أو باص اذا كنتوا مجموعة كبيرة إلى أوتي وما انصحج تيلسين في ميسور اذا ما كنتي من هواة التاريخ … الدرب حوالي 7 ساعات
الفندق : هوليدي إن
السياحة :
البحيرة
حديقة روز قاردن
المحال التجارية لي فالشارع
وتتجولون في وايد مناطق طبيعية ومنطقة شلالات تبعد حوال 40 كم فقط .
اوتي منطقة باردة لأنها جبلية
وبعدين تطلعين من أوتي تسيرين مونا أو كوداي كانال .. وكذلك هم مناطق طبيعية وليس للتسوق والترفيه … والعودة إما من مطار كومباتور أو مطار من مطارات كيرلا لكن كومباتور تطلع منه طيران الهندي فقط وليس الإمارات.
دمتي بود … اي استفسار حاظرين
بس نحن بنروح طيران الاتحاد
يقولون فنادق ٥ نجوم مب نظيفه وايد … شو تنصحيني ؟؟
و سمعتي عن جارمينار ؟؟
اذا سمعتي عنها شوه فيها حلوو ؟؟
والسموحه ع المداخله^^*