ابا طريقه القيمات

هلا ابا طريقه حلوه او سهله للقيمات بس مابا الجاهز ياليت اللي تعرف اتفيدني وتعطيني المقادير

والله يا اختي قبل ٣ ايام اعملت وطلعت مرتبه ومقرمشة بكره الصبح ان شاء الله بكتبها لج

هلا اختي اشحالج بعطيج طريقتي

١ كوب طحين رقم ١
فنيان سكر
رشه ملح
هيل
زعفران
وبيضه
١كوب ماي او يمكن اقل على حسب سمك العجين مانبيي يكون وايد سايل ولا وايد غليض
ملعقتين روب
ملعقه خميره

حاولي تخلطين كل المقادير وخلي الطحين في الاخير غطي وخليه يرتاح نص ساعه

هي طريقتي بتوفيق اختي

هههههههههههههههههههههههههههههههه
ذكرتيني بالقيمات اللي سويتها حطيت فيها بكنج بودر
واحطها في زيت حاار والمطبخ انقلب احتفال ماسكه غطى القدر
واحرك
وان شاء الله اجرب اللي سدحته اختيme_emo

اختي تحتاجي كوبين طحين كويتي منخول
نص كأسه نشاء
كوب وربع ماء
ملعقتين صغار خميرة
ملعقة سكر
ملعقتين زيت نباتي او سمن بلدي
نعجنهم حتى تصير عجينه لينه متماسكة وبخليها ساعة الا ربع الى ساعة تقريبا
بعدين بتمسكي قطعة من العجينة وتجيبي ملعقة صغيرة وتغطيها بمية وتقطعي فيها العجينة وكل مره تغطي الملعقة عشان العجينه ما تلزق وبتحطيها بزيت حار وتخليها يادوب يتغير لونها وتشيليها من الزيت وتحطيها بمصفايه بس تكملي قلي كل الكميه ترجعي تقليهم مره تانية عشان يصيروا مقرمشات وبتحطيهم بالقطر وبعدين بطلعيهم وترشي عليهم شوية جوز الهند اذا بتحبي
بس السر انك لازم تحطي ملعقة نشاء بالزيت قبل ما تقلي عشان العجينه ما تشرب الزيت
جربيها وادعيلي ولو بعرف انزل الصور كان حطيتلك صور الي اعملتهم

مشكورات ماقصرتو راح أجرب ألطريقه انشالله