خواتي العزيزات ….
اليوم وحدة من طالباتي وخل نفرض س خبرتي بمشكلة صايرة في صفهم واللي هي أن وحدة من بنات الصف (ص) تتكلم في أشياء وسخة … وهالأيام قامت ترمس عن أشياء تصير بين الزوجين وحركات بالوقفة والمشية والنظرة …..الخ … والبنت (س) اتقول تعبنا من كثر ما نتكلم وياها وانقول لها ما نبغي نسمع هالكلام واحنا اصغار على هالسوالف وبعدين اصلا هالكلام عيب وما ينقال واهلنا ما علمونا نتكلم في هالمواضيع ….اتقول المشكله إنها قامت اتفتح عقول الطالبات على هالأشياء وان بعض ربعهم قاموا ايقولون هالكلام الوسخ … والبنت ( س) هذي تبغي تنتقل من الصف …والسبب هالبنت بس اتقول امي تسألني ليش ؟؟وشو السبب خصوصا ان بنات الصف ربعي ومن زمان نحن مع بعض ..وهي تستحي اتخبر امها بالسبب فلجأت لي …
والله يا خواتي سمعت كلام بعمري ما سمعته من ضمن الكلام اللي قالته الطالبة (س ) كلام ما ينقال وحركات وسخة …اتقولي ابله أنا مضايجة وحاسة انها بدت اتخرب البنات ولما نصحناها عصبت وزعلت …لكن هي ما تهمني لكن حرام في بنات قاموا يماشونها ويقلدونها واحنا مب عارفين كيف نتصرف معاها …
أنا خبرتها إني بتصرف وبحاول أحل المشكلة لكن ابغي نصايحك في البداية … هل أكلم هالطالبة وجها لوجه … أو أخبر الوكيلة وهي تتصرف معاها بحكم انها مرت عليها من هالسوالف …( للعلم الطالبة طلبت اتكلمني على انفراد وكل الصف سمعها بما فيهم الطالبة اللي اتكلمنا عنها )
وجوزيتم خيرا ….
المعلومات يمكن تكون غلط لان البنات يكيدون لبعض وحتى لو كانت البنت يبين عليها انها مالها خص بهذي السوالف انتي ما تدرين لا وغير هذا حتى المدرسات احيانا يكيدون لها الطالبات .
اتمنى ما اكون طولت عليك وجوابي يكون شافي