ابراج الامارت والشيبه

[CENTER]السلام عليكم ورحمة الله وبركاته

يا حسرة قلبي عاللي صار والله يا بنات اني كنت بفجر الابراج ع راس الشيبه

امس سرت مول الامارات الصبح اخذ اغراض لاختي مربيه واحب الصبح لانه هادي ومافي اي زحمه خذت الاغراض وطلعت دقيت لربيعتي اسالها وين ؟
تقولي توها طالعه من مينا السلام كان عندها اجتماع .. قلت لها مري الابراج ستار بكس بنيلس شوي … قالت لي عطيني ربع ساعه بكون عندج ..
حزتها كانت الساعه 12 .. دقيت لريلي اقوله يمكن اتاخر وبسير الابراج بقعد في ستار بكس شوي وبرجع
واذا عنده وقت ايب غدا من برع ..

دخلت من الفندق وانا داخله تفاجئت بشيبه قد ابويه لا والله ابويه اصغر عنه
يقولي يا مرحبا بالمزايين .. قلت في خاطري الحين انا وحده صرت مزاين
طنشت ودخلت السنتر وتفاجأت واحد يتكلم ورايه يقول وين تبي الغدا الطابق الخمسين ولا الطابق الارضي .. لين يا حذالي قالي السلام عليج .. قلت له
آمر في شي .. قالي عطيني نص ساعه وبي ابيج في موضوع .. وقال رقمه بسرعه والله رقمه يخوف
وسار دقيت لربيعتي اقولها وينج واحد قد يدي يلحقني تعالي بسرعه ولا بطلع
ودخلت عزكم الله الحمام اترياها لين ما وصلت .. وسرنا ستار بكس قعدنا نص ساعه وبعدها قالت تبي تاخذ شنطه من قوتشي .. وانا مافي نيتي اخذ شي
يايه بس ايلس واحب الابراج لانه مكان هادي ..

فجاه الاخ الكريم اشوفه دخل اقول لربيعتي هذا هو .. قالت لي خيبه هذا ابو يدج شكله.. يا صوبي لا حيا ولا مستحى قالي تنقي اشتبين وسيري وهذا كرتي اتصلي بترياج في الهوتيل……..

آآآآآآآآآآآآآآآآآآآآخ يا حسرتي ع شبابي طلعت من المحل وانا صج احس اني احترق .. وصرخت عليه في المحل لدرجه اللي كان يبيع يقولي خير شو صاير
قلت له استح ع ويهك ووالله اني خفة اعق اي كلمه يطلع لي من ف اي بي.
وطلعت وانا احس انه ويهي احترق بس ابا اوصل السياره .. وربيعتي نفس الهبله تركض ورايه .. وطلبت سيارتي وطلعت واتصلت لربيعتي وصج مب عارفه اصيح ولا اضحك ولا العن الساعه اللي شفت فيها هالشيبه
والله اسير دوم عمره ما صار لي هالموقف صحيح في مطالع بس عمره محد تجرا قالي كلمه في هالمكان ولا يقولي هوتييل .. هوتييل في عينه

خلص زمن مغازل الشباب طلعو الشواب والله ويهه مجعد لاحيا ولا مستحى

وغير وغير وغير لاحول ولا قوة الا بالله العلي العظيم والله اني اتحسر ما نمت
وانا افكر شو هوتيل شو يقصد

والله وايد مواقف تصير مع الشواب .. الله يهديهم دعينا الله يهدي شبابنا عن المغازل واهتدو نصهم يا دور الشواب الله يهديهم[/CENTER]

والله يقهرون بعض الشواب ذكرتيني بموقف

كنت سايرة وامي محل ودخل علينا شيبه شعره مشيب

وتم يطالعني ويلاحقني ويقول انا عزابي عزابي والله مت خوووووف

قلت شو يبقي هالخبله عزابي يعني لو كنت عزابي بتزوجك يالماتستحي

ويوم قلت لاخواني عصبوا قالوا لو قلتلينا بنروح نضربه ضرب بس شيبه وين يروم

وماعليج هالدنيا عجايب المفروض يتوب ويتعبد هب يغازل

هذا وقت العجايب يا اختي
قبل كنا ندعي للصغارية انه الله يهديهم
الحينه يا دور الشواب والعيايز
والله يعين
بس صدق سالفة تضايج شيبة عمره بعمر يد اليد ويسوي هالسوالف
الله يهديه ويعينا على زمن البلاوي هذا

خخخخخخخخخخخخخخخخخخخخخخ ضحكتيني حليله يبا يتشبب الريال طلعت عليج عن يكون نفس ابو **** الي في مسلل نقطه ضعف تعالوااا صح يوم الاربعاء كنت في موووول الامارات وشفته هناك الي هو غانم الصالح اتعرفواا انه في الواقع افتح عن التلفزيون حليله

خخخخخخخخخخخ عادي اختي … يمدحونه الطاف .. وطنش تعش وتنتعش فديتج ^_______^

يا كثر بلاوي الشواب

عندي اختين الثنتين معرسات بس يوم نطلع وحدة تخصص شواب والثانية تخصص خوال كل وحدة اتحرش فيها واحد من هالنوعين مع انهن حشيمات والله بس شو بتقولين

والله ما شفت المسلسل ..

الله يبط جبده .. لوع لي جبدي

شو رايكن نسزي حمله عليهم واللي يغازل نخبر الشرطه لا احم ولا دستور
مقهوووووووووووووووووووووووووووره يقولي هوتيل آآآخ يا حسرتي