ابرة الظهر حقت الم الولاده تنصحوني اسويهاااا ؟؟

السلام عليكم ورحمة الله وبركاته
بنات انا ربيت بولدي وتعذبت اخر عذااااااااب الله لا يوريه احد تعرفون الام الولااااااده واختي وحرمة اخوي سوي ابرة الظهر وكانت ولادتهم ماشاءالله مافيها اي الم ومالها مضاعفات الحين انا باقيلي كم يوم وبربي واختي تنصحني اسويها بس متردده

استشرت الدكتوره قالت لي الحين الكل يسويها ولا تتلعوزين في الولاده تقولي حتى الخياطه اقدر اخيطلج ونا وانتي مرتاحين

حبيت اخذ رايكم

انا بروحي ابغي اسويها بس خايفه ومتردده خواتي ينصحني فيها لانهن مجرباتنها ويقولن صصصصصصصصصصصصدق ها الابره نعمه من الله وتريييح

…………..

شخباركن خواتي000الولاده الطبيعيه صج تعب00اللهم لك الحمد00بس اخاف من ابرة الظهر 00انزين في اي مستشفى يسوونها00؟؟

اختى ما انصحج فيها مثلا انا خذيتها عشان العمليه القيصريه ….. والله اختى وايد تعذبت من بعد العمليه وخاصه بعد ما رجعت البيت ما قدرت اربي بنتي لان وايد كنت اون من الالم في ظهري… وبتدريج خف بس في حزه الدورة احس فيه وحزه الجو البارد بعد احس بظهري…… حتى قلت المره الثانيه بطلب بنج كامل احسن …

السلام عليكم ورحمه الله وبركاته

انا ما ادري بهالامور

بس اليوم كانو يايبين على قناه بدايه برنامج .. فيه كان استشاري ( دكتور سعودي )

وكان الموضوع عن الحمل والولاده

وسمحت طراطيش منه لاني ما كنت متابعته

ان ابره الظهر هي ابسط شي تاخذه الحرمه وترتاح من كل الالام ..هذا الي سمعته .. لاني ما كنت مهتمه بالموضوع

انا سمعت عنها انها وايد اوكية للولادة لكن سبب شلل اذا يت الابرة على الحبل الشوكي
يعني الم الولادة احسن من انها سبب الشلل
بعيد الشر عن الكل…………