بعد ولادة ولدي الاول وايد جسمي اتشوه
لان وزني وااايد زاد وجلدي اتمطط واتقطع وعقب اترهل
خاصة ان الولادة قيصيرية
ترهلات وخطوط وسواد والحالة حالة!!!
سمعت عن مراكز واجهزة تذوب الشحوم وتخفف الخطوط
شو رايكم؟؟؟ عن تجارب ابغي
سمعت مركز الامير الطبي عندهم جهاز حلو
ومركز اسثيتيك عندهم بعد تقنية الLBG ولا ماعرف شو اسمها ؟؟
شو رايكم؟؟ ماريد اخسر فلوس عالفاضي
ابا اكثر شي لكرشتي المترهله مع اني اسوي رياضة بطن وبعدها ماشدت
انا ابا اشترك في جلسات في مراكز
بس ماعرف شو الاحسن
الجسم ولا لأروع بس انتي مسويه عمليه لازم تصبرين بعد 6 شهور تبتدأين
وكولاجين طبيعي للوجه
وصابون مغربي بالأعشاب يبيض ويوحد اللون
غناتي بقولج تجربة شخصية >>>لاني ولادة قيصرية شراتج شو يقول الواحد غير الحمد لله رب العالمين
اسمعيني زين ,,انتي ماقلتي لنا عمر ولدج ,,
يعني حبوبة القيصرية يقولون مبدئيا لازم تصبرين 6 شهور واحيد دكتورة قالت لي اصبري سنةةةةة@@
وانا فعلا صبرت سنة,,,
لكن خلال هالسنة ما اهملت نفسي ,,سويت التالي,,
1-الرضاعة الطبيعية لانها تساهم بشكل كبير جدا في خفض الوزن,,
2- ابتعدي قدر الامكان عن الدهنياااات وقللي النشويات خاصتن خاصت الارز و الخبز الابيض ويوم بتاكلين منه كلي بقدر معيا,,
3-حاولي غذائج يكون يحتوي على نسبة بروتين من روب وحليب وجبن وحاولي يكون لو فاات اوكي واللحوم اذا تحبينها حاولي تكون مشوية ع الاقل و الدياي كلي منه بس الصدر وعندج البيض مهم بعد البروتينات هاي تفيد في تخفيض الوزن انا اقولج كيف ,,اغلب اللي يسون رجيم يسونه غلط ليش لانهن ياكلن سلطة و خبز اسمر ويحرمن نفسهن من البروتينات وبالتالي لو يضعفن شكليا يتم جسمهن محتفض بالدهون داخليا اضافة الى ترهل الجسم وفقدة للبروتينات وبالتالي تقصف الاظافر و الشعر يطيح اما الاهتمام بالنظام الغذائي الصح بالعكس صحة وفايدة والبروتينات تتم في المعدة فترة اكثر من النشويات عشان جيه تحسين بالشبع فترة اطول عكس النشويات تهضم بسرعة وتخليج تيوعين وبالتالي تدورين على اكل زيادة وبالتالي كسب وزن زيادة
وفي نقاط مهمة عشان الوزن الزائد شكليا يكون بسبت السوائل المحتبسة من الولادة ومن الاكل ,,اما بخصوص الاكل فخفضي الطماط و الجزر و الملح الى اقصى درجة ,,,
وبالنسبة لسوائل الولادة عليج بتحاميل من عندج شمسه المسيحة ما شاء الله عليها روعة تحاميلها وانا ميربتنها واسالي واستخيري للحيطة هي عبارة عن اعشاب وتسحب ماي الولادة و الوسخ برااااااا,,
حتى بتلاحظين ان قياس ملابس نقص وايد مع ان جسمج نفس الوزن هاا دليل على السوائل راااحت,وبتلاحظين الزنووود خاصة خفت وكذلك الارداف ,,
هاا كله بخصوص الاكل و الحمية
اما بخصوص الرياضة
نعم اختي المشي الخفيف مهم + مركز استيثك انا ميربتنه وااايد زييين يربت عندهم ال بي جي وسلم تون هاا وااايد مفيد لكن لا تنسين انتي قيصرية يعني صعب عليج الحين وما انصحج به انا سويته عقب 3 سنين من الولادة عرفتي
شي اخر يزيل السيليولايت :
الحمام المغربي ,,نعم الحمام المغربي لانه الليفة نفسها تحرك الدورة الدموية في جسمج وبالتالي يعمل على تكسير تجمعات الدهون وتشتيتها ,,حافظي على حمام المغربي مرة اسبوعيا,,
لاتنسين يوم تسوين الحمام المغربي اخلطي الصابون ( الصابون البلدي ) بالحنا ,,وحطي على جسمج
لان الحنا يساعد غناتي على ازالة اوساخ الولادة و القشور وهو مفيد جدا جدا للجسم
حتى الاخوات اليمنيات لازم يحنن جسمهن في فترة الاربعين ,,,
ع فكرة اذا حبيتي طريقة الحمام المغربي في البيت ما عليج الا بطريقة الاخت المغربية مروة ( يزاها الله خير )
اختي من تجربة ما شاء الله لاقوة إلا بالله وهذا كله من فضل ربي ثم الحرص و الاهتمام حبيت افيدج من واقع تجربة ,,,
ملاحظة: بالنسبة للحمية الغذائية ،،لو تابعين في مركز دكتور نيوترشن وايد زين ،،طبعا اشاعات الكلام اللي ينقال عنه ,,بس انتي خبريهم انج ترضعين بيعطونج حمية مناسبة ,,وع فكرة ابتعدي عن السكر الصناعي قوليلهم مابا بخفض السكر بروحي + لا تاخذين حبوب او مايسمى بالحمية السمارت( الحمية السريعة) اتبعي نظام الغذائي اللي عندهم فقط ,,,,
وتاكدي اتاكدي انتي وغيرج ان لو ما عندج عزيمة ولا رغبة حقيقية ,,فاا كلامي اللي فوق غير مهم 
من قلب حبيت افيدج واتمنى منج ومن كل من تستفيد دعوة صادقة في ظهر الغيب.
و السلام عليكم و رحمة الله و بركاته